عنوان الموضوع : عروسه حطمها زوجها الطبيب يجيب
مقدم من طرف منتديات نساء الجزائر

عروسه حطمها زوجها



السلام عليكم ورحمه الله وبركاته

مشكلتي محطمتني وكاسرتني وياليت الاقي عندكم المشوره الصح في البدايه بعطيكم نبذه عني عمري 28 عاديه ماني جميله بس جذابه جدا وجسمي بشهاده الكل حلوو مهتمه بحالي كثير من ناحيه الملابس والنظافه وواثقه من حالي كثير
المهم توني عروسه لي شهر واسبوع من رجل مطلق وعنده ولد زوجته السابقه جميله جدا
مشكلتي زوجي دايم يحطمني لدرجه ان ثقتي بحالي بدات ترووووح دايم ينتقد شكلي ملامحي حتى جسمي الي عاجب الكل يقول ماعندك المقومات الجسميه لدرجه صار يطلع فيني اشياء بشكلي ماكنت منتبه لها والي ذابحني بزياده يقول ليه تزعلين ماقلت شي ماترك شي فيني ماحطمني فيه سافرت لدوله اجنبيه كرهت نفسي كل يوم انتقاد وخاصه لما يشوف الاجنبيات واكتشفت عيونه طويله بعد وتخيلوا كل يوم يدعي يارب قنعني فيها باوقات احس كاني معوقه او مشوهه والله والله ماامدح حالي بس لو اني مع رجال ثاني ويشوف اهتمامي بحالي ودلعي له وكيف شايلته على كفوف الراحه مايتجرا يفتح فمه ماني مخليته يتمنى شي دلع وحب ورقص واحلى السهرات غير اللبس والمكياج والنظافه كل الي يتمناه اي رجال بحرمته
من اول مكالمه بعد الشبكه يقولي حرام تنكسر فرحتك ((اي وحده مكاني اش بتفهم )) اني ماعجبته ووده يطلقني ودايم يردد اني كبيره بالعمر ويتيمه كانه مسوي جميله لي وتزوجني
واذا جبت سيره الفراق باي اسلوب شوي ويذبحني يقول انه يحبني واني عوضته كثير عن حياته السابقه لانه كان محرووووم من كل شي وانا عطيته احلى ماعندي بالرغم من الجرح بقلبي اضحك وامزح معه لانه بجد مافي شي يعيبه الا هالشي ماني حابه اقول لاهلي لاني احس اقلل من حالي وماني قادره افاتحه في السالفه لما يسالني وش عيوبي
تعبت حيل منه كل يوم ابكي من غير مايشوفني وابين له اني مبسوطه ومرتاحه وانا انذبح كل يوم ولازم يجيب سيره زوجته السابقه واحسه ينبسط وهو يتكلم فيها جرحني كثير واحس صعب يكمل معاي اذا مو مقتنع فيني اذا رحت لاهلي افكر ماارجع له بس لما يدق علي او يرسلي وحشتيني اغير راي وارجع وانسى المي
قولولي وش اسوي اتمنى تساعدوني بمشوره تريحني وعسى الله يفرج هم كل وحده ترد علي وتريح بالي

>>>>> ردود الأعضـــــــــــــــــــاء على الموضوع <<<<<
==================================


ياعمري. طنشي. طنشي وأياك والطلاق. خليه يمدح زوجته لين مايشبع. كبري عقلك واءذا قلل من شكلك لاتهتمين ابتسمي حتى مايزيدي. اقسم بالله أختي ملكة جمال زوجها معذبها وهي جميله لاتوقفين حياتك بسبب حساسيات كبري عقلك وحمدي الله على الستر ونعمة الزوج والبيت والله يوفقك ودعي لي بزوج صالح


__________________________________________________ __________

حبيبتي هذا من نوع الرجال اللي تعطيهم ظهرك عشان يظل يلحق وراك ويدلعك
يعني خلك أنانيه حبي نفسك ولايهز كلامه شعره براسك
لا يشم عدم ثقتك لأنه بعد كذا مافي شي بيسكته
ودامه أحيانا يتكلم كأنه سوى جميل يومه تزوجك
تفاخري عليه انتي بعد بأنك ماكان يقصرك شي حلا واخلاق وجسم بس وافقتي عليه لأنك تحبين الرجال الراكز
ومالك بالشباب ولا على الكثر الشباب اللي تقدموا لك ماعجبك احد فيهم
وانا اختك يعتمد على ذكـــــــــــــائك
وكل شي بتوازن لا تبالغين عشان ماينخرب بيتك من ورى نصيحتي
بس صراحه الله يصبرك على مابتلاك


__________________________________________________ __________

طنشيه ...وماتخلي يشوف انك مقهورة من الكلام ....بالعكس قوليله الحمد لله على الخلقة التامة ...واظهري ثقتك بنفسك دائما ...وانشالله خير


__________________________________________________ __________

الزمي الااستغفار


__________________________________________________ __________

الله يعينك تحملي فترره انشاء الله يتغيرر
ويمكن مقهوور منك او مايبيك تتكبرين عليه