عنوان الموضوع : اختي توفت وزوجها خطبني!! الطبيب يجيب
مقدم من طرف منتديات نساء الجزائر

اختي توفت وزوجها خطبني!!



السلام عليكم

برمضان الماضي توفت اختي _الله يرحمها_ وهي متزوجه طبعا وعندها ولد

يوم توفت احنا خذينا ولدها لاننا اكثر ناس حنونين عليه بعد امه

وطول هالفتره الاحظ على زوجها ان يتودد لي بالكلام

لان انا اكثر وحده اهتم بالولد وصار يسميني ماما لان انا واختي نشبه بعض لدرجه كبيره

وانا من داخلي اتعذب

اللي صار انه تقدم لي رسمي وقال انتي اللي اثق فيها من بعد المرحومه تحب ولدي وتهتم فيه

وانا صراحه مو متخيله هالشي يصير ابدا اصلا انصدمت من الموضوع كله

وامي وخواتي الباقي مرتاحين للموضوع
بس انا مو متخيله احل محل اختي بعد وفاتها

بجد احس اموت اهون علي ولا انزف لزوج اختي

هو يقول لا تخافين لو ماتبين اتقرب لك بعد الزواج ماهي مشكله المهم انك تكونين موجوده معنا انا والولد بدل ماهو نص يومه عندكم والنص الثاني معي وبعدين ارجعه

بنات شوروا علي وش اسوي الحين
لان تعبت من التفكير

ومابي اتسرع واندم بعدين

>>>>> ردود الأعضـــــــــــــــــــاء على الموضوع <<<<<
==================================


والله انا اقول عادي ومافيها شي وانا عندي بنت عمي مثل حالتج وتزوجو وعاشو حياتهم والحمدلله وانتي تربين ولد اختج احسن من الغريبه
وربي يوفقج


__________________________________________________ __________

الله يرحمها صراحه موقف صعب ربي يعينك بس استخيري اكثر من مره وادعي الله سبحانه وتعالى بقيام الليل وربي يوفقك انشاءالله


__________________________________________________ __________

الصراحه صعبه مررره معاك حق

بس لو الرجال كويس وافقي

صح احساس صعب بس كمان ارحمي ولد اختك وفكري فيه لاتجي وحده ماترحمه

وكمان زوج اختك ان شاءالله فيه الخيرر

شوفي لو نصيبك حتاخذيه

فانتي الافضل تستخيري اكثر من مره

واذا مشت الامور ربي رايد انكم تكونو لبعض

الله يوفقك ويكتب لك الخيررر


__________________________________________________ __________

أرجعتي لي ألمي ياأختـــــي
واوجعتي لي قلبـــــــي ....آآآه ياقلبي
أعز صديقاتي توفت قرابة السنه ولها بتان ماشاءالله تبارك الله ذي العسل وتزوج زوجها من أختها من غير رضاهم الاثنان وشئ لم يكن بالبال ولا الخاطر
ولكن من أجل البنات....احيانا الواحد يتنازل عن أشياء
تجبره الدنيا عليه ...ولكن عسى ان تكروه شيئا وهوخير لكم
لاحول ولاقوة الابالله
اللهم ارحمها وقابلني بها ف جنات النعيم
وأحفظ لها بناتها من كل سوء
والله لايحرمني من رؤيتهم


__________________________________________________ __________

السلام عليكم
انا اقول ان عادي , خصوصا اذا كان شخص جيد, ما فيها شي, ومن اجل الولد, وربما تتقبلينه مع الوقت.الله يعينك.