عنوان الموضوع : انا بعشقه وهو بحبني شو اعمل ؟؟!!! -لصحتك
مقدم من طرف منتديات نساء الجزائر

انا بعشقه وهو بحبني شو اعمل ؟؟!!!



بسم الله الرحمن الرحيم

السلام عليكم ورحمة الله وبركاته

انا بدي نصائحكم ومساعدتكم لاني مخنوقة كتير ومدايقة وحاسة انه الدنيا مسكرة بوشي ...

اول شي رح احكيلكم قصتي انا بحب شب عمري من عمره 21 سنة من سنة هو بحبني وانا بحبه احنا مش مرتبطين لكن ملتزمين بحدود الحب حبيته وانا كنت بدرس علما اني كنت رافضة شي اسمه حب بحياتي وهو كان يحبني من طرف واحد واحنا كنا اصدقاء وبعدين حبيته واعترفتله اني بحبه بعد فترة طويلة من صداقتنا ...
امه بتعرف بالموضوع واهله كتير ملتزمين امه وابوه وخاصة ابوه كتير ملتزم وامه انا واياها صحبة وبحس انها بتحس فيي وبتفهمني مممم بس اهلي مافي حد بعرف لانه اهلي شديدين ومافي شي اسمه حب عنا
كنا فترة الدراسة نشوف بعض كل يوم ونحكي مع بعض ومرات نفطر مع بعض مع اصدقائنا وكنا نشتغل مشروع مع بعض ونسهر مرات فترة طويلة عالانترنت انا واياه وباقي المجموعة عالنت لنشتغل عالمشروع كانت ايام كتير حلوة كنت احس بحبه الي وشوقه ولهفته ليشوفني تاني يوم كان يجي بكير لحتى يصبح علي ويشوفني ولما يكون عنده وقت فراغ بين المحاضرات يركض ليشوفني وكان في نهفات كتير حلوة ولقطات مضحكة ولحظات حلوة بحياتنا ...
مشيت الايام ومرت علينا مشاكل كتتتير بشكل يعني مش طبيعي وقف معي كتير كتير وماتركني وساعدني بكل مشاكلي وهمومي وطبطب علي وكتير حاولوا يفرقونا وماقدروش لحد ماتخرجنا وكل واحد فينا بلش يدور عشغل وهلا هو بشتغل لحتى يكون حالو بسرعة ويجي يخطبني حاول يدور على اكثر من شغل بس مازبط معاه غير شغل واحد ويعني اذا رح يتم عليه عمرنا مارح نخطب لانه ظروف المعيشة عنا بفلسطين صعبة كتير وكل شي بغلى مع الايام يعني مش بالسهولة يكون حاله ...
المهم صار يشتغل من ال8-لل 3 ونص بالجامعة وهلا بلشت المشكلة حسيت انه عم ببعد عني مثلا مابسأل عني غير لااسأل عنه ماببعتلي مسج يطمني عنه غير لاارسله ومرات بطول كتير لا يطمني عنه انا سرت احس اني بفرض حالي عليه سرت احس بفراغ كبير لما تخرجت ونفسي اتم احكي معاه ويحكي معي واشوفه وسرت من شي ولا شي ازعل واتحسس واحس انه بقصد شي بكلامه وهلا نادرا مااشوفه وبشوفه 5 دقايق اذا مش دقيقة يعني او بشوفه من بعيد وانا مروحة وهو مروح هو حرام بحبني وانا حاسة بهالشي بس بحس انه انا بحبه اكتر بكتير من ماهو بحبني صرت اغار كتير عليه بسبب وبدون سبب وادايق كتير اذا ماسال عني وابكي واتنكد احس انه بطل يشتقلي او يحبني واخر فترة هو سار يروح من شغله ويتغدا ويحضر فلم او يشتغل او يروح مع صحابه ومايحكي معي غير لاارن عليه سرت احس انه الافلام اهم مني لانه كل يوم بحضر افلام وكل يوم بروح مع صاحبه لازم كل يوم يشوف صاحبه ومرات بنام عنده حاسة اني بغار من صاحبه ومن كل شي بحس انه دنيته كلها اهم مني صار عندي هستيريا التفكير بفكر بكل شي مش منيح ولما بواجهه بهالشي بزعل مني وبحكيلي انتي اهم شي عندي وانا بمر بظروف صعبة مش عارف كيف بدي اكون حالي بسرعة عشان اخطبك تعبان ومش حابب احكيلك ولا احسسك بهالشي بهاللحظة بنسى كل شي وبسير انسيه همه واضحكه واحكيله شو عملت بيومي وهيك وبحكيله ماتقطعتني خليك دايما بتسال عني لاني بشتقلك وبحب اعرف اخبارك وبخاف عليك لما ماطمني عليك بقعد يوم يومين يسال عني وبعدين ببطل بسير رسالة باليوم او تنتين ومرات برن علي بحكم انه مشغول

انا بشتقله كتير وبحبه بشكل جنوني وهستيري كمان وهو بعرف اني بعشقه بشكل جنوني وبحس اني دايما بعبرله عن الجواي بس هو بحكي بس مابحس انه بحكيلي كل شي يعني مابحب يظهر مشاعره ومابحس بالشغلات الي بحسها انا وهو بغار علي كتير لما بدي اختبر حبه بغيظه بشغله لحتى اشوف غيرته علي

انا بدي اتقل عليه ومش عارفة بالمرة بحاول ماارسله لحتى يقلق علي ويخاف علي بس عالفاضي مابلاقي حالي غير باعتله مسج اطمن عليه
وهو مابحب اني اتقل عليه اعترفتله بالشي الي بحسه واني مخنوقة كتير من تصرفاته وانا بحس انه بعيد عني وصار زي نكد بينا

انا حاسة انه حالتي كل مالها بتسوء بضل متنكدة وزعلانه وافكر وبالي مشغول فيه وبحس هو ولا بالدنيا وبضل اخنق عليه واسم بدنه وانكده خنقته كتير اخر فترة وعصبية بشكل مش طبيعي

انا فكرت بشي وطبقته مابعرف اذا رح يجيب نتيجة اتفقت معاه انه نعتبر حالنا اصدقاء زي ايام زمان قبل لانحب بعض ومانحكي مع بعض كتير ومانرسل لبعض رسالة حب يعني بحبك واشتقتلك بس صداقة نطمن عبعض كاصدقاء نتعامل انا اصدقاء هو ماقبل بالاول بس لما انا حكتله انه وضعي سيء وبدي حل ومش لاقية بدي ارتاح من وجع الراس وسمة البدن وهلا الي يومين بتعامل معاه كانا اصدقاء مبارح حكا معي نفسه يسمع مني كلمة بحبك بس ماحكيت وعاملته كانه صديقي هو زي الي زعل بس مااظهرلي
وهلا بحاول اشغل وقتي بشتغل وباخد دورة وبقرا قران وبقرا كتب بس لسا بحس بفراغ وبتم بالي مشغول فيه ولسا بزعل لما مايبعتلي لهلا مابعتلي غير مسج الصبح وسرنا اخر النهار مضايقة وجواي بغلي وبفكر بشغلات كوابيس وشي مش منيح وانا ماعندي صديقة او اصدقاء مقربين مني يحسو فيي ويفهموني ومافي حد احكيله او اشكيله حبيبي هو كل شي الي اخي وصاحبي وحبيبي وكل شي

اعطوني حل لحتى اهدى واتقل عليه واخليه يحبني ويشتقلي وهو الي يركض ليحكي معي ويسال عني احسسه بقيمتي لما ابعد عنه احس انه جد لساه بحبني ؟؟؟
جد حاسة هالشي مأثر عحياتي كتير كتير لدرجة اني بنعزل عن اهلي وانا بتم سامة بدني وافكر فيه كيف متجاهلني

ياريت تساعدوني

>>>>> ردود الأعضـــــــــــــــــــاء على الموضوع <<<<<
==================================


لانك دايم تركظي وراه وتسألي عنه صار هو مطنشك ...

اتركيه فتره لا تسألي عليه طنشيه واشغلي نفسك في اي شي خليك داااااايم مشغوله عنه عشان ماتفكري فيه..

بيلاحظ انك بعيده عنه ومشغوله بشي اهم منه بكذا راح يغااار وهو بيرجع لك

واذا رجع لك وتغير خليك زي ما انت لا تخلينه كل اهتمامك

موفقه اختي..


__________________________________________________ __________

اختي العزيزه ..

اولا تصرفك غلط بغلط انك تقوليله نتصرف كأصدقاء لانه ممكن الصداقه تتحول الي حب ولكن من الصعب جدا ان الحب يتحول الي صداقه بل من المستحيل .. ويمكن بتصرفك هذا تخسريه للابد وقد يشعر انك بعدتي عنه ومعد بتحبيه .. اتمنى انك تصلحي غلطك وتقليله انك حولتي بس ما عرفتي لانك اكتشفتي انك بتحبيه والحب عمره ما بيتحول لصداقه اذا انتي ما بدك تخسريه ..

ثانيا: اختي انتي قالتي انه بيحبك وبيعشقك وانتي كذالك .. اتوقع انه ينقصكي اتفهم لضروف عمله وانه شخص لزال في مقتبل عمره 21 سنه يعني جدا صغير على المسؤليه وتكوين مال لخطبتكي معا هذا وكل بيحاول وما بيقلك عشان يضل رجال قد نفسه امامك يعني من المفروض تدعميه ولو حتى بكلمات تقدير لجهوده .. اما بنسبه انه بيشوف افلام .. هذا شئ عادي اغلب الشباب يحولو ينفسوى عن انفسهم وضغوطاتهم بمشاهدت الافلام والطلعات .. بس هو اكيد بيحبك ما دام طلب منك تقوليله كلمت احبك .. فأكيد حس بشئ .. والله اعلم

ثالثا : انا اشوف انه لا توجد ثقله وكرامه وعناد بين الحبيبين لانها اذا دخلت لحياتكم سوف يهرب الحب من الباب .. انتبهي اختي انتي تصرفتك قد تجعله يترككي لانه الثقل مش مرغوب عند بعض الرجال وقد يفقدكي ايه ..

رابعا : انتي لازم تحسسيه انه انتي لسى بتحبيه وانك فعلا تستاهلي انه بيتعب عشان يقدر يجمع الفلوس الازمه لخطبتك ويحس انك مقدره ليه .. ولازم انك انتي كمان تشتغلي وتحققي ذاتك من خلال عملك عشان ما يضل كل تفكيرك منصب في حبيبك هو رح هو جاء نام طلع وووووو .. الحب شئ وتحقيق ذاتك كانسانه شئ اخر ..

اسألي نفسك مثلا .. اين انتي من كل هذا .. انتي حبيتي صح خلاص عيش حياتك وانبسطي معه ليش النكد والافكار السلبيه .. طيب الان جاء دور تحقيق ذاتك كمثلا تكملي دراسه المجستر او العمل حتى لو بدون فلوس ووووووو ..
وممكن هو يجي لبيتكم ويقراء الفاتحه بس يعني لحد ما يجمع فلوس ويتمم الخطبه رسمي ..

بس الان اهم شئ انك ترجعي عن فكره انه تصيروا اصدقاء لانك رح تخسريه للابد .. هذا رائي والله اعلم ..

بالتوفيق اختي..

تحيااااااتي..


__________________________________________________ __________

انا بحب شب عمري من عمره 21 سنة من سنة هو بحبني وانا بحبه احنا مش مرتبطين لكن ملتزمين بحدود الحب

سبحان الله كل هذا الحب والعشق والمكالمات لشخص غريب عنك ؟؟!!
يعني لسى ماخطبك وهو مو محرم لك كيف تتكلمين معه كذا
اتقي الله غاليتي اللي تسوينه غلط من اصله ..
اقطعي مكالماتك ومسجاتك عنه الى ان يجمع الله بينكم بالحلال ويصير محرم لك ..

هذي فتاوي اقرائيها اتمنى ان تستفيدي منها وان ينور الله طريقك ويصلح الحال ..
فتاوى هامة جداً::حكم تحدث المرأة مع الرجل عبر الماسنجرأوالهاتف::نسأل الله العافية - مـنـتـديـات المنبــــر العلمـــــي


__________________________________________________ __________

المشاركة الأصلية كتبت بواسطة رمش السهر..
سبحان الله كل هذا الحب والعشق والمكالمات لشخص غريب عنك ؟؟!!
يعني لسى ماخطبك وهو مو محرم لك كيف تتكلمين معه كذا
اتقي الله غاليتي اللي تسوينه غلط من اصله ..
اقطعي مكالماتك ومسجاتك عنه الى ان يجمع الله بينكم بالحلال ويصير محرم لك ..
هذي فتاوي اقرائيها اتمنى ان تستفيدي منها وان ينور الله طريقك ويصلح الحال ..
فتاوى هامة جداً::حكم تحدث المرأة مع الرجل عبر الماسنجرأوالهاتف::نسأل الله العافية - مـنـتـديـات المنبــــر العلمـــــي

......
ماشاءالله لاقوة إلابالله ...الله يكثر امثالك رمش السهر
على نصيحتك وهكذا النصح والتوجيه
والذين سبقوكي بالردود أقول لهم لاتعينوا على مايغضب الله
عزوجل حتى لاتأثموا ...........
بارك الله فيكي اخيتي


__________________________________________________ __________

المشاركة الأصلية كتبت بواسطة إبداع ومواهب
......
ماشاءالله لاقوة إلابالله ...الله يكثر امثالك رمش السهر
على نصيحتك وهكذا النصح والتوجيه
والذين سبقوكي بالردود أقول لهم لاتعينوا على مايغضب الله
عزوجل حتى لاتأثموا ...........
بارك الله فيكي اخيتي





عين العقل الاخوات جابوا المفيد

الله يهديك ويهدي بنات المسلمين للطريق السليم