عنوان الموضوع : ـــ محتارهـ محتارهـ وأملي بعد الله فيكمـ ـــ -لصحتك
مقدم من طرف منتديات نساء الجزائر

ـــ محتارهـ محتارهـ وأملي بعد الله فيكمـ ـــ



السلام عليكمـ

انا بنت متزوجـه وحامل الحمدلله .. رب العالمين رزقني بزوج كل البنات تحسدني عليه والله مو مبالغه .. كل قريباته وجاراته حاسديني عليه
يعني وش اقولكم فيه طيبه وخفة دم وحنان ما عمري شفته .. وفوق كذا يحبني ومايرضى بزعلي .. بس دايم الزين ما يكمل حلاه


عنده اهل ما اقولكم انهم مو كويسين بالعكس .. بس يحبون ولدهم هذا اللي هو زوجي اكثر من باقي اخوانه .. لانه عطووف عليهم وما يرفض لهم طلب وقدر الله علي وسكنت معهم في الدور اللي تحتهمـ
فيه شقتين تحت .. شقة لنا وشقة لأخوه وزوجتــــه
تخيلوا يا بنات أمه اذا تبي مشوار ولدها الثاني نايم تحت ما تصحيه لأنه مودايم يسمع كلامهـآ .. وتروح تدق على زوجي وهو بالدوام وتطلعه من الدوام عشان يوديها وهو يا عمري ما يقدر يقول لا


ياليت بس كذآ ..أحس من كثر ما يحبونه يغااارون عليه مني
مثلا احنا قاعدين على سفــره وزوجي أكلني بيده .. أمه واخته يقلبون وجوههم لين يأكلهم بيده... خيررر ؟؟؟ ما يبونه يدلعني ليه يزوجونه ؟؟
كان خلوه عزوبي ومتفرغ لهم
ومثلا لما نكون تحت لحالنا لازم يتصلووون ويرسلونه أي مشوار
واذا ما رد او جواله صامت امه ترسل اخوه الصغير يدق الباب
لما يجيب لي هديه يقلبون وجوههم وما يعجبهمـ .. لازم يجيب لهم بعد


المهم هذي مقدمهـ لمشكلتي
الحين انا في بيت اهلي
قلت له باقعد كم يوم عند أمي لأنالحمل تاعبني
وكان يكلمني كل يوم مشتااااااااق
عاد مرة انا عصبت .. دقيت عليه وكان أهله عنده
انا يا نااااس احبه بجنوون والله اغار عليه من أمه وابوه
انقهرررررررررت ليه هم جنبه وانا بعيده عنه < تفكير حريم عاد وش تقولون
المهمـ قلت له : خلااااااص خلك مع (هذولا اللي عندك)

هو زعل اشلون اقول لاهله هذولا
بس وش اسووي انا اغار عليه من نفسسسسسه مو بس من أهله
وقال لي ماعاد باكلمك انتي ما تستاهلين اني اتصل عليك
والله والله من ورى قلبـــه
لأني اعرفه لا عصب يجيب العيد

والدليل ان اليوم اللي بعده دقت عليه أمي وهي ما تدري عن شـي
قالت له ابيك توصلني مشوار بعيد
والله يا بنات توقعت يقول لها لااا مشغول لانه زعلان مني
بس لا قال لها ابشـــري وجا ياخذها
وطليت عليه من فوق باشوفه لقيته يحب ايدها وراسها وفتح لها باب السياره ... يعني نفس معاملته لهاا ما تغيرت مع اني غلطت علىاهله

وبعد ما خلصوا المشوار ونزلها قال لها سلمي لي على زوجتي
يعني هوو طيووووووووب
وانا لحين محتااااره ابقى كذا مطنشة واخليه ؟؟؟
والا اتصل عليه ؟؟

والاوش اسووووووووووووووي بالضبط ؟؟؟؟

>>>>> ردود الأعضـــــــــــــــــــاء على الموضوع <<<<<
==================================


ااه يقلبي تدرين لوكنت عندي والله لطقك حرام عليك
والله انه ملاك ياعيني عليه وبعدين خلي في بالك الي مافيه خير لاهله مافيه خير لزوجته وين عقلك يامره
خليك من الغيره والخرابيط قولي له بليز حبيبي لاتدلعني قدام اهلك خلها لحالنا
واقبر غلط يوم تنقصي من احترامهم والله ماينساها وانتي بتصغري في عينه وبعدين شكلك صغير باقي مافهمتي الدنيا
واذا كان هو محترم امك ويحبها ليش ماتكوني زيه وتحبي امه علشان يحبك


__________________________________________________ __________

عن جد يا حرامك
ما تخربي بيتك بايدك
رني عليه واحكيلوا انو الحمل متعبك وانت عملت هيك لانو انت تعبانة من الحمل
واحكيلوا انو اهلوا اهلك وانك متاسفة
يلا على السريع


__________________________________________________ __________

حبيبة قلبي

ليش كذا ؟؟؟؟؟؟؟؟؟؟؟؟

احمدي رب العالمين على هالزوج

بعدين ليش تغارين من اهله دامه مو مقصر عليك؟؟؟؟؟؟؟

اللي ما له خير في اهله ماله خير في مرته

بالعكس انتي عشان ماتجيبي لنفسك المشاكل

قولي له لاتأكلني قدامهم.. ولا تجيب هدايا قدامهم

وعشان يحبك اكثر وريه انك تحبي اهله زي اهلك

ولاتبيني ابدا انك تزعلي لما يوديهم اي مشوار

خليكي ذكيه ولا تهدمي بيتك بايدك

صدقيني رب العالمين راح يبارك لك في زوجك وفي عيالك

مادام زوجك بار بامه وانتي تساعديه على البر بها

ربي يسعدكم

واتصلي طبعا عليه وقولي له بدلع انك مع الحمل تحتاجيه جنبك

وما تدرين اش قلتي واتأسفي له

والاسف مافيه تنقيص لك ابدا


بالعكس هذا بيرفع قدرك عند زوجك

ربي يقومك بالسلامه ويرزقكم الطفل السليم المعافا

ولما يجي بتحسي بالامومه وكيف الام تحب اولادها


__________________________________________________ __________

السلام عليكم ورحمة الله وبركاته
السيدات الفاضلات اللي قبلي ماقصروا
وقالوا الكلام اللي فيه الزبده
وانا متأكده ان السيدات اللي راح يجون بعدين نفس الشيء
وكنت ناويه ما اكتب شيء لاني ماشفت انه فيه مشكله اصلا
ولكن مرارتي راح تنفجر اذا مااقول هالكلمتين
يابنت الناس؟؟
انت تبحثين عن الهم والغم بالمكرسكوب؟؟
او يمكن تشترين المشاكل بفلوس؟؟
او ربما انك شايفه ان الله اعطاك نعمه وانت ماتستحقيها وناويه تطيريها من بين ايديك؟؟
استهدي بالله حبيبتي وارجعي لبيتك وشيلي اهل زوجك فوق راسك قبل مازوجك يشيل اهله على راسه
عندنا مثل عراقي حلو
القيل والقال اخرتها يافراق ياقلة ارزاق

ربي يهديك ويسعدك ويديم النعمه عليك

امين امين امين


__________________________________________________ __________

"عزيزتي" صاحبه المشكله اولا قال الرسول صلى الله عليه وسلم ( خيركم خيركم لاهله ... وانا خيركم لاهلي ...) وقال ايضا .... ( ان من اكمل المومنين ايمانا احسنهم اخلاقا ... و الطفهم باهله ...)
يا حبيبتي ارجو ان تفهمي علي زوجك ماشاءالله خلوق مع الكل واحمدي ربك انه حبيب مع اهله واتمنى ان يكون زوجي كذلك وبعدين امه اتصلت عليه وعشانك عارفه ظرفه انه بالدوام فـــــ اعترضتي وامك اتصلت عليه وانتي موعارفه وش كان ظرفه ذاك الوقت فـــــ مااعترضتي شفتي الفرق ياحبيتي هو محترم امك فاحترمي امه وهذا طبعه اكيد قبل لايتزوجك فاحذاري حذاري اختي تغيريه على اهله وعلى قولة المثل<الي مافيه خير باهله مافي خير بالناس>لو اني مكانك افرح لان يحب اهله وكذلك يحترم اهلي فكوني كذلك لاتخسريه كوني ذكـــــــــيه واغتنمي الفرصه حبي اهله وامدحيهم عنده لكي تكسبي حبه اكثر دام هذا الي يعجبه
وثانيا :اذا كنتي بروحك انتي وزوجك وكلوووا بعضكم تاخذوا راااحتكم اكثر وانبسطوا وعليكم بالف عافيه مو افضل من انه يصير قدام اهله واتمنى رسالتي لك وصلت اتمنى لكي حياه مفرحه وتحبي اهله ويمسح من قلبك الغيره اميييييييييييين <<<<<ايه صح ياحلوه اتصلي عليه وراضيه واعتذري او رساله بطريقتك الذكـــــيه فــــــــــورا>>>>>