عنوان الموضوع : زوجي يدرس برا المنطقة -لصحتك
مقدم من طرف منتديات نساء الجزائر

زوجي يدرس برا المنطقة



مرحبا صبايا كيفكم

انا متزوجة من اكثر من 15 سنة

من عائلة على قد حالها و حتى البيت اللي يسكنوه قدييييييم مرررررة

ومافيه الا غرفتين

ولان زوجي يدرس برا المنطقة مافكرت وقتها اطلب شقة بروحي

باعتبار ان البيت صغير ومايسعنا كلنا

قلت لكل حادث حديث

و مايندرى لارجعنا البلد اكيد بيصير لي شقة بروحي

و علشان جذيه ماطلبت مهر وايد و لا طلبت مصاريف وايد

و مشيت على قوله تعالى خذوهم فقراء يغنيهم الله من فضله

و الحمد لله خذيت انسان طيب و متفهم و متدين ولله الحمد

بس مشكلته شخصيته مهزوزة وااااايد قدام اهله ابوه وامه وخواته واخوته

قلت ميخالف الايام الجاية يتغير ويصير احسن

بس مااااااكو فايدة

لما خلص دراسة رجعت الديرة و قعد فترة طويلة بدون شغل

مالقى وظيفة

و كل مايروح الديوان يقولوله راجعنا بعد اسبوع والا استنى ليمن نتصل عليك

و هذا حالنا جبنا عيالنا و قلنا الله موجود

و كل انسان ينولد رزقه ويااه

اول فرحوا العيلة بوجودنا وعيالنا و يعاملونا يا دهينة لا تنكتين

يدللون فينا و يفرحون بنا

لكن عمي و زوجته كبار في السن مايعجبهم العجب و لا الصيام في رجب

دااااايما يناجرونا ع الصغيرة

و لو مالقوا شي يهاوشون عليه هاوشونا على لبسنا

و الا على قعدتنا الصبح

او سهرنا

مع انا احنا وياهم لكن لاااازم مايرتاحون الا لمن يسوون مشكلة

و صبرنا على المشاكل

و كبروا الاولاد

و تزوجوا اولاد عمي و كل واحد طلع بشقة برى البيت

طالبت بشقة حالي من حالهم ما وافق زوجي لانه الكبير ما يقدر يخلي امه وابوه بلحالهم

فصبرت و تحملت

و زادت الطين بلة يوم ماتت عمتي الله يرحمها

صار الشغل الشاغل حق عمي هو انا

و صاير لي زي الدلوع او الجاهل يغلط و تعالو راضوني

و انا بشر ماني معصومة عن الغلط

و مو دايمن اتحمل وغصبن عني احيان اهاوش زوجي

و وايد اوقات رحت بيت هلي انا وعيالي و اتم يومين ثلاث و بعدين ارد

المهم كتب الله يغير حالنا ويشتغل زوجي شغلة راتبها قوي

فقام يصرف بشكل مو طبيعي على عمي

و قلت ميخالف بر الوالدين و باجر ربي يعوضني بعيالي يبرون فينا لا كبرنا

بس المشكلة الصرف الزايد على خواته و اخوانه

مع انهم مايحتاجون عندهم رواتب و شققهم فخمة و مأثثة بأفخم الاثاث

لكن عيونهم على اللي في ايدنا

هم يسافرون ميخالف

بس احنا نروح نتمشى لو نروح الكورنيش من وين لهم

و ليش ماخذونا وياهم و ليش و ليش

زهقوني في عيشتي

مع اني والله مو بخيلة و لا عمري قصرت عليهم

من هدايا و من عطايا

حتى اني واااايد ايام اطبخ لهم واوديه بيوتهم

لكن ماني عارفة ليش مايحبوني

او على الاقل ليش مايعاملوني نفس معاملة زوجات اخوانهم

ليش بس هم لهم خصوصيات وانا لا

هم لهم شخصيات و من حقهم يرفضونهم و انا ماقدر

ليش انا اراعيهم و هم لا

مايهتمون فيني ولا في عيالي و حتى زوجي اللي اهو اخوهم مايحترمونه و لا شي

تعببببببت

و نفسيتي وااااايد منهارة ماني عارفة شسوي وياهم

انصحوني خواتي شسوي

وين الغلط اللي سويته

هل طيبتي الزايدة وياهم هي السبب؟؟؟؟؟؟

والا شنووووو

ساعدوني واللي يعافيكم

>>>>> ردود الأعضـــــــــــــــــــاء على الموضوع <<<<<
==================================


السلام عليكم الغلط الي سويتيه ماراح ينفع يتعدل الحين كان في الكتاب شارطه بيت لحالك اذا تيسر بس يالله سبحانه مكتوب الله يسخر لهم وحده طيبه مثلك يرعى الشايب ويقوي ويأزر هذا الزوج
اما عن المصاريف والمال يصرف على اخواته ويأثث لهم انا معك لازم يعدل يعطيك حقك يعني تكون النفقه عليكي شهريا اول ماينزل الراتب ويكون مبلغ حلو يعني 1000 او1200 لانك قلتي راتبه حلو مدامه مأثث مو عاجز يدفعها صح بس بدون ضغط او تعصبي عليه لا باللين
اما عن الخصوصيه هذا ال مايعيش بيت وحده مكشوف اذا ماصار من زوجك من الي حولك فاتحملي واصبري وعاملي الوضع عادي ولا تخلي الشيطان يدخلك من هذا المدخل اعرفي كيف تحفضينها انتي الي تعرفين لهم
وعلى فكره اسمعي نصيحتي عشان ترتاحي ردديها في عقلك وعلى ورقه انتي تفعلين الشيء لله ولا تنتظرين منهم شيء ولا حتى شكر
راح تتعبي اذا قلت ليش اعمل كذا ولا الاقيه وهذا الي مدمر نفسيتك
واخر شيء طنشي لاجل نفسك وصحتك وزوجك واولادك
الله يوفقك ويرزقكم


__________________________________________________ __________


حبيبتي
مصيركم رح تتفرقوا
الحال اللي انتي عليه رح يكون مااااااااااااااااضي

والله كنا عاااااااااااااااااائلة كبيره
كنا في منزل كبييييييييييييير
ومقسم بين بيت جدي وزوجاته
ومجلس
وبيت والدي وزوجاته

جدي ( و متزوج ثنتين )
وولده الكبير أبوي( ومتزوج ثنتين)
وكنا يوم حلوين
ويوم متزاعلين
ويوم متعاونين
ويوم متضاربين
ويوم نبكي على بعض لأن عمي صار عليه حادث
وكل يوم حال يتغير عن حاااااااااااااااااااااااااااااال
ثم نقلنا وسكنا في مدينه قريبة

هذا الكلام قبل 18 سنة
أما الآن
نذهب الى البيت
والله ان امي تتذكر وتندم لأننا صار منا هذا الخلاف
وزوجة والدي تندم على هذاك الخلاف
جدي رحمه الله توفي قبل قرابة 5سنين
وأم والدي توفيت رحمها الله
(وأرجو الدعاااااااااااااااااااء لهم ..أسأل الله أن يغفر لمن يدعي لهم بالرحمة والمغفرة)

مابقي لنا الا الذكرياااااااااااااااااات بحلوها ومرها
حبيبتي
اذا حزني على شيء
فتذكري انه فترة وسينتهي من حياتك

فاصبري وصااااابري أخيتي
واذا وسوس لك الشيطااااااااااااااااااااااااان
اهملي وساوسه
واستغفري
وصلي ركعتين
و
التجأي الى الله
والله والله والله
لن تندمعي بالتعااااااااااااااااااااااامل مع الله

توكلي على الله
واحسني الظن به
وعليك بالدعاااااااااااااااااااااااااء المستمر
وتحري أوقات الاستجابة
‫ظ„ط§طھط±ظپط¹ ظ…ظ† ط§ظ„ط³ط¬ظˆط¯ ظˆظپظٹ ظ‚ظ„ط¨ظƒ ط**ط§ط¬ظ‡‬‎ - YouTube
.
.
.
انتي تتعاملي مع الله الرحمن الرحيم الكريم اللطيف الودود

و

أستودعتك الله الذي لاتضيع وداااااااااااااائعه



__________________________________________________ __________

الله يفرج همك


__________________________________________________ __________


__________________________________________________ __________