عنوان الموضوع : كيف احسن علاقتي بأمي واخواتي ؟ مجابة
مقدم من طرف منتديات نساء الجزائر

كيف احسن علاقتي بأمي واخواتي ؟



من عرفت نفسي وانا بعيده عنهم وهم بعيدين عني وكلنا بالبيت بعيدين عن بعض

امــــــــــــي /

احس علاقتنا رسميه جداً
وصديقاتي يستغربون ويقولون كيف امك وماتأخذين راحتك معها وامي بعد ماتبغاني اكبر عقلي مستحيل تخلي مجال لأن اتكلم او اسمع بالتلفزيون عن الزواج او الحمل او الولاده أو الدوره او يجون الجيران واجلس معهم
(( بتفهمون ممكن اهلي يتفشلو مني بالعكس الحمدلله كل صديقاتي يقولون اني ذوق واحلى من اخواتي ، الله يبــــــــــــــارك لي ))

عموماً : بالرغم اني في الجامعه وعندي صديقات متزوجات وعندهم اطفال استحي اقول لأمي صديقتي ولدت او بازورها أو اكلم صديقتي المتزوجه

................

اخواتي /

دائماً يشوفوني اقل منهم في الذوق ويتتريقون عليّ
اذا كلمتهم او مزحت معهم او حبيت اشاركهم بشيء
يقولون لي وش دخلك ؟ لاتتدخلين فينا مانبيك تطلعين او تجلسين معنا
لأنهم يعرفون اني بكشف اخطاءهم وانبههم عليها وهما يبون الحريــــــــه الغلط
حاولت اسولف معهم واهديهم اشيااء يحبونها وادلعهم واثني عليهم ، يظلون فتره يومين بالكثير ويرجعون يكرهوني وهذا بالنادر ، او يصدوني ويقولون ياللا انقلعي ولا خير ان شاء الله
ولا ثقيلة دم ولا يروحون يقولون لامي وابوي اني ازعجهم وانهم مو فاضين لي < بس فاضين للبلاك بيري والأفلام
او يتوددون لي حتى اعمل واجباتهم او اساعدهم او يأخذون مني شيء
تنتهي مصلحتهم يرجعون يكرهوني ، والله اصغر مني ويضربوني بعد

دوبني ارسلت اخوي يجيب لنا فطور وحسبت لأختي وجابه ورحت عندها
قلتلها جبتلك هذا ياللا نغسل يدينا ونفطر ونسولف
قالت هاتي ولاتجلسين تسولفين معي تبي تطالعين للمسلسل طالعي ماتبين انقلعي اصلاً انا مشغوله اسولف مع صديقتي بالبي بي جرحتني والله ومشيت عنها .. وجلست تضحك

..........

باختصار علاقتي مع اخواتي اعمل مصالحهم وانتهينا
ومع امي كولي وذاكري وساعدي اخوانك

صح امي ماتقصر لكنها مو مثل امهات صديقاتي ولا ابيها مثلهم

ابي تتحسن علاقتي فيها بدون رسميه

.....

ســـــــــاعدوني كيف احسن علاقتي بأمي واخواتي ؟

>>>>> ردود الأعضـــــــــــــــــــاء على الموضوع <<<<<
==================================


السلااام عليكم
ماادري وش اقوولك
الله ينير بصيرتك على حل
ياارب


__________________________________________________ __________

المشاركة الأصلية كتبت بواسطة عيونK
السلااام عليكم
ماادري وش اقوولك
الله ينير بصيرتك على حل
ياارب

وعليكم السلام ورحمة الله وبركاته
الله يسعدك ويخليك لأحبابك
توقعتك بتردي عليّ


__________________________________________________ __________

ياللا أخواتــــي كل وحده تدلو بدلوها
< الموضوع طويل
كنت بكتب كلمتين وطلع مني كذا


__________________________________________________ __________

صدقني أي أم في الدنيا تحب أن بناتها يحضنوها
جربي تحضنيها كل يوم قبل ما تنامين و قوليها أحبك يا أمي
صح ممكن في البداية تبعدك أو تستنكر هذه التصرفات بس مع الأيام راح تحن عليك
أخواتك ما أعرف إيش أقولك عنهم
بس أهم شيء أمك لإنها جنتك


__________________________________________________ __________

المشاركة الأصلية كتبت بواسطة lo0o0oney
صدقني أي أم في الدنيا تحب أن بناتها يحضنوها
جربي تحضنيها كل يوم قبل ما تنامين و قوليها أحبك يا أمي
صح ممكن في البداية تبعدك أو تستنكر هذه التصرفات بس مع الأيام راح تحن عليك
أخواتك ما أعرف إيش أقولك عنهم
بس أهم شيء أمك لإنها جنتك

تسلمي عسوله
ماصار يهمني شيء قد مايهمني
الاستقرار النفسي في البيت ومع اهلي
الله يسعدك