عنوان الموضوع : انصحوني وش اسوي تكفوون ؟ ابي اشيله من بالي الطبيب يجيب
مقدم من طرف منتديات نساء الجزائر

انصحوني وش اسوي تكفوون ؟ ابي اشيله من بالي



السلام عليكم ورحمة الله وبركاته

اخواتي .. بفضفضلكم شوي : في يوم من الايام كنت ماسكه جوالي وفيني فراغ عاطفي شديد جلست ادق ارقام من عقلي واسوي ازعاجات ماتكلم بس ازعاج ومره طلع لي ولد رسلي رساله انا عارف انك حمااار وماني عارفه ايش الصراحه وقتها نزلت دمعتي لاني حساسه فرجعت ارسلتله حرام عليك والله اني جالسه ابكي .. ومن هنا صار كلامنا كله رسايل وحبيته وهو حبني ..كان يبي يكلمني بس ماعندي جرئه ولاسمع الا مني كلمة الــو
وحمدلله بخير وبس ، ومرت الايام وانا تعبت من هالحب قلتله خلااص انا تعبانه وخلاص بتوب وقالي بس انا والله ابيك بالحلال قمت اعطيته كل المعلومات عني كل شي ورحت لاختي قلتلها السالفه هزاءتني وقالت انتي صاحيه وهو الحين راح يفضحك ماتعرفين الشباب انتي وخفت ورسلتله رساله ادعي عليه ودق واختي اخذت جوالي وخرجت كلمته اختي عندها اسلوب وانسانه حكيمه جاتني قالت الف مبروك والولد صادق وطق مشوار علشانك لرياض والحين هو فالطريق لرياض واختي حست انه صادق
لما اختي قالت لي مبروك فررحت فرحت
هالشخص كان بيستر علي من شي كبير < واختي تعرف السالفه
كلمت اخته اختي وارتحو لبعض وصارو يكلمون بعض
والله الولد حبني بجد وانا حبيته بس كنت متعقده من شكلي اقول هو مايستاهلني يستاهل وحده احلى واحسن مني وفي ذيك الايام كنت بس ابكي خايفه ومرعوبه خصوصا اني انطوؤائيه ولما استخير ماحس بشي
ف ارسلت له رساله انا اكرهك وماحبك ولاعمري حبيتك بس كنت العب عليك < انا قلت لنفسي مثل ماحببته فيني لازم اكره فيني
مرت الايام والشهور وانا تعبانه حتى ابكي من قلب ولا اقدر اكتم لو جات ذكراه حتى لو امي قدامي مع انو امي تتعب لما تشوفني ابكي بس اصرف اني ابغى شي < وعلى طول الشي يجيني ، الله يخليك لنا ي امي
مرت ايام وسنوات يمكن الان سادس اوسابع او ثامن سنه وانا ابكي عليه
واخته ماعادت تتصل على اختي من يوم تركته
يمكن هو نساني يمكن كرهني يمكن حقد علي بس وش اسوي بالشعور الي داخلي ابي اقتله ؟؟ تعبت ياناس سنوات وانا افكر بشخص منتهي
انا قلت بعتبره شخص مات
بس قلبي واجعني عليه خياله معي موقادره انساه نفسي فيه ياناس ودي بس اقوله اسفه اعتذر واني ماقد كرهته افكر فيه ك زوج وعندي عيال منه ابي اعرف مات ولا عايش انا عايشه على ذكراه
ماعلي من الحب بس حاسه بتانيب تعذيب لاني جرحته
انا مومنه بالقضا والقدر بس تعبااانه يابنات انا عارفه انو هاذي نهاية العلاقات المحرمه بس وش اسوي الشيطان شاطر اعوذبالله منه،

اعطوني نصايحكم حلولكم ودي اشيله من بالي وانا عارفه مارح يروح بس ع الاقل يخف شوي

انا عندي امل انو الله يكتبه من نصيبي للحين ادعولي يابنات ابيه والله ابيه
مابغى احد غيري له يارب يجي يخطبني يارب يتحلم فيني

>>>>> ردود الأعضـــــــــــــــــــاء على الموضوع <<<<<
==================================


الي سوتية خيرره وحكمه من ربي ماتدرين وين رزقك فيه واذا لك نصيب فيه بيجييييييك لو كان بآآآخر الدنيا ,,


__________________________________________________ __________

ما عندي شي اقوله الا ربي يرزقك ويسترك
انسيه ممكن هو الحين متزوج وعنده عيال وناسيك
انسيه انتي كمان واعتبري رسالتك له لله
لأنك ما ودك تعصين ربي مع ان الشخص خلال قرر يتزوجك
بس تأكدي لو لك نصيب معه بتتزوجيه
لو مالك ماراح تاخذينه وشفتي بنفسك ..
انسيه باي طريقة وربي يرزقك بالزوج الصالح قريبا سواء هو او غيره
.....


__________________________________________________ __________

طيب انتي الحين ماتعرفين عنه شي ؟؟؟؟


__________________________________________________ __________

انا مافهمت ليه انت ماتستاهلينه ؟؟؟!!!

واصلا كيف حبيتيه بالرسائل ؟؟!!
وكمان هو لو كان فعلا شاريك كان ارسل اهله يخطبونك ويسمع الرد الصريح او على
الاقل يستغرب ويسأل او يحاول مرات ومرات لانه الرجال لو حب مايتنازل عن حبه بسهوله
وفي الحقيقة كل الرجال مايعرفون الحب الامع زوجاتهم اما قبل الزواج مو حب لعب
وانت يمكن احسن شي سوتيه انك قطعتي العلاقة من بدري لان هي هذه نهايتها
لان الحرام مافيه خير
واللي انت تعيشينه الحين ندم لانك شفتي نفسك ماتزوجتي لك الان ثمان سنين
وعلى بالك حب وهو لاحب ولاشي انما هو ذكرى فقط لاغير
اهم شي ادعي ربك يرزقك بالزوج الصالح


__________________________________________________ __________

وعليكم السلام ورحمة الله وبركاته

بس انتي اللحين مقتنعه انه ما راح يروح عن بالك
إذا تبين تنسيه لازم تقتنعين انك راح تقديرن تشغلين تفكيرك عنه
وإن شاء الله راح تنسينه مافي شئ مستحيل بهالدنيا
الله يستر عليك ويرزقك الزوج الصالح