عنوان الموضوع : قلتله طــلقني....قالي مستعجله على رزقكــ -تم الاجابة
مقدم من طرف منتديات نساء الجزائر

قلتله طــلقني....قالي مستعجله على رزقكــ



السلام عليكم ورحمة الله

اولا احب اشكركم اخواتي الكرام كلكم على الوقفه والمساعده الي وقفتوها معايه
وكل واحده نصحتني ربنا يخليها ويوفقها يارب
والله رفعتو معنوياتي كتير
انا بعتبر الفترة الي بعشها دي اصعب ايام حياتي كأنها كابوس
طبعا دا الموضوع التالت ليه وانا قلت خليني اقولكم تفاصيل مشكلتي اول باول
والله ثم والله مالي غير بنا ثم انتو افضفض معاكم
بحس اني برتاح لما اكتب لكم

طبعا انا الي عملت المواضيع دي بالترتيب

هل استــمــر مع رجــل لايحبني؟؟


ثم


انا في مصييييبة الحقووني جوزي قلي....!!


دلوقتي حقولكم حصل ايه تاني واسفة لو طولت
طبعا اختفى بعد الكلام الي حصل بيني وبينه قدام اهلي
وجاه النهارده يغير هدومه دخل البيت قال السلام عليكم
رديت عليه
دخل اوضة النوم خد ملابسه وغير وجاه يلعب مع العيال
وماكلمنيش ولا كلمة
قلتله انت امتى حطلقني
راح باصصلي كدا وبص في العيال وقلهم روحو العبو في اوضتكم
بعدين قالي انتي مش طبيعيه على فكره
قلتله اه طبعا
انت الي طبيعي
يارتني كنت طبيعه زيك من زمان
وكنت اتعرفت على واحد من 9 سنين واتجوزته السنه دي
قام وقف كدى واول مرة اشوفه عصبي ورفع صوته وقالي وقسما بالله لو ماحترمتي نفسك لكنت اخلي يومك اسود النهارده والخبطلك وشك اكتر مهو ملخبط ياقليلة الادب يلي ماتربتيش
قلتله طلقني
وبدات اصرخ طلقني طلقني انا مش طيقاك
قالي ولا انا ياروح امك مش طايقك
انا كنت ساكت مراعاه لشعورك
لكن طالما انتي قتحتي الموضوع خليني اقولك
ايوه ياستي حطلقك ومش طايقك وطلقتك مره واتحيلتي عليه ارجعك وحزنت عليكي ورجعتك
وكنت بقول خلاص ليه اطلقها هيه مالهاش ذنب
لكن مش طايقك
اه مش طايقك وبتمنى كل لحظه وكل ثانيه تطلبي الطلاق انتي عشان ماظلمكيش انا وتجي مني
واهو انتي طلبتيه
وانا حاضر ليكي
بس باقي 4 ايام واسافر خليني اقعدهم مع العيال واخر يوم اطلقك
مستعجله على رزقك
وانا انهرت من البكا ماقدرتش اسمع الكلام القاسي دا
قعدت اعيط من قلبييي ماقدرتش اوقف
قلتله عملتلك ايه عشان تقولي كدا وتكرهني كدا
حسبي الله ونعم الوكيل
قالي لا بصي انتي الي غلطتي في الكلام وانا كنت ناوي اطلقك بدون مايكون في بينا مشاكل ولا عاداء انتي الي طولتي لسانك عيب كدا
احنا بينا عيال
المهم شويه كدا انا كنت نازله اعيط في الارض

قام عمل حركة غريبة جدا كنت حموت منها
قعد جنبي ورفعني من الارض وقعدني جنبه ولقيت في عينه دموع وقالي سامحيني
انا كنت جتجنن
قالي سامحيني ع الكلام الي قلته انتي فقدتيني اعصابي
انا حطلقك خلاص بس مش عايزك تكرهي ولادي فيه
وخلي علاقتنا مع بعض طيبه
واقعدي هنا في البيت دا مع الولاد
وكل طلباتكم مجابه مش حبخل عليكم في اي حاجه
وحتصل كل يومين ع الولاد اطمن عليهم
وحجي اشوفهم كل اجازه شهرين
قلتله وطبعا حتكون هيه معاك
بصلي كدا وقالي خلاص انسيني انا وهيه وعيشي لولادك
ولو عاوزه تتجوزي اعطيني الولاد انا اتكفل بيهم
قلتله فيك الخير ياطيب
راح خد بعضه وقف عند الباب وقالي
انتي طااالق

يااااااااااه احساس فظيع
بس خلاص انا حسيت اني مش عبده ذليله لاي حد
حسيت اني بقيت انسانه عندي كرامه
ومن بكره حغير في نفسي وانسى كل حاجه واعيش لولادي
بس نفسي احج او اعمل عمره محتاجه اروح مكه
ادعوولي ربنا يكتبهالي
عارفه اني طولت عليكم بس امانه عليكم ادعولي

ادعولي ربنا يخرج البني ادم دا من حياتي
مش عارفه ليه بشوفه ملاك على كل الي بيعملو فيه
ساعات بحس اني مريضه
وساعات بحس ان ماعنديش كرامه
ويمكن انا حبته حب واخلصت في الحب دا ودا كان جزائي

>>>>> ردود الأعضـــــــــــــــــــاء على الموضوع <<<<<
==================================


ررررررررررفع


__________________________________________________ __________

يا حبيبتي

الله يكتبلك روحه لمكه قريبا

وخلااااااااص شيليه من راسك خليك عيشي لنفسك واولادك

اكثري من الاستغفااااااااااااااااااااار الاستغفاااااااااااااااااااااار

الله يفرج همك وهم كل مسلم

دعواتك لي


__________________________________________________ __________

الله يصبرك ويعطيك الي قلبك يبية


__________________________________________________ __________

حيااااااااتي والله بكيتيني.... هذا انسان ما يسوى ظفر رجلك...الله لا يوفقه الخااااين الكذاااب..الله يوريه يوووم اسود هو والعقربة الي معااه..الان انتي صرتي حرة طليقة...واتمنى الله يرسلك ابن الحلال الي رح يعوضك ايامك الي راحت مع هذا الخاين...لا تياءسي ابدا...وطمنينا عليك


__________________________________________________ __________

الله يوفقس ويسسعدس ويخليلس عيالسس
وان ششاء الله تروحي مكككه ي رب