عنوان الموضوع : هل ارتبط بزوج معدد او مطلق أو أرمل أو ارفض موضوع الزواج قطعيا
مقدم من طرف منتديات نساء الجزائر

هل ارتبط بزوج معدد او مطلق أو أرمل أو ارفض موضوع الزواج قطعيا



بدون أي مقدمات

لما كنت صغيرة تعرضت لمرض بالرأس
استمر معي مدة بعد العلاج والعمليات اللهم لك الحمد تعافيت
تعبت عندي خلايا الشعر بشكل قوي واضطريت أني ألبس باروكه
اللهم لك الحمد أنا في تمام رضاي للقدر اللي صار لي
الحمدلله راح مني الشعر لكن أنا أهون من غيري وعوضني ربي سبحانه جمال وجسم وأخلاق كل ماأجلس بمجلس أمدح فيه وكل صديقاتي وقريباتي حاطني من القائمه الاوله بالجمال

مو هذي مشكلتي
مشكلتي مع موضوع الزواج
تقدم لخطبتي شخصين ورفضت أول ماعرفت عن الخبر واحتجيت لأهلي بموضوع الدراسه والجامعه وأني ماأقدر أجمع بينهم نهائيا

والعذر اللي أنا أتهرب منه وأهلي مو دارين عنه وأول مره أفتح هالموضوع بحياتي

أنه ماأبي أرتبط بشخص سليم ومو ناقصه شيء من حقه يرتبط بإنسانه مثله

موضوع الباروكه اللي يشوفني مستحيل يصدق أنه باروكه لدرجة تعرفت على بنات بالجامعه ولا عرفوا عن شعري أنه باروكه لحد قلت لهم حدود سنه واكثر

بتقولون أنه ماراح أحد يتقدم لك إلا عارف وضعك
صح أنه اللي بيتقدم لي بيفهم كل شيء لكن لو الباروكه اللي ألبسها واضحه
أنها باروكه صح ماأقول شيء
لكن ماوووووووضح أبد أبد أبد والناس يشوفني ولا بين لهم الموضوع
لكن لما أشيل الباروكه وضعي صعب بالمررررررررا .. يعني تشوه واضح بكثيرررر وبالوضع هذا مايشوفني إلا أمي وأبوي و
أخواتي وأخواني حتى قرايبي مايشوفون
يعني الناس مو دارين عن التشوه اللي داخل الباروكه

حتى أذكر فيه موضوع تكلم فيه أبوي عن الخطبة وقالي لو تقدم لك الزوج المناسب مايمنع أنك تشلين الباروكه
عشان مانخدعه ونكون على بينه من الاول

أناكلي تفكيري الآن أنه أرتبط
بزوج يامعدد ولا مطلق ولا أرمل مع العلم
أنه عمري 22 وقريب أكمل دراستي ماجستير
بس شاب مافيه شيء هذي صعبه لي جدا جدا
وماأدري كيف أوصل للموضوع لأبوي
مع العلم أنه حنا عائل من الطبقات الأولى
وماراح يوافق أبوي على هالأمر بتاتا

ماأدري وش أسوي .....
أشيروا علي




اعتذر عن الإطاله

>>>>> ردود الأعضـــــــــــــــــــاء على الموضوع <<<<<
==================================


اختي اذا تقولين انك جميله جدا ( جمال وجسم ) واذا الباروكه صارت جزء منك صدقيني مافي شي يمنع انك تتزوجين شاب ماينقصه شي وانتي ولله الحمد مو ناقصك شي جمال وتعليم نصيحتي اتزوجي بشخص مناسب يكون لك انتي ما تكوني الزوجه الثانيه او الثالثه

تحياتي


__________________________________________________ __________


يآروحـي آنتي ترا موضوعج سهل ماهوب صعب انتي بس موسوسه

مافيييج غير العافيييه الحمدلله رب العالميييين .. غير موضوع البآروكه انا ماشوف فيها شي دام لج آخلآق زينه ودينج والحمدلله امبين عليييج خووش بنية وعآقله .. انا ماشوف فيها شي صراحه إذا لهدرجه ( الباروكه ) مسويت لج آزمه ياروحي سوي ( زراعه شعر ) ياكثر اللي يسوونهآ .. وإذا ع التشووه هونيهآ وتهوون والله ماشوف فيها شي ماهوب عيب ولا بطيخ الحمدلله فيج الصحه والعافيه هاي اهم شي

وبعدين على اللي يخطبونج انتي صارحيهم لو تبين عاادي واللي يبيج حيآه الله واللي مايبيج اللي جابه جاب غييييييره .. وبعدين الرجل مايبي غييير حرمة سنعه تحترمه تقدره وتقوم بواجبه ماراح توقف ع الباروكه او التشووه !

آمورج طيبه وسهآلات هونيها حبيبت قلبي .. استخيري ياروحي ولا تحاتيييين واجد

اللي يتقدم لج وتحسين انه اخلاق دين وبترتاحييين له توكلي ع الله


__________________________________________________ __________

اول حاجة :: هل استشرتي دكتور او عيادة متخصصة عن زراعه الشعر ,, واذا انتي موظفة او احد من اهلك ظروفة المادية تسمح ,, ياخذ لك قرض وتعالجين مشكلة شعرك ,, لان مشكلتك لها حل باذن الله ومو مبرر لرفضك الزواج
الحاجة الثانية :: اذا جاكم من ترضون خلقة ودينه فعليك بالاستخارة واكيييد المصارحة بمشكلتك ,, يمكن يكون هو اللي يعينك ويحلها لك بعد الله ,, وترى الزواج من رجل مطلق او ارمل او متزوج جدا صعب وموبالسهولة اللي انتي متخيلتها ,, ويمكن يقعد يقارن بينك وبين زوجته الاولية وبتتعذبي كثييير ,, ولازم تدخلين الزواج وانتي واثقة من نفسك ولاتحسين بانك ناقصة او اقل منه بشي ,, ترى الدعوة كلها شعر لو كنتي عمياء او بكماء او مشلولة لاسمح الله وش بتسوين بعمرك ,, الحمدلله انتي تامه الخلقة وانسانه مثقفة وواعية والله يرزقك بواحد يقدرك ويحبك لذاتك مو لشكلك وتراك توك صغيرة والعمر قدامك .,, بس انتي تلاحقي عمرك قبل لافوت الفوت ويطوفك قطار الزواج
وربي يرزقني واياك الزوج الصالح عاجلا غير اجل


__________________________________________________ __________

الله يوفقك ويرزقك باابن الحلال الي يستاهلك لا تشيلين هم ياقلبي ووافقي ونصيحه اذا جاك شاب ارضي فيه وصارحيه بوضعك والله يقدم لك الخير ان شاالله..


__________________________________________________ __________

مشكلتك مو صعبه سوي زراعة شعر وهذي سهله كثير

الله عطاك الجمال والاخلاق وكثير يبون ها الشي واعرف وحده بدون شعر لكن جميله جدا وانخطبت لشخص شاب ووظيفه حلوه وهو يعلم بها ومع ذلك يبيها لانها جميله جدا ..

انا معك انه صعب يشوفك زوجك بدون شعر لكن علموه قبل الزواج ومو لازم يشوفك بدون باروكه لكن يكون عنده علم بذالك ..

استانسي حبيبتي الله عطاك الجمال والجسم وبا النسبه للشعر البنات الحين يلبسون الباروكه دايم وهذا حرام
لكن انت الله اجاز لك تلبسينها لا تحزنين افرحي وانبسطي انك مرغوبه والكل يحبك ويبيك

دعواتي لك ..