عنوان الموضوع : ماابي منكم غير انكم تصبروني مجابة
مقدم من طرف منتديات نساء الجزائر

ماابي منكم غير انكم تصبروني



يمكن تكون مشكلتي عاديه واغلب الحريم يشتكون منها
ويمكن اكون انا حساسه زايد عن اللزوم..
كذا ولا كذا ابيكم تصبروني بكلام يريح الخاطر

انا متزوجه واحب زوجي لدرجة الهيستيريا..
_________________________

ولكن ماهو معطيني ذاك الاهتمام
كل شي ضحيت فيه لجله
خسرت صحباتي
واعطيته بطاقتي وهو اللي يستلم حافز
ولا اشوف منه ريال
وسددت اكثر ديونه من حافز
مااشوفه ملت عيونه
الا زادته طمع على طمع
لما اجي اطلب منه يشتري لي بطاقة شحن بعشره ريال والله مايجيبها لي لين اكره اني طلبته
جوال مامعي جوال زي الناس
جوالي ابو كشاف
طلبته يجبلي جوال حلو يقول مو مهم الشكل المهم انه يقول الو
مره طلبته يجبلي بجايم والله انه مااشتراها لي الا وهو زعلان عشان صرف علي 300 ريال
وماسكها علي الين الحين
والله يابنات اني كرهت اطلبه شي
لاني ماتعودت اطلب وتجيني بطلعة روح
اخواتي يقولون تستاهلين محد قالك تعطينه بطاقتك
طيب انا وش اسوي مقدر اقوله لا
وماابغى اسوي مشاكل عشان وسخ دنيا
لاني بصراحه ماتهمني الفلوس
بس ليش هو مايعطيني زي ماانا اعطيه
يعني لو اني بقول عليه بخيل
بس هذا مو اسلوبه مع اهله واصحابه
والله اخوانه لما يطلبونه شي والله انه يعطيهم من دون مايقول شي
مره صاحبه طلبه يسلفه فلوس
قاله ابشر ارسلي رقم حسابك..
طيب ليه القهر
يعني مايكفي اني صبرت على خياناته لي والله انه كان يطلع السطوح يكلم خويته
وانا جالسه اسويله العشاء
دوبي مالي اسبوعين متزوجه
وكان هو مستلم بالساعات يكلمها
وتغاضيت ولا قلت شي عشان لايخرب بيتي
بس لييييش مايقدر صبري وطيبتي له
وغير الافلام الايباحيه وغير الدخان والحبوب
ليه مايحمد ربي اني احبه واموت فيه
والله حتى الطلعه مااعرفها
لاتقولون اني ابالغ ورب الايمان اني ماقد طلعت معاه طلعه لحالنا
يا مع اهله يابلاش
حتى شهر العسل طلع معانا ولد خاله وزوجته
حتى فالمطاعم الرومنسيه
انا مع الحرمه وهو مع ولد خاله
حاولت اكلمه وافهمه لكن عقليته متحجره
مع انه توه صغير عمرع28
بس مدري ليش كذا
ولما يجي ينصح اخوياه يقولهم لازم تطلع زوجتك عشان ماتزعل وتتهور وتروح من الكبت تكلم احد غيرك
وينصحهم بالاماكن الحلوه والمطاعم
يعني عارف الدنيا مقلوبه بس مايبغى يعطيني شي
حتى مره قلت له ياترى راح اذوق معك طعم السعاده قبل لااموت ولا لا
قال يمكن ليه لا؟؟؟
يعني يتهزاء
للمعلوميه حتى جيران مااعرف احد كلهم ام زوجي تروح لهم وماتاخذني معاها مع اني ساكنه معاهم بنفس البيت بس مايعترفون فيني مدري ليش مايشوفوني شي
يمكن عشان طيبتي بايخه و زايده عن الزوم
والله نفسي احد قريب مني صادق بمشاعره يمسح على قلبي وينسيني كل ماذقته من جروح وهموم..
لاتقولون كلمي اخوانك لانهم مامنهم خير كم مره اشتكيت وقالو لو هانك وضربك تعالي اما امور تافه لانشوفك.. وابوي وامي متوفين الله يرحمهم ويجمعني معاهم بجناته يارب وانسى ماذقته من ظيقات وهموم

لكن الله فيه ماهو مضيعني
الحمدلله على كل حال

>>>>> ردود الأعضـــــــــــــــــــاء على الموضوع <<<<<
==================================


استغفر الله ياربي معطيته بطاقتك ؟؟

هذا حقك وربي غلطاانه مررآأأ روحي لآأستششآآرييهه وآسآليههـآأ كيف يتغير آلرجآآل مع زوجته لو عطته فلوس مو بطاقتها بس فلوس
وربي قريت قصص كثيره وانه الرجال مايحب الحرمه اللي تعطيه وتبكي بشكل مستمر بآآلعككـس يححب آلحرمه اللي تثقل عليه ولا تعطيه من فلوسهـآآ آببددـآآ

غللطتتك كبيره رجعي بطاااقتك لاتخسرين كل شيء


__________________________________________________ __________

لآحول ولاقوه الا بالله

الله يهدي زوجك


__________________________________________________ __________

اقري قصة ام بسمه ل ناعامه الهاشمي


__________________________________________________ __________

الطيبة حلوة بس مو زيادة
خلي لك شخصية عشان يحسبون حسابك
لا تكونين ظالمة وطاغية ولا ضعيفة
امسكي العصا من النص
انتي لغيتي شخصيتك امام زوجك
وشلون بيقدرك ؟؟؟!!!
على فكرة
الرجل ما يحبون الحرمة القوية مررره وكمان ما يحبون الضعيفة مررره
الله يعينك
.


__________________________________________________ __________

لاحول ولاقوة الا بالله العلي العظيم

انتي الغلطانه ترى زوجك حتى عن حقك اتنازلتي فصرتي بنظرو وحده غبيه وساذجه ومايحترمك ولا وكمان ياخد حقوقك ؟؟ سامحيني ياقلبي بس جد انحرق قلبي

اتمالكي الموضوع ولا تسمحيلو يتعدى مالك لكي انتي وديونو ساعديه مره مرتين فققققققققط وهوا رجال يدبر نفسو انتبهي وابعدي من دا الاسلوب تراه ولد ناس يعني لاقدر الله بكرة الايام لو مثلا انتهى النصيب بينكم وصار ظلاق بتجلسي تندبي وتزعلي وضحيت وضحيت وماثمن طبيعي مابيثمن لانو صار يشوف انو واجب عليكي دا الشيء
اوقفي وقفه من دحين حقك لكي ومالو شيء فيه بيزعل شويه وبعدين يرضى بكيفو والله يكون بعونك وسامحيني على الاسلوب حبيبتي
الله يهدي سرك ويوفقك ويسخرو لكي يارب