خطيبي و طليقي الطبيب يجيب

[aksachli]

عنوان الموضوع : خطيبي و طليقي الطبيب يجيب
مقدم من طرف منتديات نساء الجزائر

خطيبي و طليقي



بسم الله الرحمن الرحيم


السلام عليكم بنات .. انا طرحت مشكلة طلاقي قبل .. بموضوع ( زوجي طلقني و بموت و ارجع له ) .. و الحمدلله البنات ما قصروا معاي ..
و الحين عندي مشكله ثانيه وو ما عرفت مين اقول له .. تكلمت مع صديقاتي بالموضوع و حبيت اخذ رايكم بعد ..
انا عمري 18 سنه .. تزوجت سنه و بعدين تطلقت .. ادرس بالجامعه .. طليقي يدرس معي بالجامعه و بعد طلاقي تقدم لي كثيرين بس انا كنت بعد اموت بطليقي و ما اتصور حياتي من غيره ..
دخلت بحاله ما يعلم فيها الا الله سبحانه و تعالى .. بس الحمدلله تعلمت وشلون اعيش حياتي عادي بعد اللي صار و كانت تجربه و انتهت ..
بعدها بفتره تقدم لي واحد .. آخر سنه له بالجامعه .. ( نفس الجامعه) .. و اتفقنا تكون خطبه لين ما يتخرج و يكون نفسه و انا بعد اتخرج (يعني الزواج بعد 3 سنين) ..
الحين انا وافقت على الخطيب اللي جالي .. و هو انسان رائع بكل معنى الكلمه ما شاء الله .. متدين جداً اكثر من طليقي و اكبر منه بـ 4 سنوات .. و يخاف ربه و كريم .. و فيه صفات حلوه كثيييره جداً .. و الحمدلله .. بس المشكله انه بارد .. و ما يحسسني انه يحبني .. يعني عادي .. حتى عيد ميلادي كان من يومين و ما عبرني .. بس عادي مشيتها و ماهي بمشكله يعني ..
بس انا من قبل العيد ما شفته .. حتى بالعيد ما جه بيتنا لانه كان مسافر مع اهله في مدينة ثانيه .. و حتى بالجامعه بعد ما انتهت اجازة العيد لنا الحين 4 ايام .. و يكلمني بالليل عادي بس ما يطلب يشوفني ..
امبارح انا بالجامعه اتصلت فيه مرتين و ما رد .. رجع اتصل فيني بعد ما رجعنا البيت و قال انه كان حاط تلفونه ع الصامت .. المهم في الليل لما اتصل فيني سألني ليش انا متضايقه .. قلت له (لما احد يعطي احد اهتمام و يلاقي ان مافي تبادل لهذا الاهتمام ما يتضايق ؟ ) قال لي ( لا ما يتضايق .. يوقف اهتمامه و ينسى الموضوع) .. تضايقت مرررره و ما فهمت وش يقصد .. سكتت بعدين قال لي ( عامل الناس كما تحب ان تعامل .. اذا احد عاملك كذا معناها هو يبي انك تعاملينه بهذي الطريقه) .. يعني ما يبيني اهتم فيه و اتصل فيه و كذا .. مع اني اصلا ما اتصل فيه كثير .. و حاولت ما اكبر المشكله و ما ناقشته .. مشيتها عادي و خلصنا المكالمه و قفلنا ..
نرجع لطليقي ..
نا كنت احب طليقي بجنووون .. و حاولت كثيير ارجع له بس هو كان رافض .. و تزوج واحده ثانيه بس كل الناس يدرون انه ما يحبها .. حتى هو يقول لهم انه ما يحبها .. و هي كانت راميه نفسها عليه و هو بس كان يبي ينساني و تزوجها ..
و كان قاطع علاقته وياي .. و قبل ايام من موافقتي على خطيبي رجع يتعامل معاي مثل الاول .. و احسن .. و ما كان يدري بموضوع خطوبتي .. و انا متأكده انه ما درى .. صار يكلمني كثيييير .. و احتفل بعيدميلادي .. و جاب لي هديه .. و دايم يمازحني و يكلمني و يحكيلي عن كل شي مضايقه .. و هو و زوجته الحين منفصلين .. ما طلقها بس منفصلين .. هي ببيت اهلها و هو ببيت اهله .. و ما يسأل عنها و لا يحاكيها و لا اي شي ..
و انا ادري ان خطيبي احسن مليون مره من طليقي .. بس ما ادري احس اني ما افهم عليه .. و احس ان طليقي يحبني اكثر .. و يفهمني و افهمه اكثر .. و لما اكلمه احس اني بحن له .. و لما احس هالاحساس اتذكر خطيبي و استغفر و اقفل على طول ..
صديقاتي قالوا لي اني مو من المفروض اني ادي طليقي فرصه يكلمني عشان بتعتبر خيانه لخطيبي .. بس انا ما اقصد فيها شي .. هو يكلمني و انا ارد عادي يحكيلي ع اللي مضايقه و كذا ..
وش رايكم بنات ؟ في رايكم وش الغلط و وش اللي صح و وش اللي مفروض يصير و انا وش اسوي ؟ و وشلون اتعامل مع خطيبي .. و وشلون اتعامل مع طليقي ؟

>>>>> ردود الأعضـــــــــــــــــــاء على الموضوع <<<<<
==================================

هههههههه حلوه تخوني خطيبك بي واحد باعك وكمان تقولي ترجيته انووو يرجعني والله غبيه ماعندك كرامه اكيد

__________________________________________________ __________

شوفى حبيبتى من يوم ما تطلقتى ،،انقطعت كل العلاقات مع هذا الرجل ،،فلا يحق له ان يتصل بك ولا يكلمك ولا يخبرك بلـــ يضايقه ،،،

ولا يحق لكـــــ أن تردى عليه وتنصتى له ولمشــآكله ،،،انتو افترقتو وكل واحد يروح لحاله ليش ترجعى لنقطه الصفربعد ما انطلقتى وبديتى وبنيتى حياتك من جديد

هى تعتبر خيــآنه لخطيبك،،،واذا هو بنفس مكانك كان زعلتى واخذتى بخاطرك منه ،،،،،

انتى متضايقه من بروده فما بالك اذا خانك ،،،

اقطعى كل العلاقات مع طليقك واتركيه لزوجته وبيته يمكن مكالمته لك هى من تسبب له المشاكل بحياته مع زوجته

التفتى لنفسك ولخطيبك ،،،وكملى مشوارك وانسى كل شئ مضى

اخلصى النيه وسيتغير وضعك باذن الله

موفقه

__________________________________________________ __________

خطيبي وطليقي ؟؟؟؟؟؟؟؟؟انتي ايش موقفك تبغي الاثنيين اختاري واحد ياخطيبك ياطليقك اصلن تصرفاتك كلها غلط بغلط

__________________________________________________ __________

اختي جاسوسة القلوب .. شكراً على ردك و على نعتك لي بالغبيه و ان ما عندي كرامه .. مشكوووره و الله .. بس انتي اذا رجعتي للموضوع (زوجي طلقني و بموت و ارجعله) بتدرين اني انا اللي كنت غلطانه عليه مررررره و ان البنات هم اللي كانوا يقولون لي اعمل كذا و ما قصروا وياي ربي يجزاهم خير .. يعطيك العافيه


اختي بقايا امرأه .. يعطيك العافيه يا رب .. و اتصالاته فيني مالها علاقه بانفصاله عن زوجته .. هو حاول يأقلم نفسه وياها و ما قدر .. لانه اصلا ما حبها .. و من جد مشكوره و يعطيك العافيه قلبوو .. و ان شاء الله بقطع علاقتي فيه و اخلص النيه .. و ربي يعينني


اختي صمت الخيال .. مشكوره بس وش قصدك بتصرفاتي كلها غلط في غلط ما فهمت عليك



بعدين بنات ما رديتوا على مشكلة خطيبي و الموقف اللي صار وياه ؟ في رايكم وش يقصد ؟ و وشلون اتصرف معاه ؟ ازعل و لا آخذ الموضوع عادي و لا ايش ؟

__________________________________________________ __________

وعليكم السلام ورحمة الله وبركاته

حبيبتي.. انا ما اعرف انتِ من اي دوله عربيه ؟ ولكن واضح ان البلد الذي تعيشين فيه ،،الدراسه
فيه مختلطه وإلا كيف سمحت لكِ الظروف بمقابلة الشخصين!!

كل شيئ في حياتك ملخبط .. انتِ متشتتة الذهن ومن الأساس لم تنسي طليقك حتى
تعودي لتذكره الآن ، كل الذي حصل انه كانت هناك فترة ركود لمشاعرك وحينما رجع عادت اليك
نفس المشاعر والأحاسيس..
ومن الواضح ان طليقك لا يُفضل ان يكون شخص مرتبط بالمسؤليات سواء معاك او مع سواك
هو يريد علاقه حره لا يحكمها الزواج والتزاماته
لا تصدقي انه عاد اليك لأنه مرتاح لك او انه يحبك اكثر من سواك ، ولكنه الغرور، يرى فيك
انسانه ركضت خلفه كثيـــــــــــرا وجعلته يشعر انه فارس زمانه الذي ليس بعده فارس ، زوجته
اعتقد لم تبادله نفس الذي كان يعيشه معك لم تجعله يعيش اجواء الغطرسه ولذلك فقط هجرها
وليس لأنه لايحبها او يحبك اكثر !!
كيف تصدقي انه يحبك وهو من قرر فراقك الى الأبد!!

ندخل بالمفيد ... يُفترض بك الآن ان تفسخي هذه الخطبه ان كنتِ حقا لا تحملين لهذا الإنسان اي
مشاعر داخلك ، ففي هذا ظلم لكِ انتِ قبل ان تظلميه ، لا تجعلي هذا الزواج القادم وسيله لكي
تخرجي مما انتِ فيه حتى لا تعالجي الفشل السابق بفشل آخر
لو فشلتي في الزواج القادم صدقيني ستبنين لنفسك قوقعه اخرى من الحزن لن تخرجي من دائرتها
بسهوله

من ناحية الدين ان كنتِ تجهلين هذا الحكم ... شرعا علاقتك بهذا الطليق محرّمه ولا يجوز لكِ
مصاحبته ولا محادثته في غير حاجه ضروريه ، ولا يجوز لكِ الخلوه به
فكيف تسمحين له ان يكون صديقا لكِ وتمازحينه وتقبلين منه الهدايا ايضا،، وعلى اي اساس!!
وبعيدا عن الدين .. انتِ كأنثى اين كرامتك ! انسان رفض رفضا قاطعا وجودك في حياته
كيف تقبلتي عودته بهذه السهوله !!
كيـــــــــــــــــــــــف بالله عليك اجيبيني!!