عنوان الموضوع : دعوة وحده منكم يمكن تستجاب الطبيب يجيب
مقدم من طرف منتديات نساء الجزائر

دعوة وحده منكم يمكن تستجاب



أخواتي....... لو عندكم حل لمشكلتي ياليت ماتبخلوا عليا.. ولوماعندكم أتمنــــــــــى دعوة صادقة في ظهر الغيب" يرد زوجي لي ردا جميلا .. ويهديه.. ويسخره لي يــــــــــــــــــــارب"

والله ماأبي أتطلق.. ولا أبي عيالي يعيشون بعاد عن أبوهم ولا عني...

زوجي من النوع اللي حساس.. شخصيته ضعيفه مرررررره قدام أمه وأخواته وزوجاتهم... بس علي أنا مسوي فيها عنتر...

صحيح فيه صفات زينه ماأنكر... بس ماعمري حسيت معاااااه بالامان أبدا
ولافي يوم أفشيت له سر من أسراري .. لتأكدي بإفشاءه..

بيوم حصل بيني وبينه مشكلة.. بس مايحتاج أكتبها لأنها دائما تحصل بين الأزواج... ولا تستاهل من الأساس إنه يوديني بيت أهلي.. بس الأخ مكبر المشكله كالعاده... بس عادته انه خلاص اسبوع بالكثير ونرجع عادي..بس ماينسى طبعا يمسك كل مشكله في قلبه من أول ماتزوجته.....
المهم آخرمشكله وداني لبيت أهلي وأهانني مررررره...وهو قبلها بفتره متغير علي وبس يزعل ومايتحمل مني كلمه.. ويزعل لو طلبته يوديني لأهلي زيارة .. مع اني ماأروحلهم كثير... أزور أهله أكثر منه...

طبعا تدخلوا أهله بالسالفه.. ورااااااح علمهم بكل مشاكلنا ..والله حتى يمكن التفاصيل التافهه قالها لهم... مع انه المفروض الرجال حتى لو يحصل أكبر من كذا مايتكلم بتفاصيل حياته حتى لو حصل طلاق... احتراما لعشرة 6 سنين بيننا ...
أهله كبروا السالفة طبعا ودقت أمه على أمي المسكينه وماخلت علي كلمة...وأقســـــــــــــــــــم بالله العظيم ياأخواتي إنها ظلمتني ظلم الله ياخذ حقي منها في الدنيا والاخره.. بس كله من قهرها هي وولدها مني يوم علمت أهلي بأشياء سواها فيني وأهانني وأنا كنت أتكتم عليها من أول عشان تمشي حياتي معاه عشان أولادي.....
والله ان أمه بالذات كنت أرحمها وأخدمها بعيوني لامن زرتها...

وأبوه كلم واحد من أخواني وكالمثل...
أخواني شرطوا عليه "رضوه " يوم دق أبوه على أخوي... رفض أبوه بالنيابه عنه....
,أنا متمسكه بالشرط لأنه أهانني .. وهو مادق ولا أتصل ولاأرسل لا علي ولا على أهلي ... بس يرسل الناس يقول جيبوها....
وأنا طبعا ماراح أدق ...مستحيل .. لأنه بيقول لأاهله أكيد.. وبنهان وبيقولن اني غلطانه ... وأنا ماغلطت..

ألحين لي أربع شهور عند أهلي...ولا سأل .. وامه تقول بتعرس له.. ,وأنا قلبـــــــــــــي محروق مره.. مع انه مافكر فيني...بس ماأبغى اتطلق عشان عيالي .. ولا أبغى أقعد معلقه... والله تعبااااانه يابنات نفسيا كثير... وبس أجامل عشان أمي ماتزيد همومها...

المشكلة أمه وحمواتي والله يغــــــــــارون مني ويكرهوني بشكل موب طبيعي .. مع اني طيبة معهم ولا عمري غلطت على أحد...

طلبتكم ياأخـــــــــــواتي أدعو ان الله يفرج همي ... وان الله يكتب اللي فيه الخير.. هالدعوه من فم أي وحده منكم يمكن ربي يستجيبها... تكفون ...

>>>>> ردود الأعضـــــــــــــــــــاء على الموضوع <<<<<
==================================


الله يسخره لك ويكفيك شر اولاد وبنات الحرام ويرده لك ردا جميلا ويسخر لك اهله


__________________________________________________ __________

بسم الله الرحمن الرحيم
اول شيء اذا شاريه بيتك فكري وركزززززززززي معاي
كلميه وخليه يجي بيت اهلك وتزيني له .... واجلسي معاه لوحدكم وسوي قهوه وشاهي وحركات
قهويه واذا خلص تناقشي معاه بأدب واحترام قولي اسمعني لحد ماخلص اذا ممكن ولاتقاطعني
وبعدها راح اسمعك .... اول شيء انا ام اولادك وزوجتك وحبيبتك .... ليش الناس تتدخل بحياتنا هذي مو خصوصيتي بس معاك وخصوصية اولادنا ... ليش الناس تشمت فيهم بكره
قولي انت حبيبي وابو اولادي مارضى خطاء عليك كيف انت اخطيت في حقي في تعاملك معاي
قولي مالنا الا بعضنا وماحد بينفعنا ... كل انسان بيعيش حياته وماراح احد يرضى انت تتدخل بحياته كيف تخليهم يتدخلون بحياتنا اهلك واهلي على العين والراس بس مالهم دخل بحياتنا .....
قولي اولادنا من لهم غيرنا ... كل انسان تدخل بيعيش حياته مافكر فينا بس يخربون ويمشون واولادنا اللي بعيانون من تدخلاتهم ....
قولي مليت كل مازعلت رميتني في بيت اهلي قولي دخلتي في بيت اهلي مو لعبه ... انسانه وعندي كرامه ...
قولي فقدت معاك شعور الامان احسك ماتحبني ؟؟؟
كيف ترميني في بيت اهلي بسهوله كل مره .... اهون عليك واولادك نهون عليك لهالدرجه ؟؟؟
قولي اهلي ماتدخلو الا بعد اتصال اهلك ... وكنت رافضه احد يتدخل بحياتي لانها بكل بساطه حياااااااااااااااتي وحيات اولادي وحياتك
قولي الرضاوه مو اكبر همي انت راس المال ..... واولادي
لكن تعبت احس اني لعبه ترميها وترجعها ... نظرات اهلي واهلك لي كل يوم راميني .....
تعبت ادور عليك وانت ولا هنا .... قولي فقدت حبيب وسند وزوج صرت تخوفني من حياتي معاك
قولي مو عشاني تحترمني اقله عشان ربك واولادك اللي كرامتهم من كرامت امهم بكره الناس بيقولون اولاد اللي تنهان كل يوم وتنقص من قيمتهم ..... قولي احبك وابيك بس ابيك عون مو فرعون ابيك زوج انا ماتزوجت الناس عشان يمشون لي حياتي انا لي حياة زي مالهم حياه ماخلو احد يتدخل فيها امك على راسي
لاخر العمر لاكن انا انسانه ارفض تدخل من اي احد لو امي .... لو كل احد بيتدخل نفتح حياتنا سبيل للناس وارائهم ومشوراتهم ....
امسكي يده وخلك جنبه وانتي تحكين ابكي خليه يحس بصدقك .... قولي مابيعك بكنوز الدنيا
بس حس بقيمتي ابي احس بالامان وانت جنبي احس بقدري عندك مابي اخاف من بكره انك ترميني انا واولادك .... تقدر
وتقبلي كلامه وارجعي بيتك ماحد نافعك .... واهله خلك اذن من طين واذن من عجين
لايستفزونك قدامه او وراه طنشي .... وخلك على اخلاقك وطيب اصلك عامليهم وامه تذكري الله في تعاملك معاه اولا لوجهه وثانيا لزوجك وثالثا لاولادك .. احسبي احساب البعيد دايم
تكبرين في عينه .... وتجنبيهم قد ماتقدرين زوريهم لكن قللي الزياره خلك بعيد غلاك يزيد وخليه هو يروح لهم عادي اولادك بس انتي لا قللي روحاتك عندهم
تقبلي مروري اختك شماليه


__________________________________________________ __________

الله يفرج همك وييسر امرك
اكثري من الاستغفار بنيه يردك لزوجك رد جميل
ان شاالله بترجعي وراسك مرفوع
خلي املك برك كبير
موفقه


__________________________________________________ __________

الله يفرج ضيقتك ويسخره لك ويفرح قلبك برجوعه
خليكي واثقه بربك وصدقيني ربنا مايضيع حق احد
ربنا معاكي


__________________________________________________ __________

الله يسسسسخره لك يارب وترجعون مثل اول واحسسسسن يارب ويهديه يارب لك
وعلي اخوات زوجك ربي بيرزقهم ومثل ماسووو فيك راح تصير معهم حبيبتي الدنيا دواره >>
الله يرجعك سسسالمه غانمه ويصبرك عليه يارب >