عنوان الموضوع : معقول اكون ظلمتها ؟؟ مجابة
مقدم من طرف منتديات نساء الجزائر

معقول اكون ظلمتها ؟؟



بسم الله الرحمن الرحيم
السلام عليكم ورحمة الله وبركاته
انا بنت عمري 17 سنة ابغى اتكلم عن صحبتي وتصرفاتها ورح ابدا
اول شي في النهائي قالت لي في وحدة اتصلت فيه وقاعدة تسب فيك , قلتلها انا؟؟ ومين هي؟؟ قالت لي ما اعرف ما قالت الاسم ومتصلة من محل الاتصالات , بصراحة خفت قلت مين هذه الى تسب فيه وانا ماعملت شي
وصارت كل يوم تقولي البنت دي اتصلت وتهددك وتسب فيك اكتر من يوم وانا ماعرفت اذاكر في النهائي والله احس اني بموت ابغى اعرف مين هذه وليش وايش تبغى مني ؟؟ بعدين عصبت وقلت لها اعطيني الرقم واعطتني اياه كان رقم من 6 ارقام بس وقلتلها خلاص باخدوا وبورجيها عشان تعرف مرة تانية كيف تهدد وتسب قامت قالت لا ايش رايك تعطيها فرصة تانية ؟؟ قلتلها لا مافي فرصة ولا شي قامت قالت لا لا هذا طلع مو هو الرقم هذه وحدة متصلة ع اختي .... الحين انا ابغى افهم سبحان الله هي واختها في نفس اليوم اتصل عليهم احد من رقم غريب متكون من 6 ارقام بس؟؟
وشي تاني
تخيلوا اعطتني دفتر كاتبة فيه كللللللللللله عني كل شي عني وخواطر لي وكلام عني ومدح
تالت شي
والله لما اتكلم عن صحباتي الى برا المدرسة تفتح معي تحقيق تجلس تسال مين هذه ومن متى تعرفيها وفي مرة قالت لي بصراحة انا اغار من صحبتي(....) انا انصدمت ايش تغاري؟؟
رابع شي
تسالي اسئلة كتير وين رحتي ولي مانمتي طيب ايش تسوي ولي خرجتي وتكلمي مين واسئلة كتيرة
خامس شي
كذباتها كتييييييييييييرة وتخيلووا مرة قالت لي انخطبت وانا صدقتها وفرحت لها وجابت صورها وقالت هذه هي الخطبة وبعد فترة جت وقالت كنت امزح وبعد اسابيع قالت لا ماكنت امزح من جد لكن فسخت الخطوبة , كيف اصدقها انا ووالله تكذب كتيرة وكلامها غريب
سادس شي
دايم تقولي انا لما اشوفك فرحانة افرح وما احب اشوفك زعلانة ولما اجي واقولها انا فرحانة واجي ابغى احكيها ايش صار احسها تنقلب وتقولي يلا انا الحين بخرج او اي شي المهم ماتسمع
سابع شي
مرة صارت مشكلة معانا كلنا بعدين انا من قهري بكيت وهي كانت عادي مافيها شي بس شافتني قامت بكيت ؟؟ واكتر من مرة تصير
تامن شي
لما تجي تتكلم معي مرررررررررة تقرب وجهها مني بشكل ما احد يتخيلوا وانا ابعد وقلتلها ما احب احد يقرب مني كدا لكن ما في فايدة كل البنا تيتكلموا عادي لي هي كدا ؟؟
تاسع شي
في يوم ميلادي جابت لي هديتين وباين عليهم غاليين وعملت لي 13 تصميم وصحباتي يوم ميلادهم ما جابت لهم ولا شي والله وما تجيب
عاشر شي
انا مااتكلم معاها كتير وابعد عنها وهي بس تمدح فيني تخيلوا مرة دخلت المسن لقيتها راسلة رسالة كاتبة فيها
وينك ترا اليوم تعبان تعال ترى مايطيبه غير حكيك
رحت قلتلها بمزح يالله لدي الدرجة انا مهمة بس غبت ثواني وقلتي كدا << مصدقة نفسها
هذا الى كتبته
قامت قالت ثواني ؟؟ ساعات يامفترية وانا كنت مكلمتها في الظهر
والمشكلة انو مالنا نعرف بعض غير سنة ونص
والله استغرب من تصرفاتها صرت اخاف وابعد عنها
ومو بس انا الى ملاحظة اغلب صحباتي
الحين معقول انا اكون غلطانة وايش رايكم ؟؟

>>>>> ردود الأعضـــــــــــــــــــاء على الموضوع <<<<<
==================================


انتبهي يالغلاااا الله يحميك يارب....وعامليها باللأحسان ....هذي الايام كثر الاعجاب والحب بين البنات ومن هالسوالف خليها فقط صديقه دراسه لاغير...الله يحميك يارب


__________________________________________________ __________

بسم الله الرحمن الرحيم

من خلال تصرفاتها يدل انها تحبك .. معجبه فهمتني
يعني ممكن حبها يتمادى بشكل سيء .. حب بنت الى بنت ...
وهذا حرام يابعد عيني ... وغيرتها عليك دليل على كلامي...
وهداياها .. لماقالت خطبتي تبي تشوف انتي تحبينها وتغارين من خطيبها مثلا ...
والكذب حبله قصير رجعت قالت مو صحيح وبعدها فسخت الخطوبه ...سؤالها من اتصل من غيرتها عليك ماتبي احد يتقرب منك ولايكلمك ..
يابعدي انتي ابعدي عنها لان امثالها مرضى نفسيين .. ممكن تسبب لك مشكله مع الوقت ...متقلبه شخصيتها ومزاجيه
تجنبيها وابعدي بهدؤؤؤ.. حتى لاتسبب لك مشاكل لانها اذا عرفت انك ناويه تبعدين عنها ستبداء المشاكل
لاتعرف اي شيء يخصك ...عامليها ووضحي لها قولي احسك مثل خواتي
نصيحه انتي صح ماعملتي اي غلط ورفضك لها واستغرابك من تصرفاتها دليل على تربيتك الصالحه ..
وماعندك حركاتها اللي اخرها توصل للحرام .. حب بنت لبنت
اختك شماليه كفو


__________________________________________________ __________

والله تصرفاتها مااعجبتني ابدا
الله يستر على البنات
لكن انتي خليك صارمه معاها
ماتتعدى حدودها ابدا واذا تعدته وقفيها وعلميها
وامسكيها وكلميها وقوليلها اذا انتي من النوع اللي يعجب بالبنات ويحبهم
وهالحركات انا مو منهم مثلك مثل البقيه زماله وصداقه راقيه
ومحترمه غير كذا انا ماعندي


__________________________________________________ __________

ابعدي عنهاا افضل
انتي بنت عاقله وفاهمه


__________________________________________________ __________

عزيزتي ..
انتي بنفسك قلتي معقول اكون ظلمتها؟؟؟
يعني انتي مو عارفه اساسا وش نيتها ..
لاتحكمين عليها من بعض التصرفات انتي دايم فهميها انها مثل اختك مثلا تقولين لها الحمدلله ان عندي اخت مثلك ومن ذا الكلام ..

يمكن هيا تعتبرك قريبه منها وتتصرف بناء على كيذا ..

التمسي لها الاعذار واذا شفتي انها تمادت ابتعدي عنها هنا انتي سويتي اللي عليكي..
موفقهـ