عنوان الموضوع : تعالوا شوفو عالمي شلون صاير ما احس في احد اقل مني نهائي -لصحتك
مقدم من طرف منتديات نساء الجزائر

تعالوا شوفو عالمي شلون صاير ما احس في احد اقل مني نهائي



السلام عليكم ورحمة الله وبركاته

طبعاً انا راح اقولكم عن نفسي و اتمنى منكم هالمره تفهموني زين
طبعاً أنا عباره عن إنسانه ما عاد لها قيمه بالمجتمع يعني بشكل ماتتصورونه
تخيلوا صرت استحي حتى بجمعات أهلي قبل امس كانت جمعه وانا كنت مستحيه مررره بس الغريب انه يجيني حاااولت بشتى الطرق اني اكون اجتماعيه بالأخير صرت كأني أفرض نفسي على الناس وبعدين حركات الناس مالها دااااعي قسم بالله مالها داعي أجل البنات الي درسوا معي وانا بثالث متوسط وانتهت العلاقه على خير وبنشتاق لبعض يوم حصل اني اشوف وحده بحفله بعد سنه صارت تناظرني بنظرة استحقار وتلتفت بسرعه انا قلت ممكن البنت ما اعرفتني لاكن مستحيل بالله شلون ماعرفتني وهذي النظرات معناتها اني اعرفك بس بينا عداوه اناا راجعت ايامنا كيف كانت صار ان بالعكس علااقتنا كانت زينه وانتهت بشكل طبيعي الا إذا كنت جايتها بالحلم وروعتها بعد ما افترقنا واكرهتني يصير ليه لا وانا وشمدريني للي اجيهم بالحلم المهم بدأت الدراسه وانا بسنه ثاني ثانوي سبحان الله 3 بنات كانوا يدرسون معاي من نفس المدرسه الي كانت فيها البنت الي قلت لكم عنها شفتهم سلموا على بنتين بإشتياق وهم بعد علااقتهم معاي كانت حلوه انا بغيت اروح لهم اسلم بس ناظروني بنظرت عدااء وكأنهم يقولون لاتجينا انا رحتما اهتميت بس بداخلي وش السالفه اشفيهم علي ؟؟ طيب طنشت الموضوع لأني كنت هذاك الوقت في غنى عنهم وعندي رفيقات طيب وحصل اني شفت وحده بعد في حفله حفلة عيلتنا للتفوق السنوي عااد هذي قممممه في الأخلاااق تخيلوا شافتني وفززززت والحرررره سلمت على قريباتي انا طبعاً ساااكته ولحاااالي بس كنت جالسه مع المتفوقات وتخيلوا هي بالكرسي وراي على طول وانا محتررررقه من داخلييي وسلمت حتى على بنت خالتي ويوم بدت السنه الي صرت انا فيها بـ3 ثانوي جات مدرستي طبعاً البنات الي كانوا على نفس المدرسه كلهم جاااو لها طااابور يسلمون عليها و مومصدقين انها جات هي صاارت تشوفني كانت تحسبني بسلم عليها كان بودها اجيها انا ناظرتها وابعدت النظر بسرعه ومشيت لأني ماني لعبه متى مابغوني اجيهم ومتى ماعاد ابعد المهم حصل مدري وشو بالفصول وصرت وياها بفصل لأن كل صديقاتي هناك صحيح علااقتي وياهم سطحيه بس يالله سطحيه ولا اني اصير بروحي حاااولت بشتى الطرق اتداخل مع البنات ولا فاد المهم هذي البنت الي قلت لكم عليها طيوبه جتتكلم صديقاتي وانا اناظر للأرض عشان تخلص وتمشي بس هي جتني وكلمتني وجلست جمبي صارت تسولف لي عن الحفل بالأخير قالت لي انتي مشكلتج انطوائيه انا مازعلت لأنها فعلاً قاالت الحقيقه وخيلوا نهاية السنه ودعت البنات الي كانوا معاي وعزتهم واعطتني نظرة كره المهم انتهت السنه خلصصت من ايام الدراسه ويا عساها ماتعود
وللمعلوميه هذي جزء بسيط من حركاتهم لي يعني في حركات اعظم بكثييير
بس عشن اثبت لكم اني جد قيمتي صفر والبلى من وانا صغيره أساساً من عرفت الدنيا وهي كذا انا بروحي ودايم محبطه من الأهل بعد المهم جيت للكليه ماشاء الله علي ماقصرت نص الكليه تعرفت عليها انا اقولكم كيف اجلس عند الإنتظار وتكون بجمبي وحده اجي اسألها انتي اي سنه وشوي شوي اطقها سوالف بس ترى انا ما اعرف اتكلم الا اذا صارت البنت لحالها يعني بعد ماتعرفت على وحده نادتني بعدها بيوم اجلس مع صديقاتها وصرت انا ساكته وماعندي حكي
المهم
يااانااااس بنااات الكليه وش ساالفتهم بعد هذولا بنات ما اعرفهم يناظروني بغرااابه كأنهم اول مررره يشوفوني لدرجه اشك بحالي اروح اشوف المرايه بالعكس وجهي كامل ولله الحمد مثل اي وجه بنت عاديه
انا قلت يمكن يتهيئ لي لأني ما اطلع ولا اشوف الناس الا بالدوام وزين بعد بس اذا الي كانت بجمبي لاحظت هالشئ مرره قالت لي هذيك البنت تعرفينها ولا اشوفها تناظرك مده قلت لها يممممكن مشبهه علي
مع اني ما احط مكياج ابد ولا كحله ولا شي ولبسي نظامي
طيب انا امس اجتمعت مع اهلي لصلة الرحم لوجه الله بس امي ماقصرت بشكاويها لخالاتي الي اجبرت بناتهم يصيرون طبيعيات معاي سمعتهم يتفقون على جمعه انا هنااااا حدددي انقهرت ياااربي قالوا عن حيااات البنت وان هذا العمر هو احلى عمر وجمعات و وساعة صدر ومثل ما انتم عارفين هالشئ اانا محرومه منه والمتزوجات غييير انا ابعدت شعوووور الحزن هذا مني وحطيت ببالي أن البنات الي بسني مهما اجتمعوا واستانسوا راح يجي يوم يتفرقون فيه يعني مو باقيين لبعضهم جايهم الموت جايهم ومهما اضحكوا مع بعض راح يبكون على بعض لأن الموت جاااي جااااي اما بالنسبه لي أبكي على مين ؟؟ انا لحالي ومهتمه بحالي ومتى ما رحلت عن هذي الدنيا عاارفه ما احد راح يبكي علي وانا بعد ماراح ابكي عليهم كثير يعني بمعنى الكلمه غمضت عيني بالإجابيات اني اكون اجتماعيه مع غيري وفتحتها لسلبياتها وبعدين الوحده هذي صارت جزء مني وحده مثلي عندها مثل هالأم والأب تنسي انها تكووون اجتماعيه أبدااً امي دايم تحرجني وبشكل فضيييع ودايم تتشكى علي عند الناس واني انا افشلها اذا اجتمعت مع الناس واني انا افششل ما اعرف اتكلم زيي الناس هي صدقت بهذي العباره انا افششل ولا اعرف اتكلم زيي الناس ثاااني شغله همااا يلومون بعضهم من زماااان اني انا بنتهم وحتى اخواني تخيييلوا يقول لأمي انتي وش الي خلااااك تحملييين مو انا قايل لك نكتفي بس بالبكر هذي خااالتي الحقيره هي الي اقنعت امي تحمل وتجيب تخيلوا اخوي عمره الظاهر انه 13 مدري 14 يتمنى يمووت ويرتاااح يعني كل معاملتهم الدمرره عشااانهم ليه جاااابونا انا اخوي البكر ماله عقل عشان كذا هم ماكانوا يبغون يجيبون غيره لأن امي ماتزوجته الا عشان تكون خادمه وخلااص وهي تحط حررررتها فيني لأني انا بعد البكر ولو ماكنت جيت كان ممكن اللحين هما منفصلين وشايفين حياااتهم وكل واااحد بجهه يعني انا هما مو محسسيني بالإهتمام أبداً كنت كل مرره افكر بالإنتحار وأبدأ يعنييي كنت رااااح اخنقققق نفسيييي وانا عمري 13 سنه بس رحمت الله كااانت اوسع من كذا تذكرت وش بعد الإنتحار وش بيصير وانا بعد كنت محاااافظه مرررره احسن من اللحين يعني درجت الإهتمااام بي صااارت صفر طيب دام اهلي هذي معاملتهم لي و من دووون اي اهتمام ليييش بعد الناس كذا معاااملتهم لي بعد حتى الغالين انقلبوا بسرعه ضدي حتى اصحاب السؤ يوم كنت معاهم مايبوني وش الي حسسهم اني موجوده بالغلط للدنيا اهئ اهئ آآآآآآآآآآآآآآآآآآآآآآآىه هآآآآآآه هه هه هآآه هه ههاهئ آآآآآآآآه
أنا مقهوووره حدي أيااام اول صاارت ترجع لي اللحين حتى مشاعر اول واحااااسيسي الي قبل صارت ترجع كل شي صااار يرجع امي وش قاالت عني قااالت اني كااافره ويجوز قتلي ليه تقووول هذا الكلام عني لالالالالا مايحق لها أبداً هي ياما ضلمتني وانا امسك اعصابي عنها لو وحده غيري مدري وش كان سووت فيها بس انا الحمد لله دايم اكرر (اللهم ثبت قلبي على دينك) أنا وش اذكر شي عنها زيين اذكر لها يوم تولدني صرااحه هو الشي الوحيد الي يخليني اتمالك اعصااابي عنها واضبطها أنا اكرهها لمن تسوي لي حركات شينه بس من تهدأ ما اكرهها اصير عاديه
انا اليوم جاني الشعور بالمستقبل وشعور جميل بس سريع ماشلته من راااسي اول شي انا اللحين عمري 19 سنه وباقي ثلااث شهور إن شاء الله واكمل العشرين تخيلوا وما احد ضرب بااابي أبداً لو بالغلط على الأقل عاارفه انه قسمه ونصيب والأرزاق بيد الله والحمد لله على كل حال بس انا اقصد الناس حتى بالزواج مابغتني وانا ماني قد الزواج ابداً ولا ابي ارتبط مع الناس حدي معاهم السلام عليكم وكلام سطحي غير كذا انا ما شفت حلااوة الحياه وانا بنت ولا داعي اذوقها بس مو معناتها اني اذوق مرارتها زي مايذوقوها همااا وانا بعد كنت وانا صغيره افكر بزواج واتمنى العمر يمشي بسرعه عشاان اتزوج بسرعه وارتاح من هالأهل بس اللحين صرت اشوف الناس تتشكى من ازواجها غير كذا انا ابغى اثبت لأهلي كلاامهم لأنهم يبوني اتزوج
انااا مااابي ابرد قلوووبهم مثل ماطلعوا حرتهم فيني لذنب أنا مالي شغل فيه اني طلعت للدنيا وصرت بنتهم انا بكمل حرتهم هذي واعكس لهم المرايا وبعدين من يبي يتزوج وحده انطوائيه ومزاجها متقلب وشخصيتها مو شي ان فكرت حسيت كأني ادور حول نفسي ومن دون فائده والناس ماتخلي لها كرااامه أبداً واستحي من اقل حاجه وانحرج بسرعه وممكن من دون اسباب واغيير من كل شي حتى للأشياء العاديه للناس اغير منهم بالنسبه للشعور مو اول مره يصير معاي وانا مو اول مره اتجاهله لأن كل تفكيري بالموت بعدين لا افكر بالزواج ولابشئ يربطني مع الناس أنا ربي خلقني لهذي الدنيا لأصبر على هذي البلوى وأموت وإن شاء الله القى السعاده بالآخره ماعاد يهمني احد ولا ابغى اهتم بأحد أنا وش الي مخوفني جلستي بروحي فجيت اسألكم الوحده ممكن تخلي الواحد يستضر ولالا؟؟ انا مرتاحه لوضعي ما احد يقرب مني ولا اعد يزعجني واهلي عندهم اشغالهم وصار الفراغ عندي كبير وهذي نعمه من الله والحمد لله وانا صرت اشغل نفسي بالي ينفعني ومرات بالتفكير ومرات اتسلى وصرت بعيده عن المشاكل وابغى استعد للموت زيين من اللحين لأني اذا ما مت اليوم بموت بكرا اللهم اني اسألك حسن الخاتمه بس مو لهذيك الدرجه انطوائيه صار عندي صديقات وبعلاقه سطحيه بالكليه بس ياليت تردون على سؤالي وابغى اعرف وشهي سلبيات الوحده وهل انا فيني حاله نفسيه وانطوائيه ولا لالا؟؟

إن شاء الله ما اكون ضيعت وقتكم معاي

>>>>> ردود الأعضـــــــــــــــــــاء على الموضوع <<<<<
==================================


قريت شوي من موضوعك حاولي تختصري حبيبتي لان حولو عيوني اختصري موضوعك مشان العضوات يقرأو مشكلتك وان شاء الله يلاكولك حل


__________________________________________________ __________

يآقلبي عليك انتي
هونييييهآ وتهووون..شوفي النآس بهالدنيآ وربي ماحد مرتآإح
انآ مشكلتي تقريبآ زيك بس فيهآ العكسس.. انآ النآس يبوني وناآ اللي مطنشتهم..
يعني انآ الصرآحه ابي اروح واتعرف لاني وحييييييييييده وبمووت من الووححده بس فيني عزه نفس مدري غرور مادري ش هذآ يمنعني اني احتكك بالنآس كذآ من مزآججي..
وكثيييير بنات يتقربون مني ويحاولون معي وانا مو معطيتهم وجه بالعكس اقول..اوف وش تبي ذي لاصقه فيني من متى المعرفه!غصب تبي تدخل حياتي...شفتي كيف انا اعااااني من هالشي وانا اكثر وحده وربي محتاااجه صديقاااات ماعندي خواااااااات ..واستغرب من نفسسسي!!!الله يعيننا وياك
وسؤالك يردون عليه البنآت لاني زيك وحيده يآبعدي


__________________________________________________ __________

ياقلبي إنتِ أفكارك لاعبه بعقلك لعب
انا مااقدر اشخص حالتك وش هي لأنها مو تخصصي بس اللي أقدر أقول لك اياه
(هونيها وتهون ) اقري هذي الجمله اكثر من مره وركزي فيها
انتِ يمكن ربي بلاكِ باهل عندهم مشاكلهم بس هذا مايعني انهم مايحبونك كل شخص يحب الناس بطريقته .. واحمدي ربك انتِ ايضآ عندك نعم ماهي عند غيرك
ادخلي النت وعندك هنا بالمنتدى قصص بنات تقريها وتقولي الحمدلله الذي عافانا مما ابتلاهم الله يفرج ع الجميع يااارب
لا تفكري كثييير بحياتك ولا تتركي لنفسك المجال انها تسترسل بالهواجس والاوهام عيشي حياتك ليومك وخليكِ دايما متأمله بان القادم أحلى بإذن الله
كوني صداقات ولا تحاولي تقرئي وش بنظرة كل وحده لكِ اتكلمي معاهم واضحكي وافتحي مواضيع حلوة ولا تحاولي تدققي بكل كلمه وبكل حركه
صدقيني انتِ معظم مشكلتك بتضخيمك للأمور الله يسهل لك أمري ويسخر لك خيار خلقه يااارب


__________________________________________________ __________

بصرآحه المشكله طويله مره وعيوني ضعيفه نظرها
ان شاء الله الآخوات الكريمات يفيدونج
الله يوفقج يارب


__________________________________________________ __________

حبيبتي انا الخص مشكلتك في عبارة واحدة وهي خليك واثقة من نفسك وبس ماعليك من احد اقنعي نفسك وقولي لها دائما وبصوت مسموع انا انسانة رائعة انا انسانة طيبة انا انسانة مسالمة انا ما اذيت احد ولااغضبت ربي اوقفي قدام المراية ورددي هالعبارات واقنعي نفسك بها وبتتكون ثقتك في نفسك بسرعة مع الوقت ولاتنسين شي مهم وهو اللي مايشوفني انا مااشوفه واللي انا ما اهمه هو مايهمني ولايستحق ان اشغل لحظة تفكير واحدة فيه واللي تسول له نفسه ان ينظرلي بنص عينه انا راح انظرله بربع عيني ....خلاص اتفقنا لازم تسوين التمارين هذي وان شاء الله بتتحسن نفسيتك واعيد وازيد تذكري هالبيت من الشعر : اللي مايرضاني كحل لعنيه ***ما ارضاه يكون التراب اللي امشي عليه .