عنوان الموضوع : هل استــمــر مع رجــل لايحبني؟؟ الطبيب يجيب
مقدم من طرف منتديات نساء الجزائر

هل استــمــر مع رجــل لايحبني؟؟



انا متزوجة من 10 سنوات ولدي ولدان
مشكلتي اني عمري ماحسيت ان زوجي يحبيني هو فعلا مابيحبنيش مع اني بعشقة بجنون
تصرفاته بارده معاية جدا عادي اغيب عنده يومين تلاتة او حتى سنه
مابسمعش منه اي كلام حلو عمره ماقلي بحبك او واحشتيني
اول سنة في جوازنا كان شخص عادي جدا معايه كأي زوج يحب بيته وفرحان بجوازه
بس بعد كدى اتغير جدا مع اول انجب طفل ليه ودايما بقت بتحصل بينا مشاكل على اتفه الاسباب
ماقدرش ادخل في خصوصياته ولا اقوله انت رايح فين حتجي امتى متتأخرش
انا مش بقولكم انه قاسي معايه او مش كويس
لابلعكس عمره مااهاني ولاحتى بكلمه ولا فعل
بس حقولكم صبرت على جفاة كتير لدرجه اني مش قدرة اتحمل
هو بيشتغل برة مصر في بلد تاني وبقاله سنتين ماشفنيش وكل اربع ايام يتصل يطمن على الولاد ويكلمهم وكلامه معايه بارد قووي
ومن كم يوم رجع من السفر تخيلو الصدمة ياجماعه لما جيت احضنه بعد فراق سنتين حسيت اني بحضن اخويه حضن بارد قوي وكانه بيقولي انا مغضوب عليكي
انا مش طايقك اي حاجه من دول
وطول الوقت قاعد مع صحابه والاولاد ومابيكلمنيش الا في الحاجات الضروريه
وطول وقته ساكت
بس الصدمة الي اكبر اني سمعت ان متجوز في البلد الي راح فيها
ولما سألته انر الشيء دا وقالي ماحصلش
وقلتله احلف بالمصحف
قالي انا مش خايف منك لو عايز اتجوز دا حقي راح اقولك
وسألت اخته قالتي لا مش متجوز بس ماصدقتش كلامها لاني حسيت انها مخبيه حاجه
اول حاجه قالت لامش متجوز
لما جبتلها المصحف خافت واترددت وقالت لا ماعرفش عنه حاجه اسأليه هو
اتأكدت وقتها انه متجوز بس مش عايز يطلقني عشان يصرف عليه ومايبعزقش ولاده ويشردهم
مخليني صزي الشفقة منه وكانه بيقولي اطلبي الطلاق وانا حاضر

على فكرة هو من سنة ونص طلقني في التلفون بسبب مشكلة هايفة وقالي يابنت الناس لانتي فاهماني ولا انا قادر افهمك واحنا مش متفقين وشوفي نصيبك
وانتي طالق
انا زعلت وبكيت واترجيتو كتير يرجعني ووسطت اهله واخته وابوه
حتى رجعني تاني على ذمته
ودلوقتي جاه من السفر ولاحتى قالي واحشتيني ولا قالي اسف على سوء الفهم ولما بمسك ايده بيبعدها عني بطريقة مؤدبه بس انا بلاحظها وبحسها

قبل مايسافر بسنة واكتر ماعملش معايه العلاقة الزوجيه خالص
يعني بقالنا 3 سنوات هو مالمسنيش وحتى لما كان بيعملها احس كأنه مجبر
انه يعملها عايز يخلص وخلاص
مش عارفه ايه السبب تعبت كتير وبكيت كتير وانا دلوقتي بستنى يقولي انه متجوز عشان اقوله طلقني
اصلي مش ممكن اقبل الوضع دا لا بيحبني وكمان متجوز تانيه
لا انا كدا بقيت ماعنديش كرامه حقيقي

انا عارفه لو اطلقت حيفضل يبعتلي انا والاولاد مصرف ومش حيخرجني من الشقة ومش ممكن يعمل اي حاجه تاذيني لانه هو اخلاقة كويسة جدا جدا
ومش ممكن يقبل يشرد ولاده او ياذيني بس انا حاسة نفسي اني فارضة نفسي عليه
والله ياجماعه انصدمت من استقباله ليه بعد غياب سنتين
كأنه لسه شايفني الصبح ماقليش ملابسك جميلة ماقليش شعرك حلو مكياجك
ولا حاجه ولا بغريه في اي حاجه
مش عارفه يابنات اعمل ايه
هل احفظ كرمتي واطلب الطلاق وانا متأكدى انه بينتظر مني الكلمة دي
ولا اكمل حتى لو كان متجوز
بس مش متخيله ابدا اني اعيش بالشكل دا
دا غير ان نفسيتي بقت زفت وانا حاسه اني فارضه نفسي عليه فرض

معقول اتجوز
اتجوز ازاي اذا كان هو ماعندوش الرغبه الزوجيه
ولا هو كان بتهرب مني بالكلمة دي وبيقول مالوش رغبة
مالوش رغبه معايه
قد كدى مش طايقني
عنده استعداد مع غيري وانا لا...
مع اني بهتم بنفسي جدا

في ناس بيقولولي انه في دماغه واحده ودا السبب
وفي ناس بيقولي دا عين او سحر وصابكم
مش عارفه في ايه؟؟


قولولي اطلب الطلاق..
ولا دا عادي بيحصل مع ستات كتير
ولا ايه المشكلة ولا في ايه انا تعبت

>>>>> ردود الأعضـــــــــــــــــــاء على الموضوع <<<<<
==================================


انتظر ردودكم


__________________________________________________ __________

نعم ي اختي الكريمه
الحريم على افى من يشيل < بلغتكم
امسكي بيتك وحافضي عليه
دام انه لا يخونك ولا مذيك المحبه من عند ربنا
اصبري واكثري من الدعاء وربك بيحلها


__________________________________________________ __________

اصبري فان الله مع الصابرين
حاولي تفهمي منه ليش هذي الاشيا يعملها
مثل عدم الإحساس بيك وتوضحي له حبك الزائد له
وانك تبغي يكون سعيد بحياتو حاولي تجنني بحبك
يعني تكوني جريئة اكثر يعني اذا تبغي شي انتي تقربي منه
حتي لو نسي حبك يرجع لك تاني ويحبك اكثرمن الدعاءو الاستغفار
الله يقربكم من بعض ويبعد عنكم الشر


__________________________________________________ __________

اصبري يمكن متزوج و يمكن لا زوجي معاي و ما يعمل اي علاقة عايشين اخوات و صابرة لله اما الى متى الصبر لا اعرف هو طيب وكريم و هدا اللي مصبرني بس الحياة معه مملة انا مثلك و متحملة


__________________________________________________ __________

لا حول ولا وقوة الا بالله انا شايفة انه وجوده بحياتك زي عدمه يعني اذا اتطلقتي ما راح ترتاحي وزي ما بحكوا ظل راجل ولا ظل حيطة حافظي على بيتك وان شاء الله ربنا يهديه ويرجعلك وتعيشي حياتك معه بسعادة حاولي تعرفي منه ليش متغير وبعاملك هيك