عنوان الموضوع : اخو صديقتي حكى عن شرفي
مقدم من طرف منتديات نساء الجزائر

اخو صديقتي حكى عن شرفي



السلام عليكم ورحمة الله تعالى و بركاته

اخواني في الله هذي مشكلتي:

انا لي صديقه تصغرني بالسن انا عمري 24 وهي 18 سنه بس انا وهي زي الاخوات وامها وابوها بيوثقو فيني كتير حتى ما يخلوها تطلع الا معاي ويمكن ابوها يقولها مافي طلعه بس اذا انا جيت وقلتله بتطلع معي بيغير رايه وبيقول روحي لانو بيعرفو اني فتاة طيبه و بخاف ربي و عاقله و عيلتي ناس محترمين جدا و كل الجيران بيجزمو بهالشي

بس من فترة صديقتي صارلها مشكله مع اخوها بالبيت ظبطها تحكي مع شاب بالموبايل و هيك المهم سالفتهم طويله حب انه يقتلها قامت هي هربت من البيت وراحت نامت عند جيرانهم و خافت تجي لعندي لانو اكيد اخوها بيجي لعندنا ع البيت المهم رسلت مسج لابوها وطمنتهم انها عند فلانه و بالفعل كانت عندها قام اخوها قعد يسال وينها وهيك ابوه قاله هي عند صديقتها يعني عندي انا وقاله ابوه لا تمسها ولا لك شغل فيها مو انت ابوها قام اخوها بدو ينتقم منها و يخربها عليها بالبيت قام قالهم انو انا و اخته رحنا مع شباب واغتصبونا

قمت انا ما اخذت على كلامه فكرته بيحكي وبيسكت من فتره رحت لعندها ع البيت عشان تروح معاي ع المعهد عشان اسجل بلاقيه دخل وراي البيت وقعد يصرخ و يتهمني باني مغتصبه واني من غير شرف ويقولي ابعدي عن اختي مع العلم انو اختو يللي بتجي لعندي و المشكله انو ابوه لما سمعه يحكي هيك صدقه انو انا واخته مغتصبين وصار ابوه يصرخ علينا وانا ابكي واغمى علي وصديقتي كمان اغمى عليها و اختها الكبيره و امها طبعا كذبو لانو بيعرفوني انا منيح قمت انا قلت لهم خلاص ودونا المستشفى احنا الاثنين وشوفو اذا عذراء او لا قام اخوها قال بترشون الطبيب؟؟ يعني مقفل كل الابواب خلاص انا مش عذرا وانا شرفي طايح

بعدين لما اغمى علي وهيك امه طردته من البيت وصارو يقوموني لما قمت وهدينا الوضع و بكيت وقعدنا انا صراحة ما قدرت اطلع من عندهم و اروح البيت لانو اذا رحت البيت و اهلي عرفو والله لتقوم قيامه كبيره و اخي ممكن يقتله على كلامه وابوي كمان عصبي ممكن يرتكب جريمه المهم ابوه بعد ما هدي وهيك و حلفتلهم انو هيك شي مستحيل يصير و امها بعد شهدت انو انا بنت لخوقه و عيلتي ناس محترمه و مستحيل اسوي هيك شي قام ابوها غير رايه و قالي انا ما صدقته (قبل شوي كان مصدقه الدنيا حال واحوال) و المشكله انو صديقتي تترجاني ما اتركها انا فكرت انو خلاص انا وهي ننفصل بس هي صارت تترجاني و كمان قالتلي اذا انا وانتي ما صرنا نحكي هو راح يفرح وراح يوصل لغرضو انو يبعدنا عن بعض خليكي معي وصارت تحضني و تقولي لا تخليني وتبكي وانا صديقتي احبها مره بعدين خلاص اختها الكبيره طلعتنا بالسياره باولادها رحنا مكان ع البحر قعدنا وهدينا النفوس بس انا كل ما اتذكر السالفه ابكي

لين تاني يوم كل الليل ادعي ربنا انه ياخذلي حقي منه وادعي عليه لانه ظالمني ومنزل شرفي كمان بس الصبح اجى في بالي اروح لوحدي اشتكيه للشرطه بس المشكله انو الشرطه عندنا كتير بشعه لازم تضل رايحه جايه و يمكن لو هو عطى فلوس للشرطه (الرشوه) ممكن يعملون له حق هو وهو شاب وعنده معارف واخاف على نفسي

فقولو لي اروح اخبر اهلي و اشتكيه للشرطه ولا اسكت و افوض امري لله؟؟؟؟
للعلم اخته من بلد ثانيه بتكسن مع امها واختها ببلد ثاني يعني بتجي بس عطله ومو باقي لها شي وتروح وماراح اشوفها لين السنه الجايه

تحياتي

>>>>> ردود الأعضـــــــــــــــــــاء على الموضوع <<<<<
==================================


انا اقول غوضي امرك لله

ولاتنسي سهام الليل لاتخـطـأ ادعي ان ربك ياخذ حقك

وظلي تقولي حسبي الله وكفى

اللهم من اراد بي سوء ان ترده في نحره


__________________________________________________ __________

ما بدك هالمشاكل وتكبر القصه.. وممكن يصير شك وكلام انتي مش بحاجه الو

حتى لو هو كذاب... بس هيصير في شك

انا بحكي وكلي امرك ل الله وادعي ..

لكن اذا هو ما سكت لحد هنا.. وقتها علمي اهلك


__________________________________________________ __________

اسغفر الله


__________________________________________________ __________

استغفر الله العضيم
هو شرف الناس لعبه
ياويله من ربي


__________________________________________________ __________

ربي يهدي ويجي ويعتذر منك امام اهله كلهم يارب ويرفع راسك يارب