قصه لا تصدق جج مجابة
عنوان الموضوع : قصه لا تصدق جج مجابة
مقدم من طرف منتديات نساء الجزائر
قصه لا تصدق جج
بسم الله وبه نستعين وعليه نتوكل
بدايه كانت من حوالي سنتين ونصف وبالاصح في صيف 2017كنت جايه من الدرس وكنت في ثالث ثانوي ووقف شاب في الشارع اللي كنت ماشيه فيه كان مستني واحد صاحبه وكان قاعد في سيارته وانا معديه من جنبه وقعد يعاكس فيي وانا طبعا ما رديت ولا حتا التفت له المهم عدا علي الموقف هذا حوالي شهر وبعدين جا قالي ولد عمي الكبير اليوم جوا النا ناس خطابه لكي وانا استغربت لان الناس اللي جوا في محافظه انا عمري ما رحتها وبعدين انا من المدرسه للبيت يعني كانت خطوبه بشكل تقليدي وان جيتوا للحق انا كنت خايفه لان القبيله هادي مشهور رجالها بالزواج التاني المهم انا قلت لولد عمي لو الناس اتصلوا عليك قول الهم البنت رفضت وبالمناسبه الناس راحوا العميه لان ابوي متوفي المهم اتصل عليهم وقال لهم البنت معيه مر حوالي 15يوم وانا اخوي الكبير بيشتغل في دوله خليجيه انا مدري من وين الشاب جاب رقمه وكلمه وحاول يقنعه اخوي اتصل علي قالي صلي استخاره وشوفي وانا صليت ما شفت شي المهم رفضت لتاني مره وبعدها بعتد لي ناس الثالث مره صراحه انا فكرت في الموضوع وقلت خلاص اشوفه شوفه شرعيه المهم كان في اليوم هذا وعدنا يجيلنا الظهر المهم اتاخر جا العشاء صراحه انا حسيت انه مو عند وعده ولما جا قال حجته انا كان بيغير سيارته وده يجيلي بالسياره اجديده المهم قعد معاه وتتصورن طلع هو نفس الشاب اللي عاكسني في الشارع قالي سالت عليكي صاحبي وقالي عن عائلتكم وراح لعمي ....... المهم مشي انا لما كنت قاعده معاه كنت متلخبطه مش عارفه كيف اصنفه المهم كانت طبعا عيال عمي اللي عايزيني يقولواكيف ياخدها الغريب واحنا عؤال عمها احق بها وصرات العيله كلها ما فيها سالفه غير انا والشاب اللي وده يخطبني واىكل عارض لدرجه يوم الشاب لما جا يشوفني كان عيال عمي كانوا ودهم يردوه من الدرب ولو ما جا بالذوق يمشي بالضرب سبحان الله يومها اتاخر وجا العشا ما شافوا المهم انا لما لقيت اني زواجتيه هتجيب المشاكل في العايله وغير كدي ما رتحت في الاستخا،ه لدرجه اني امي راحت الايام هادي المستشفي لانها كانت معجبه به واعيالعمي مهم ساكتين بس يدوروا المشاكل المهم رفضت الشاب لثالث مره وبعدها بشهر سمعت انوا تزوج وهو كان مستعجل لان اخوا بيتزوج معاه المهم بثلاث شهور تقدم لي واحد من عيال عمي بس ايه اخلاق واستايل وتعليم بجد انا عمري ما اتوقعت ان ولد عمي هذا يخطبني انا لانه مو عايش عندنا وما يعرفني اصلا بس لما سمع قصه الشاب واصراره علي قال انا هشوفها ولو عجبتني هاخطبها وجت امه واهله وعاجبته واعجبني مووووووت وتمت الخطبه وفي الاونه هذه يبعتلي الشاب الاول اللي تزوج يبغي يطمن علي ويبعتلي حرمه كل فتره اتقولي فلان بيسلم عليكي ويقولك انوا عمره ما هينساكي والله يسامح عيال عمك انا قولتلها اني انخطبت علشان يقطع الامال وينساني انا انخطبت سنه في الاونه كنت افكر فيه وليه سوي هذا كله ومعقول هو يحبني لهذه الدرجه ووصلت لدرجه من التفكير فيه اني جبت رقمه وكلمته علي اساس اني واحده تانيه واللي استغربت منه انه حكالي كل شي عنه من غير ما يعرف مين انا مجرد واحده تكلمه واللي استغربت منه انه ما جاب لي سيرت اللي كان خاطبها طبعا اللي هي انا وهو ما يعرف ههههههه المهم هو شك في وقالي لازم اشوفكي وتعلقت بكي وانا كنت بتهرب من لدرجه انو لزم انو يشوفني ولو ما شافني يبقي انا كدابه ومره واحده قولت له علي فكره انت عارفني وشوفتني قام سكت قالي قولي لي انتي من قولت له طيب من اكتر وحدها حبيتها في حياتك مارضي يتكلم قولت له طيب اول حرف المهم قالي حرفي وبعدها ما صدق انو انا وقعدنا نتكلم حوالي شهر طبعا كنت مخطوبه بس اللي لاحظته انو كان لما يكون وراه شي يطنشني ويقولي اكلمكي بعدين المفروض انه ما صدق اني اكلمه جد حسيت نفس رخيصه المهم كسرت الخط وما كلمته وتزوجت وحملت وفي هذه الاونه كان عندي وحام علي زوجي وكرهته لدرجه اني رجعت اكلم الشاب تاني وسالني عن حياتي في الزواج وقلت له اني كارهه حياتي وممكن اتطلق قالي انا عايش في عذاب بعدك المهم حسيت انه انسان واطي قالي المهم انوا ما في حد يعرف انكي بتكلمني وحسيت اللي يتكلم مع واحده متزوجه مهو رجال حتي انا كنت في حالت اكتئاب لدرجه الحين لما افكر فكلامي معاه بقول انا مجنونه وش اللي يخليني اكلم واحد واما متزوجه وبعد حامل المهم ربنا رزقني ببنت وهو كمان بعدين عرفت انه عنده بنت المهم امشكله الحين ان اخت زوجي قاعده جنبهم وبتجيب سيرته في اي شي اقعد اسرح وافكر فيه والكلام اللي كان يقوله لي واخر اخباره سمعت انه بيدور له عروس وده يتزوج كان زوجي مره قابله صدفه في عزيمه وقالي شوفت اللي كان وده يخطبكي زمان وانا وجهي تغير المهم انا زوجي طيب وحنون ومثقف واحبه مووت وهو يموووت فيني ويجيبلي هدايا ويعملي مفجاات ولكني الحين لما اسمع عنه ما ابطل تفكير فيه وفيه شي تاني هو حاول يكلمني مره وسمعت صوته وقفلت الجوال وبعد فتره اتصل علي واحدءقولي الرقم
>>>>> ردود الأعضـــــــــــــــــــاء على الموضوع <<<<<
==================================
حسبي الله ونعم الوكيل
أكيد هو يحمد ربه ليل نهار انه ماتزوجك لأنه عرف الحين انك رخيصه وماكنتي بتصونين شرفه اللي خلاك تخونين ولد عمك وش كنتي بتسوين معه
وبلا أعذار اكتئاب وكلام فاضي
لوانتي اللي اكتشفتي ان زوجك يخونك وكان عذره اكتئاب تتوقعين كنتي بتسامحينه؟؟
يأختي خافي ربك في زوجك وبنتك ولاتدمرين حياتك علشان شي مايسوى ودامك تعرفين ربك واستخرتي يوم جاء يخطبك ماعرفتي تستخيرينه يوم جيتي تخونين
توبي لربك واقطعي علاقتك واهتمي ببيتك وزوجك وبنتك وانسي هالشيطان لانه لو فيه خير ماكلم وحده متزوجه لأنه أكيد مايرضها على زوجته
سامحيني على قسوتي يشهد الله انه من غيرتي على شرف اختي المسلمه
انتبهي تهدمين عالمك علشان حقييييير مايسوى
__________________________________________________ __________
ما أقول إلا الله يصلح الأحوال
__________________________________________________ __________
خافي ربك
خافي ربك
خافي ربك
ترى الدنيا دواااره
تدور عليك ويخونك زوجك
او تنصدمين في بنتك
الله يهديك يارب ويسير امرك
احمدي ربك على نعمة الصحــــــــه كثير فاقدهـا
احمدي ربك على نعمة الذريــــــــــه كثير فاقدها
احمدي ربك على نعمة الزوج الصالح كثير فاقدها
احمدي ربك اللي ستر عليك كم مره غيرك من اول مره يطيح وتطيح سمعته وسمعت اهله معه
رددي معي
اللهم صلي على خير البشر صلى الله على وسلم
سبحانك اللهم وبحمدك اشهد ان لا اله الا انت نستغفرك ونتوب اليك
__________________________________________________ __________
الله يهديك ..
...
__________________________________________________ __________
امممممممممممممم
شوووووفي .. بصراحه انتي انسانه او كائن غريب.. عندك زوووووج وبنت وزووووجك طيب ويحبك .. واذا انذكرت سالفه الحقيييير هذاك... تفكري فيييك.. مااقووول الا ياليت زوجك عندي.. واشيله بقلبي.. انتي ماتستاهلي نعمه الزوووواج... حرام فيييييك.. بس البه حليم.. اختي.. توووووووووووبي
تووووووووووبي
تووووووووبي
والله يوم القيامه هالحقير ماراح ينفعك .. سبحان الله. استغرب من اللي تكلم وهي بنت.. كيف اجل وهي متزووووووجه... ااه يازمن.. غريب .... الله يهديك.... ويهديني ويهدي الجميع
رد مع اقتباس
