مصارحة -تم الاجابة

[aksachli]

عنوان الموضوع : مصارحة -تم الاجابة
مقدم من طرف منتديات نساء الجزائر

مصارحة



vالسلام عليكم ورحمة الله وبركاته

حبيت اطرح مشكلتي واتمنى احصل منكم نصائح وحلول
انا فتاة جامعية وحاليا سنة ثانية في الجامعة
تقريبا لما بدات اول سنة اشتركت بمنتدى الجامعة مالتنا
المهم مع الايام احتجت اسال شخص عن امر معين يخص الجامعة
وانا كنت الوحيدة من اهلي وماعرف احد المهم خذيت ايميل عضو
اساله ع الايميل لان كنت اواجه مشكلة بالرسائل الخاصة
فخذيت الايميل وسالته على ثاني يوم ضافني وبعدين قعد يتلكم
ومع مرور الايام اكتشفت ان يعرف شكلي !! مع العلم انا ماعرفه اصلا
وقعد يقولي انا احبك ومن هالكلام يعني وانا اريدك زوجة ومن هالقبيل
وانا ماكنت ابي اكسر قلبه فكنت اتهرب من الموضوع واغلب الاحيان
كنت اسويله بلوك بس احيانا ماعرف ليش كنت اشيل البلوكمع الايام كنت
ادعي ربي ان يساعدني والحمدلله سويتله بلوك ودليت وخلاص وطلع ان
متكلم عني مع اولاد الجامعة الي مشتركين بالمنتدى وعارف قبيلتي
بس انا شو سويت عطيته اسم خطأ هذا اول شئ
كيف عرفت هالشئ؟ بالمنتدى واحد من الاعضاء صادف ان كان معاي
بفصل من الفصول وحسيت ان كانت رحمة من رب العالمين هو الي قالي
ان انا اعرف اخلاقج ومن هالكلام وحبيت اخبرج هالكلام عشان تاخذي بالج
وهالولد ما شاء الله عليه وايد محترم وطبعا بالرسائل الخاصة عطاني الايميل عشان يقولي هالسالفة نظرا لان الخاصة كانت مراقبة .. المهم حاولنا نحل المشكلة بان يقووول لكل الي يعرفهم ان انا من اقاربه عشان
محد يقدر يسوي شئ وبالفعل سوى هالشئ وحسيت ان المضايقات وايد خفت .. هذا بعد شئ
ومن خلصنا كنا نسولف عادي عن الدراسة وهالاشياء بس مع الايام
حسيت ان ماله داعي لهالاشياء فقلتله وكل شئ تصلح مع العلم ان الايميل
الي كنت ضايفته هو والي قبله حذفته بطريقة معينة

ويعني بالمنتدىبعض الاعضاء يعرفون شكلي البعض عن طريق النك نيم
والبعض كانوا يسألوني

اخر شئ ان تعرفون الحياة الجامعية عندنا مختلطة فانا اعجبت بشاب وقبل هذا واحد من اعضاء المنتدى نفس الشئ كنا مشرفين ع مسابقة فكنا اناقش بعض الامور بالمسنجر المهم اكتشفت ان هالشخص يعرف الشخص الي انا معجبة به فكنت احاول اخذ منه معلومات وكذا بس بعدين رب العالمين اهداني وحسيت ان هالشئ غلط فمثل ماخبرتكم رحت وحذفت الايميل وتركت كل شئ وحطيت همي الاول والاخير بدراستي

فالحين حابة اسائلكم واستشيركم .. اذا شخص تقدملي هل اصرح بهالشئ له قبل عقد القران ؟ انا مفكرة اصارحه بهالشئ قبل ما اتم الخطوبة الرسمية بعد .. يعني اذا تقدملي اي شخص ف المستقبل قبل ما ايوون اهله عشان الخطوبة الرسمية اخبره بهالموضوع

وانا ارييد اقول هالموضوع لامي بس ما اتجرأ مع العلم ان علاقتي بامي كعلاقة اخت باختها بس طبعا مثل ماتعرفون كل شئ بحدود
انا اخاف اقوولها وتنصدم او شئ من هالقبيل لان وايد تخاف علي

فحابة اخذ برأيكم ونصيحتكم

واتمنى ما تبخلون علي

بانتظاركم

>>>>> ردود الأعضـــــــــــــــــــاء على الموضوع <<<<<
==================================

شوفي ياـختي دامك مع أمك تمام صارحيها

وقولي لها والحمدالله أنك ماكملتي معاه وفكرتي تمام

أول شي تسوينه تكونين صريحه مع مامتك عشان تساعدك هيه

محد بيخاف عليك أكثر من مامتك

بعدين أسأليها تقولي لخطيبك أو لا

أنا أشوف ماتقولي له أحسن

أبدأي حياه جديده وأنسي إللي راح

لو قلتي له مابيرتاح طول حياته

تحياتي ,,,

أختك

__________________________________________________ __________

بصراحه لااعلم ماذا اقول لكي فانتي فعلا في مشكله لكني انصحك بالحجاب وليس الحجاب المزيف بل الحجاب الاسلامي الصحيح والعوده الى الله والاستغفار والندم على مافت حفظك الله وهداك لما يحب ويرضى

__________________________________________________ __________

كلا م برنسيسه صح
اول شي ماتجين امك على طول وتقولين لها
لااول شي روحي لها وقولي يمه بصارحك
امك بتعرف انك محتاجه لها وانك تبين مساعده
بتقولك قولي
قولي لـ امك

طيب ماتزعلين علي يايمه وافهميني
وقولي لها بكل شي

والله يوفقكـ ويستر عليكـ

واذا ماقدرتي استخيري يالغلا

__________________________________________________ __________

بس حبيت اوضحلكم شئ
ان الولد هذاك ماقدر يسويلي شئ
لان اذا ماكنت غلطانة مشبه علي
هوكل ما بالامركان يقول للاعضاء
الي بالمنتدى ان يكلمني بالمسنجر

احيانا احس ان مثل هالامور عادية بس حتى لو كانت عادية بس يهمني اخبر امي والرجل الي برتبط فيه عمري كله

فشو رايكم بالموضوع ؟

واشكر كل الي ردواعلي

والله يوفقكم

__________________________________________________ __________

عزيزتي صفحه وطويت لاتحاولي فتحها من جديد وإحمدي الله أنها وصلت لهذا الحد ولم تتجاوز الحدود.وحدوث مالا تحمد عقباه...مهما كانت المجتمعات الشرقية متفتحه لكن تضل البنت مثل الزجاج اي غبش او خدش يعيبها..وحذار من مصارحة زوج المستقبل على هذا الموضوع..لأن الله ستر هذا الشيء ومضى بستره..كوني حذره ولاتضفين شباب ع المسن حبيبتي..حتى من باب المساعده..