عنوان الموضوع : هل تقدري تتخلي بسهوله عن انسان حبيتيه 5 سنين ؟؟!!!!!!
مقدم من طرف منتديات نساء الجزائر

هل تقدري تتخلي بسهوله عن انسان حبيتيه 5 سنين ؟؟!!!!!!



السلام عليكم ورجمة الله وبركاتو

اخواتي في منتديات نساء الجزائر عندي مشكله اتمنى تساعدوني الاقي حل لها لاني احس انها دمرت نفسيتي

الموضوع هوا اني حبيت شخص من لما كان عمري 16 والين دحين بحبو مرت علينا قريب 5 سنين واحنا مع بعض وكل يوم حبنا بيزيد اكتر من اول

المشكله انو اهل دا الانسان يكرهو اهلي مع اننا قرايب يعني ام حبيبي تسير خالة امي لكنها تكره امي وتكرهنا ليش ؟؟ الله اعلم مني عارفه السبب الين دحين تقول عننا بنات دلوعات مانعرف نطبخ والناس يحرشوها اننا تكرهنا بدون سبب مقنع احنا الحمد لله سمعتنا جيده ومافيها شي الا انو بابا كبير في السن وتعبان شويا فيوم يشتغل ويوم لا ماادري هدا السبب الي مخليها تكرهنا

المهم سبحان الله القدر ماادري كيف خلاني احبو واحنا اهلنا كيف مع بعض

انا احبو لدرجة اني ابغى اعيش معاه حياتي ابغى يكون زوجي وهوا كمان يحبني حب جنوني ومتمسك بيا ويبغاني اكون حلالو لكن المشكله في امو اكتشفت انو ولدها يحبني بعد مرور سنتين وطبعا قامت المشاكل والناس اكلوني وطلعوا قد ايش كلام عني وسخو سمعتي مع انا وربي يشهد علياعمري ماسويت اثم معاه

اصلا ماكان عندهم دليل واضح انو بيننا شي لكن بسبب اني مره مريتفي الصاله واهوا ولمحني قالو دا الكلام

والي خربها زياده انهم حلفو ولدهم بالقران وسالوه انو يكلمني ولا لا قال اني اكلمها وبكدا انا نفضحت بسببو وكمان بسبب اخوه الي كان عارف كل شي وبسببي انا كمان لاني اتهورت وفكرت اشوفو وهوا معدي من جنبي

بس المشاكل ماانهت الحب الي بيننا صح اني بكيت وتالمت من جروح الناس واتهاماتهم بس احنا لسه بنحب بعض وهوا لسه متمسك فيا

انا عمري 20 وهوا عمرو 21 ويدرس في الكليه قلي انو بعد سنتين يخلص من الكليه ويتوظف ويجي يخطبني

مشكلتي اني مني عارفه استناه ولا لا ؟ انا عارفه انو امو تكرهني ومستحيل ترضى بيا بس هوا قال انو حيقنعها وحيسوي المستحيل عشان ياخدني
بس انا لاني قعدت معاه 4 سنين اعرفو كيف هوا من النوع الي يخاف من اهلو ويحترم اهلو يعني بمعنى اصح جبان قدام اهلو !! يعني اذا يبغى يوم يسافر ولا شي لازم يستاذن اهلو اذا قالولو لا خلاص مابيطلع يحب يسمع كلام امو وابوه ودا الشي الي مخوفني

طيب هوا وعدني انو حيسوي المستحيل عشان ياخدني كيف حيقدر يعاند اهلو وياخدني وانا اعرف ضعفو قدام اهلو لما اقولو كدا يزعل ويقولي صح اني انا اسمع كلام اهلي باشياء كتيره بس في شي كبير يتعلق بمستقبلي وحياتي اهلي مايقدرو يغصبوني على وحده غيرك هدي حياتي وانا احبك وابغاكي واهلي مالهم شغل فيا

طول الوقت يقولي كدا

انا حيراااااانه مني عارفه استناه قد ايش يعني قولو عبال مايتوظف مرت 3 سنين وعبال ماامو توافق قدها مرت 5 سنين ويمكن توافق ويمكن لا والعمر بيجري وامي انا انسانه حنونه تعرف اني احبو وماعندها مانع اننا نناسبهم عشان سعادتي بس خايفه انو في النهايه مايقدر ياخدني

يعني انا دحين في ناس كويسين بيقدمولي برفضهم بسببو لاني مني قادره اتخيل اني حكون مع شخص غيرو انا احبو موت وهوا مافي زيو في الدنيا كلها

نفسيتي مره تعبانه مني عارفه استناه ولا اشوف نصيبي انا اخاف استناه وفي النهايه وبعد طول انتظار مايكون ليا ووقتها سار عمري 25 ولا اكتر ويمكن مافي احد حيتقدملي خصوصا انو عائلتنا بسيطه ومانعرف ناس كتيرين

واخاف لو من دحين تركتو واخترت انسان تاني حفضل طول عمري اعيش متعذبه وقلبي مع حبيبي انا ماابغى اظلم انسان واتزوجو وبنفس الوقت قلبي يكون مع انسان تاني ماابغى اكون كدا واخاف لو تركتو اندم لاني من جد لما اتخيل انو مع وحده تانيه غيري احس اني حموووت مااقدر اتخيل انو يكون لوحده غيري اصلا لو مر 3 او اربعه ايام ماسمعت صوتو احس بضيق واكتئاب واقعد ابكي متعوده عليه مره هوا دنيتي كلها احبو اكتر من اهلي

وهوا كمان يحبني موت ويغار عليا وهوا انسان حنون مره وحساس وقلبو كبير حتى احيانا لما اقولو اني ماابغى اكمل معاه مافي فايده من حبنا ماحنكون لبعض خلينا نفترق يبكي !! والله يبكي احيانا ويقولي انا حسوي المستحيل عشانك وحتشوفي بس اعطيني فرصه استنيني وانا اوعدك اني حكون معاكي مع انو مهو انسان ضعيف لكنو في الحب ضعيف هوا انسان معروف في عائلتنا باخلاقو وادبو تعاملو ورجولتو من هوا صغير ماعمري شفتو بكي الا لما مات جدو ومره لما الغيت شريحتي وقولتلو اني حتركو يعني لاتحسبوه مهو رجل هوا رجل بمعنى الكلمه وكل سنه بيحبني اكتر ويعشقني اكتر حتى دايما لما يناديني مايناديني باسمي يقولي ياملاكي كل سنه تمر بيكبر حبنا اكتر واكتر وبنتعلق ببعض اكتر

5 سنين مهي قليله وانا عمري ماحقدر انسى ذكرياتي معاه علاقتنا كانت بريئه والحمد لله يعني مجرد يشوفني يلمس يدي يلمس شعري احيانا يحضني و بس هدا غير اني كنت اشوفو مره او مرتين بالسنه وربي يشهد عليا لانو من مدينه وانا من مدينه فما نقدر نشوف بعض كتير لكنو مخلص ليا وبرغم انو بعيد عني قلبو عندي وعمرو مافكر بوحده غيري وهوا انسان اخلاق ومحترم ويحافظ على دينو انسان رائع رائع رااائع

مااقدر تخيل نفسي مع انسان غيرو وبنفس الوقت خايفه استناه واخسر كل شي في النهايه

يعني انا محتاره اكمل معاه وارضى اعيش مع الناس الي اكرههم عشانو هوا وعشان حبنا

ولا احاول انساه واشوف حياتي بس كيف انساه كيف ؟ مافي طريقه الا وجربتها اقفل جوالي اغير شريحتي برضو ارجع احن تاني وانا متاكده انو مافي انسان حيعاملني ويحبني ويسعدني زيو

يااخواتي انا ماابغاكم تساعدوني ابغاكم تحطو نفسكم مكاني

كل وحده تحط نفسها مكاني وتقولي ايش حتسوي لو كانت مكاني

وشكرا لكم

>>>>> ردود الأعضـــــــــــــــــــاء على الموضوع <<<<<
==================================


واضح من كلامك انك تحبيه كثير وطالما انه يحبك لا تتركيه بصراحة انا لو كنت مكانك ما اتخلى عنه بها السهولة
حبيبتي مو كل يوم بتلاقي انسان يحبك بصدق ممكن اذا تركتيه وتزوجتي من واحد ثاني مش راح تلاقي الحب معاه وراح تندمي طول عمرك لأنك فرطتي في حب حياتك
والله يقربك بينكم ويجمعكم ويكتب بينكم النصيب


__________________________________________________ __________

ازا بحبك خليه يخطبك وبعد ما يخلص بتتزوجو وشو بدك بأهلو ازا بحبك زي ما بتحكي مارح يسأل فيهم
وأنا عن تجربه بحكيلك أكيد أزا اتزوجتو أهلو رح ينكدو عليكم بس بدك اطنشي ازا بتحبي واعملي استخاره ابل كل شي


__________________________________________________ __________

حبيبتي انا مع راي الاخوات الانسان مو كل يوم بيلاقي الحب و لازم اذا لقينا الانسان اللي نحبو و يستاهل هدا الحب نمسك فيه بادينا و اسنانا و خليه يجي يخطبك و اهلو مع الوقت راح يوافقو بالاخير بظن انو بيهمهم سعادتو قبل كل شيء.
الله يجعلو من نصيبك و يجمعكم مع بعض في الحلال و ادعيلي الله يجمعني باللي بحب في الحلال عاجلا و ليس اجلا اللهم امين.


__________________________________________________ __________

انتي يا حبيبتي أول شيء تعمليه صلي صلاة الاستخارة واستشيري ربك وأنا لو كنت مكانك مستحيلأخليه وأتركه لا تتركيه لأنك تحبيه وهو انسان أكثر من رائع و يحبك كثير ولا تقولي أنه انسان ضعيف أمام أهله لأن الحب يصنع المعجزات
وأنتي قوليله أن يتحدث مع أمه بهدوء و يقنعها بأنكي انسانة رائعة و أنه لن يجد السعادة الا معك و يقول له أنه لن يتزوج من واحدة غيرك وادا هي لم ترضى بعلاقتكما فسيبقى وحيدا طول حيته لكن يتحدث معاه بهدوء وحزم في نفس الوقت
وهي أكيد بتحب ولدها وما ترضى انو يكون وحيد أبدا و قوليلو يقلها انو حرام ما تحكي الأقارب مع بعضها و أنه تفتح صفحة جديدة مع أمك
والله يوفقك وأرج أن أكون أفدتك


__________________________________________________ __________

يا اختي انتو لسا صغار ع التفكير بالذات حبيبك لا تلوميه والزمن راح يثبتلك صدق نيته وهو لسى فالبدايه وان شاءالله يكون من نصيبك ويوفقك ومالك دخل باهله مصيرهم يرضو

اختك آم آلحلوين