عنوان الموضوع : احس اني جاهله وناقصة مجابة
مقدم من طرف منتديات نساء الجزائر

احس اني جاهله وناقصة



السلام عليكم ورحمة الله وبركاتة

وشلونكم عساكم بخير


بنااااات انا متزوجة لي سنتين وعمري
20 لسى صغيره بس من تزوجة ماكملت دراستي

يعني وقفت عند اول ثانوي

وماكنت اعرف انجليزي

وماكنت افكر اني ارجع اكمل دراستي

بس الايام هذي بديت احس اني جاهله وبديت اتعلم انجليزي والحمدالله فهمت

بنات ايش رايكم ارجع اكمل دراستي ولالا

ودي اسجل بمعهد واتعلم انجليزي وحاسب ابي اطور من نفسي

زوجي مستعد يحطني بمدرسة اهليه ويسجلني بمعهد عشان اخذ دورات

بس ودي اعرف وش تنصحوني فيه

اكمل ولالا

وعلى فكرة ترى ماعندي اولاد الله يزقني عشان كذا بديت احس ان فيني نقص حملت قبل فترة بعدين يوم رجعت قالت الدكتورة حمل كاااااااااذب ياليت تدعون لي اني احمل

ادري اني طولت الله يوفق الي ترد علي وتنصحني

>>>>> ردود الأعضـــــــــــــــــــاء على الموضوع <<<<<
==================================


انتي مو جاهله ولاشي اغلب اللي يتزوجون بدري ينقطعون فتره عن الدراسه
كملي دراستك لو منازل اهم شي الشهاده لو تاخذين دورات انجليزي وحاسب اذا مامعك شهادة جامعيه مالها فايده نصيحه تابعي دراستك قبل يجيك اطفال يشغلونك


__________________________________________________ __________

كملي وخوذي شهاده الحين الجامعيين يدوووب يلقون وظايف ويطورون انفسهم فما بالك في اللي ما اخذ شهاده اصلا

وفعلا حتى العقليه والتفكير يصير يختلف

وحده اعرفها وقفت دراستها عند المتوسط وهي قريبه من بالعمر اناتوي خلصت جامعه من نجلس سواء اطفش منها تفكيري غير تفكيرهاوكلامي غير كلامها

بعكس من اجلس مع بنات جامعيات حتى لو كان هناك اختلاف بالراي الا اني استفيد من جلستي اكسب معلومات تفيدني بحياتي

توكلي على الله وكملي


__________________________________________________ __________

تسلموون يابنات

وان شاء الله راح اكمل

والله يوفق الجميع

الحين ان شاء الله راح ادخل معهد وبس تبدا السنة الجديدة راح اكمل


__________________________________________________ __________

كملي دراستك والله يوفقك
الله يرزقك بالذريه الصالحه


__________________________________________________ __________

كملي دراستك حبيبتي ولاتتوقفين عند حد مادام زوجك يساندك وموافق
وان شاء الله تنجبين اطفال وكمان الاطفال مو عائق
وحتى لو ماحصلتي على وظيفه مو مهم فالتعليم ليس فقط من اجل الوظيفه انما من اجل ان تكون الام متعلمه والام المتعلمه ليست كما الام الغير متعلمه
ان لم تحصدي ثمرة دراستك وتعليمك بوظيفه فستحصدينها حين ترين ابناءك وبناتك في المستقبل ان شاء الله وهم باعلى درجات التعليم

تمنياتي ودعواتي القلبيه لك غاليتي بالتوفيق