عنوان الموضوع : عندي استفسار بسيط حبوباتي مجابة
مقدم من طرف منتديات نساء الجزائر

عندي استفسار بسيط حبوباتي



السلام عليكم ورحمة الله وبركاته
أخـــــباركم صبايا
إن شاء الله بنعمه وعافيه

أنا كذا مره اكتب لكم مشاكلي بس حلولكم الي تعطوني اياها
هي نفسها الي انا احكيها لنفسي
أنا ما راح أتغير الا بد ماتتغير ضروفي كلها طول وعرض
المهم أنا خلاص
حبيت للوحده وأستسلمت لها وتقبلتها كل جوارحي
كنت كل مره استنى روحت الكليه عشان اشوف البنات
لأني كنت امل بروحي
أما اللحين الحمد لله تأقلمت مع نفسي بروحي
الى ان تطورت الحاله وصرت اجلس بروحي حتى بالكليه
انا متعرفه على ثلاث ارباع الكليه
وعشان اخلاقي عاليه هم اكسبوني
و متعاونه معاهم و وفيه يعني أنا ماشاء الله علي فيني هذي النقطه الي خلتني اكسبهم
بس لما نجلس مع بعض انا اكون مزهرية قبالهم لاحس ولا وجود
حتى هم يستغربون مني
ولما أجلس مع وحده بروحنا وتسولف لي
أمل واحس ان الوقت يضيع بهذره مالها داعي
وحتى ما اتفاعل مع البنات ويجيني النوم ما احب اسمع كلامهم
كل الي ابيه شوفتهم بس
أنا امشي واسلم عليهم وبعدين اجلس بالقاعه لحالي
وربي اني احب اجلس بروحي حتى بالبيت وحتى الزيارات ما اروحها
اللهم اني حددت لي ايام اروحها عشان صلة الرحم بس
إن شافوني وامدحوني ماعندهم غير الله يرزقك بزوج صالح يسعدك مايدرون انهم يغثوني بهالدعوه لأني ما ابي ارتبط بأي احد نهائي
انا كنت ولازلت إنطوائيه
وهذا الشئ مريحني ولما أجلس مع نفسي أدخل بعقلي الباطني افكار غريبه حتى لو ماكانت حقيقيه واتعذب داخلياً لما اسمع عن البنات سوو جمعات ومثل كذا للعلم لانهم مستحيل مستحيييييييل ينادوني خصوصاً اني مو محتكه فيهم وهم عارفين اني انطوائيه
ولما اروح ع الكليه ما احب اكشخ على اني ماشاء الله جذابه مره
انا مره وحده جربت احط لي ماسكرا و روج بس مدري كيف حسيت ماله داعي وشغله عالفاضي
رجــــــاءاً لا وحده تقولي ممسوسه او من هالقبيل
لأني الحمد لله مهتمه بأمور ديني وارتاح بوقت الصلاة
وهذا كله بسبب اني تعودت على الوحده والمشاكل الي حصلتها من قريب ومن بعيد صدقوني الي بيعرف عن قصتي راح يبكي وبتقولون لي كيف للحين عايشه
أن اللحين الحمد لله عمري 20 سنه مؤمنه بقضاء الله وقدره
بس اقنعت نفسي بوضعي ومابي اغيره
لأني صرت ما ارتاح مع الناس لما اجلس معاهم بس احب اشوفهم واسلم عليهم واشتاق لهم تعرفون الإنسان مايقدر يعيش بروحه بالحياة لازم يشوف الناس وانا من فتره طويله على هالحاله وإن شاء الله راح اظل على هالحالة إلى ان ياخذ الله امانته واسأل الله ان يحسن خاتمتي
المهم أني احلم احلام تتكرر واحسها تحذير
انا مدري والله خايفه اكون مسويه شئ غلط وانا مادري عنه
أنا ماقلت لكم عن نفسي بهالشكل الا اني ابي اعرف الي اسويه مع نفسي ممكن يسبب لي ضرر او لا و ايش ممكن تكون الأضرار وانا ممكن اعاقب يوم القيامه او لا للعلم اني دايم اتخيل النار اتخيلها اكثر من الجنه لأني أخشاها حيل واحب انصح الناس
لأول مره اقول هالشئ
بغرض الإجابه على السؤال بس
لأني ارتاح بروحي بشكل مو طبيعي

>>>>> ردود الأعضـــــــــــــــــــاء على الموضوع <<<<<
==================================


مدري احس ان شخصيتك غريبه لازم تطلعي من العزله اللي انتي عايشتها وتندمجي مع الناس ...... الانسان بطبعه يحب الناس يعني حالتك غرررررررررريبه .........ما عندي حل تاني بصراحه


__________________________________________________ __________

سبحان الله
متوقعه ما احد راح يفهمني غير روحي الي بداخلي
أنا كل الي بغيته أعرف
هل ممكن إشارة الحلم الي يتكرر لي لهذا الموضوع ولا لا


__________________________________________________ __________

انتي انطوائية وبس الموضوع ما يبي له تحليل
واحسك مغرورة عشان كلامك كله انا انا انا
وبالنسبه لتخيلك لنار. اظنه امر جيد عشان ع طول تذكري عذاب النار وكذا ماتعملي عمل يغضب الله
اما الحلم اللي يتكرر فهذا يدل ع امر. وع حسب محتوى الحلم يمكن يكون نذير ويمكن يكون بشير
حاولي تفسريه عند اهل العلم
موفقه


__________________________________________________ __________

ماادري شو اقولج بحق تقبلي مروري




__________________________________________________ __________

اكيد محد راح يفهم حالتج الا نفسج واللي قد مر فيها الي نادره جداً تلقين ناس جذي
الموهيم من نسبه لحلمج انتي ماوضحتي بلضبط شنو حالمه نار عاديه ولا شنو يعني
برـأأيي روحي عند ام الجميلآت واكتبي حلمج بلضبط وان شآء الله ماتقصر معآج
مووفقه خيتووو