عنوان الموضوع : الله يفك ضيقة صدري احتاج مشورتكم -تم الاجابة
مقدم من طرف منتديات نساء الجزائر

الله يفك ضيقة صدري احتاج مشورتكم



السلام عليكم ورحمة الله وبركاته
انا مشكلتي كبيرة راح اقولكم بالتفصيل بس الي عندها رد جارح لاترد علي ابدا
الموضوع هو ان عمري 27 سنة ولسى ماتزوجت . عارفة بتقولون رزقك بيجيك وانا مؤمنة بان رزقي موجود لو كتبه ربي لي بالدنيا المهم انا انخطبت كذا مرة بس من اشخاص مايناسبوني ابد وخطابي قليل جدا
واحنا مو من النوع الي ما تطلع مناسبات وتجمعات
دائما بالبيت .. وانا غير موظفة . ولا احد يشوفني ولا اشوف احد الا اهلي فقط
المهم انا شفت في قناة بداية في برنامج بيوت مطمئنة يتكلمون عن موقع اسمه موقع العفاف وقائم عليه شيخ بالشرقية اسمه الهويمل وهالموقع يوفق بين الراغبين بالزواج بطريقة شرعية
ويراقبون الرسائل الي تدور بحيث ان مستحيل يتبادلون الارقام او يعرفون الاسماء او شي المهم انا استخرت الله وسجلت فيه وسبحان الله طلبني واحد طلع من نفس قبيلتي ومن نفس منطقتي
واعرف مكانهم ويعرف مكاننا ووضعه كويس جدا ومناسب لعمري
وتواصلت معه بالرسايل وقالي شوفي وضع اهلك جسي نبضهم وماراح احد يعرف اني عن طريق موقع العفاف بحكم اننا قريبن من بعض من نفس المنطقة
على العموم بالفترة الاخيرة وبعد مااتفقنا مابقى الا يرسل معلوماتة للادارة
قال ان امه موافقة بس ابوة مش موافق وجالس يقنعه
وقالي انتظريني لحد مااقنعه
انا خفت انه يكذب علي
او يبي يماطلني

ابغى شوركم الله يفك همكم


>>>>> ردود الأعضـــــــــــــــــــاء على الموضوع <<<<<
==================================


والله بجد ماادري عن صحه هالمواقع بس الله يكتب لك اللي فيه الخير

يمكن يكون جد ولد حلال ماتدرين

ادعي الله اذا كان في خير لك ييسره لك ويكون من نصيبك واذا في شر لك يصرفه عنك

واستخيري وان شاء الله ربي بيكتب لك كل خير ويسعدك


وان شاء الله الاخوات يفيدونك كمان


ربي ييسر لك امرك ويرزقك باللي يسعدك


__________________________________________________ __________

ماعندي فكرة بس الله يفرج همك


__________________________________________________ __________

ماعندى حاجه أقولها غير الله يبعد عنك الشر ويكتب لك الخير
وياحبيبتي لاتستعجلين في هذا الموضوع بذات
الله يوفقك الى الخير دائما


__________________________________________________ __________

الله يفرج همك حبيبتي وانتبهي على نفسك عشااان ماتتورطين والله الزمااان هذا يخووووووف الله ينصرك ويوفقك


__________________________________________________ __________

ادعي ربك واذا ارتحتي وافقي مو غلط دام اهلك راح يسألون عنه لما يتقدملك رسمي
ربي يحفظك من كل شر
ورددي دااااااااااايما على لسانك هالعبارة العظيمه ( لاحول ولا قوة إلا بالله ) وبتشوفين العجب وياليت تدعيلي بالزوج الصالح وبشرينا وفرحينا والله يوفقك
وراح اتابعك وياليت نعرف آخر المستجدات