عنوان الموضوع : اللي حبيته بيتزوج مجابة
مقدم من طرف منتديات نساء الجزائر

اللي حبيته بيتزوج



السلام عليكم ورحمة الله وبركاته

نار تكويني بكل شبر من جسمي ورعشه غريبه صابتني من سمعت بخبر زواجه

والله يابنات اني بنفجر من الغيظ والقهر والحسره
الحقير عيشته احلى الاوقات وسمعته كلام ولا احلى من الشعر و وهبته كل وقتي وكل ماطلبني شي قلت سم وحاضر ولبيه ومن عيوني وعلى امرك

رافقته بأفراحه واحزانه

تخيلوا ان كل يوم كان يكلمني ويقص علي همومه بالدراسه والغربه حيث ان هو يدرس ببريطانيا وانا اهون عليه واقوله كلها سنه وانت راجع لوطنك واحبابك وكلهم منتظرين منك الشهاده الكبيره اللي ترفع الراس ويقول آآآآه مافي غيرك مصبرني
وكل يوم على هالحال يجي ويسولف معي عن مشاكله وهمومه والمواقف اللي تصير معه وانا اصبره واذكره بربنا واعطيه حلول

مادري ليش توني استوعب انه كان ماخذني مجرد متنفس له او حماره تسمع له او غبيه او حقير ه او مغفله او جاهله او بلا وعي

توني ادرك اني كنت مجرد تسليه ومجرد لعبه يمضي وقته معها
ماكنت اعرف انه ماهو معتبرني شي وان فتاة احلامه ابعد ماتكون عني
مادريت انه طول ماهو معي كان عقله وفكره وباله وقلبه مع وحده ثانيه ويخطط لخطبتها والزواج منها

بس ولامره فتح معاي الموضوع وانا طول الوقت اظن انه لي وهو يبيني له

توني دريت بخبر زواجه وانفجعت
ليش سوا معي كذا؟
وش مفكرني بلا احساس ولا بعديها بالساهل؟

انا ناويه اخرب عليه عرسه ماابي هالعرس يتم لو من وراه اعدام وسجن لي بس انا مابخليه يتهنى مع غيري

بنات بليز مابي وحده تقول تركي عنك هالخرابيط ولا من البدايه انتي غلطانه ولا هالكلام اللي مامنه فايده

لان اللي ايده بالنار مو مثل اللي ايده بالماي
ونصايحكم شي والواقع شي ثاني تماما وماحد يحس باللي بداخلي غير اللي جرب احساسي

عطوني افكار وش اسوي بليلة عرسه
مرات افكر احضر واشوف بس ادري بتألم ويمكن اسوي جريمه
مرات افكر اهدي له هديه بمناسبة زواجه وابين له اني فرحانه ومبسوطه عشانه

تجيني افكار حلوه وافكار سيئه بس كلهم مايبردوا حرة قلبي المكسور

واللي يقهر اكثر واكثر واكثر اني كنت معه مدة 6 سنين من اول مابدا دراسه
آآآآآآآآآآآآآآآه يايمه والله كل مااشوف صورته يتهيأ لي بصورة ذيب او خنزير من شر افعاله وسواد وجهه

كرهته كره مايعلم فيه غير ربي
وشلون بس يتجرأ يسوي كذا؟

تدرون اني من حبي له اول في مره من المرات قال تعالي بريطانيا مو كافي البعد اللي بينا وانا مايشبعني مجرد الكلام معك بمسن او جوال تعالي ابي اشوفك وكنت اقوله صعبه انا مرتبطه بدراستي داخل البلد وهو يقول اقرب اجازه حاولي تجين مع الاهل

والله والله يابنات وربي شاهد علي اني سويت حيله لاهلي عشان نروح هناك ورحنا وشفته بس يعني من بعيد وكان يبتسم لي وانا ابتسم وماحد حس علينا بس عيونا كانت تتشارك الكلام بصمت

والله سويت امور كثيره عشانه
انا ماانكر انه بكل مره كان يجيب لي هديه من هناك كان يرسل لي صوره بإستمرار يعني يسوي اللي يقدر عليه

بس ولا مره فتح لي سيرة خطبه و زواج
وانا ولامره بعد كلمته بخصوص هالشي لان لا اردايا كان بداخلي ان هو يبغاني له ومستحيل بيطالع وحده غيري

والحين بعد هالصدمه ماني متخيله اني ضيعت من عمري 6 سنين مع واحد اناني كان يفكر بمصلحة نفسه وبس

وشلون رافقني طول هالمده وهو يفكر بغيري
وش هالنوعيه من الرجال؟
وش هالنوعيه من البشر؟
اصلا وش هالنوعيه من الحيوانات ويكرمون الحيوانات عنه

لاحد يقول عيب هالكلام لانه يستحق اكثر من حيوان نجس دمرني دمر حياتي


قولوا شسوي
بالله طلبتكم؟
ترى انا قريت قرآن كثير ودعيت ربي بجوف الليل بس مايكفي احس ودي اسوي شي كبير ابرد فيه حرة قلبي

لاتلوموني على الحده بكلامي والله والله والله مو شي سهل بالمره على اللي حبت واحد واكتشفت انها طول هالمده عايشه بخدعه كبيره

بليز نزلوا موضوعي

>>>>> ردود الأعضـــــــــــــــــــاء على الموضوع <<<<<
==================================


انا من راايي تبعثيلوا هدية ما بتستاهل تكتبي فيها كل اللي في قلبك وتقولليلوا ربنا يوريني فيك يوم يا ضالم وتتركيه ترى ما ينساها طول حياته وربنا يعوض عنك باحسن منه وعسى ان تحبوا شئ وهو شر لكم


__________________________________________________ __________

اممممممممممممممممممممممممم*.*
انتي قلتي (لان اللي ايده بالنار مو مثل اللي ايده بالماي
ونصايحكم شي والواقع شي ثاني تماما وماحد يحس باللي بداخلي غير اللي جرب احساسي) وانتي صادقة بهالشي

انا اقول تعدلي وتزيني وروحي العرس ورجعي البيت
واقنعي نفسج انه ما يستاهلج ضعيتي 6 سنين
من حياتج ولا تضيعين غيرها
شوفي حياتج وعيشيها مع واحد يستاهلج
وقولي حسبنا الله ونعم الوكيل

ربي ييصبرج


__________________________________________________ __________

الله يكون بعونك يااااارب الله يصبرك

يارب يفرج همك ..


__________________________________________________ __________

ما فيه خير لك كان بيتسلى بس متل أغلبية الرجال ربنا يعوضك أحسن منه طنشيه تماما و بعد فترة بيرجع يدور عليه و ساعتها انتقمي بكيفك مشكلتك تشبه منار بمسلسل سكر بنات و الله يوفقك


__________________________________________________ __________

أهـ لو انا في مكانك كان رحت فيها صرت مجنونهـ أرسلي له رسالة وأكتبي فيها أنت عدئم احساسـ وخائن الله يهنيكـ مع غيري ربي يعوضكـ في غيرهـ واحسن منهـ ياروحي لاتعبي عمركـ على واحد مايستاهل

حتى
الخيانة
صارت
ميانة