عنوان الموضوع : مشكلتي لخيانتي لزوجي الطبيب يجيب
مقدم من طرف منتديات نساء الجزائر

مشكلتي لخيانتي لزوجي



بسم الله الرحمن الرحيم

السلام وعليكم ورحمة الله وبركاته ..

اول شي بقول لكم قصتي من البداية وبحاول اختصر عليكم الموضوع
تزوجت وعمري 17 سنه والحين مضى من عمري 25 سنه وماعندي الا ولد واحد ومضى من عمره 8 سنوات والله يخليه لي وبعد ماحملت بولدي وكان مضى من عمره سنتين حملت وبعد شهر ونص اسقطت الحمل وبعد ست شهور حملت مرة ثانية وبعد شهر ونص اسقطت الحمل مرة اخرى واصابتني حالة نفسية وكان الشيطان يلعب بعقلي لمدة خمس سنوات كنت افكر اني انجب باي طريقة حتى لو من غير زوجي ومرة على قترة وتعرفت على شباب وصرت اكلمهم بغياب زوجي وكان كلي هدفي انسى اتسلى وانسى اللي انا فيه من كثر مانفسيتي اتعبت حتى اهملت ولدي بسببهم وهالفترة اللي تعرفت عليها على شباب كانت احلى ايام حياتي وكانت كلها وناسة وحتى ماكنت ابي اطلع واروح حق اهلي كنت بس ابي اكلمهم وفي واحد من الشباب اللي كنت اكلمهم عرف اني متزوجة وكان يقول لي هذا احسن شي وكان يعرف قصتي وكان كله يقولي ابي اجوفج وابي اطلع وياج وكان يقولي كلام حلو وكان يقولي انا اقدر اخليج تحملين ومن غير محد يدري ودشت الفكرة فبالي ويوم من الايام طلعت معاه ورحت شقة وكان يبي ينام معاي وكان زوجي في هذا اليوم فالشغل وكان حاس اني فيني شي وكان كله يتصل ويتصل وانا خفت ومن الخوف كنت بس ابي ارجع البيت والحمدلله انه ماصار شي بينا ومرة فترة على هالحالة اني بس اكلم شباب على التلفون ويوم من الايام كنت ناوية اطلع فاللي من وقت متاخر مع شاب فنفس اليوم الصبح كنت مطمنى انه زوجي فالشغل وكنت حاطة التلفون الثاني اللي محد يدري عنه على الشاحن وخرجت من الحجرة وخليت التلفون فالحجرة وفجاة جاء زوجي ودخل الحجرة وانا متفاجئ انه زوجي جاء الى البيت وكشف التلفون وشاف صوري وانا اشلون اصور وجاف صورتي مع واحد وهذا الواحد جاء الى البيت فالليل وتصورت معه واهو حاضني وبعد ماشاف الصور طار عقله وضربني ضرب وقال لي كيف هذا ومتى وشلون وانا وين كنت كنتي تخونيني وانا عمري ماقصرت وياج وبداء يشك فيني على ابسط الامور ومرة على هالحالة اشهور والحين انا تبت والله الحمد وحتى كنت ابي انتحر من كثرة التفكير والحمدلله اني مازنيت وماسويت شي اكبر بس انا الحين احتقر نفسي اشلون قدرت اسوي كل هذا بس الشيطان كان شاطر والحين وبعدين رحت عمرة ومن بعدها رحت سافرت عشان اعالج انا وزوجي والحين ان شاء الله اروح الحج عشان الله يغفرلي كل ذنوبي وانه يعطيني الذرية الصالحة وانصح كل بنت وكل زوجة انها ماتمر باللي انا مريته فحياتي وانها مهمى صار لها انها تدعي لربها وتستغفره ولا تروح لطريج الحرام لانه اهم شي الستر وانه الله يكون راضي علينا وانا ابيكم الحين تقولولي شسوي وتنصحوني واسمحولي على هالازعاج واتمنى انكم توقفون وياي
مع السلامة

>>>>> ردود الأعضـــــــــــــــــــاء على الموضوع <<<<<
==================================


حبيبتي رب العالمين يبيلك الهداية والصلاح ياقلبي


يمكن الوالدين يدعون لك وراضين عليك

يمكن تكوني سويتي شي زين وكبييييييير في حياتك


الله اعلم

بس في كل مره يصير شي والحمد لله ماتسوين الكبيره

صحيح اللي سويتيه حرااام بس احمدي ربك مليون مره انك ماطحتي

في الكبيره ((الزنا)

ورب العالمين كبييير ورحيم شوفي اشلون حتى لمّا شاف زوجك صورتك ضربه لك


هو اللي صحّاك من غفلتك


حبيبتي بعد توبتك لله تعالى.. حطي زوجك في عيونك

واحمدي ربك انه ماطلقك

حبيبتي احمدي الله انه معك ولد غيرك يتمنوا حتى لو واحد


انتي ضعف ايمانك في البدايه خلى الشيطان ووساوسه يلقوالهم طريق لقلبك

وهذا اللي خلاك تضعفين وتسوين اللي سويتيه


لكن لو كانت علاقتك متينه بالله كان عرفتي انه ابتلاء من الله

وانك احسن من غيرك اللي ماخلفوا اصلا


الله يتقبل منك التوبه ويغفر لك ذنوبك ويسخر لك زوجك


ويحفظ ابنك ويهديه ويرزقك الذريه السليمه المعافاه والصالحه

وحجا مبرورا وسعيا مشكورا باذن الله تعالى ولا تنسينا من دعائك في الحج


__________________________________________________ __________

يعني بصراحه قصه تشيب شعر الرأس
من ابشع القصص الي قراتها
كيف بهونلك تخوني زوجك وفي بيتك
وبرا بيتك وعندك طفل ما فكرتي فيه
ما فكرتي بربك كيف رح اتقابليه
والمسكين زوجك حطيتيه في موقف
لا يحسد عليه بتعرفي انا توقعت انو يطلقك
على عملتك وزعلانه ليه بشك فيكي
من عملتك الي عملتها دخلتي الشك بقلبو
وان شاء الله تكوني توبتي توبه نصوحه
الله يهديكي يارب ويغفرلك
وحطي زوجك فوق راسك الي ما تركك
لانو شكلو ابن ناس وبحبك


__________________________________________________ __________

ايش الجرائة هذي احمدي ربك ان بس هذي ردت فعل زوجك بس انت كيف هانت نفسك وتخونين وفي بيتك بعد استغفر الله باي وجه رايحة تقابلين الخالق اتقي الله التزمي الاستغفار وعوضي زوجك وابنك السنوات الي راحت حرام عليك


__________________________________________________ __________

انتي كيف بتفكري هيك انا لو محل زوجك كان طلقتك عنجد مش عارفة شو احكيلك بس انتي حاولي تكسبي زوجك والله يهديك


__________________________________________________ __________

حياك الله اختي

من فينا بيكون معصوم من الاخطاء .

ومن تاب تاب الله عليه

وانتي ماشاء الله عليك استفدتي من اخطاءك

زوجك زين منه انه سامحك وخليك قد مسامحته لك ولا تكررين الخطا

رجعي ثقة زوجك فيك

وحج مبرور وسعي مشكور والله يتقبل توبتك وينولك مرادك ويرزقك الذريه الصالحه