عنوان الموضوع : مقهووووره
مقدم من طرف منتديات نساء الجزائر

مقهووووره



بسم الله الرحمن الرحيم

انا عمري ما فكرت اكتب مشكله ليا بس ولله ضاقت بي الدنيا ولله مرره تعبت

انا متزوجه من 3سنين ونص وعندي ولد وبنت الله يحفظهم ليا
طبعا انا من يوم ما اتزوجت وانا ساكنه برا البلد بحكم انو زوجي كان مبتعث وكنت مرره مرتحه في حياتي والحمد لله
فجأه من غير ما اعمل حساب انو رح يجي اليوم الي نرجع في بلدنا
جا هدا اليوم بس هو لسع باقيلو سنه وما رضيو يمددولو وجينا على انو اجازه عاديه وما ادري غير انو خلاص ما رح نرجع ولله اني مقهوووره مرره وطبعا جينا في بيت اهلو جالسين هم ناس مررره طيبين الحمد لله بس مهما يكون الواحد ما يرتح غير في بيتو
وهو لقي شغل بس يقولي ما نقدر نستاجل المرتب حيروح نصه في الايجار واش يبقالنا
بس انا مو مرتحه مررره ولله حاسه اني مخنوقه ما اقدر اخاصم عيالي ما اقدر اروح واجي بكيفي بلبسي ولبيت كلوو اولاد ما شاء لله
بالله اش اسوي وكمان ابغا اروح عند اهلي هما في مدينه تانيه يعني ساعه بالكتير وانا عندهم ودحين اجازه ما يخليني ابات عندهم وما يخليني اجلس للصبح يعني الساعه تسعه يوديني الساعه وحدا يجيني
ودحين بيت اهلو مليان ما شاء لله اخواتو وازواجهم وجدتو وعماتو بالله اش رايكم قلتلو مدم البيت مليان خلا انا اروح عند اهلي الين يخلص الحج ما رضي وهو اصلن غياااار ولمايكون في رجال اخواتو حالو يزيد مررره
ودوامو هو مررره طويل يعني من الصبح للضهر ويرجع ينام ومن المغرب للساعه عشره وكمان احيان يخرج مع اصحابو وانا اشحتو السوبر ماركت ابغا بس اتمشه يطنشنش
احيان نفسي اقلو انا اكرهك انت اناني مو مراعي نفسيتي
ادعولي الله يخليكم انو ربي يفرجها
وسامحوني طولت عليكم

>>>>> ردود الأعضـــــــــــــــــــاء على الموضوع <<<<<
==================================


ياحبيبتي الله يعينك والله العظيم حسيت فيك
أكيد الوحده فبيتها راح تكون مرتاحة
والمشكلة أنتي تغيرت حياتك فجأة الله يكون بعونك
والله مالك الا الدعاء والصبر والأستغفار
وحاولي معاه بس لاتزعلينة بالكلام اللي مو حلو أصصبرييي عشان أولادك والله يكون بعونك ...
قوليلة انا ماأرتاح الرجال كثيرين بالبيت وأنا ماأقدر آخذ راحتي ولاأقدر ألبس لك ولاأقدر أتضبط ولاأقدر أسوي لك أكلات حلوة ولاأقدر أسوي مثل قبل لمن كنا لوحدنا ومبسوطين
وأن شاء الله ان شاء الله راح ترجعون مثل قبل وترتااااحيييين
طمنينا عنك


__________________________________________________ __________

اذا كان جلوسكم عند اهله مؤقتا فاصبري اختي وهي فرصه تاخذي عليهم وتسولفي معهم انتي تقولي طيبين طيب اعتبريهم زي اهلك وادخلي معاهم ووسعي صدرك ولاتكبرين السالفه
وارتاحي ولاتاخذين رفض زوجك بهالحساسيه يمكن هو يستصعب المشوار والايبغاك عنده مايستغني عنك والله يسهلك


__________________________________________________ __________

عزيزتي وضعك صعب وما ألومك بس عليكي بالصبر واطلبي من الله ان يصبرك ويقوي عزيمتك..الدنيا مو كلها راحه يوم تضحكلك ويوم تزعلك, بس لازم نستحمل ونضغط على نفسنا شويه انتي اوقفي معاه لأنو هو كمان ظروفو اجبرتو على الوضع دا وبإذن الله ربنا يصلح احوالكم ويعوض صبركم خير


__________________________________________________ __________

الله يفرجها عليكي وللكل


__________________________________________________ __________

اشكركم حبيباتي من كل قلبي ولله هونتو عليا وانا ادري انو مالي غير الصبر
بس بالله لا تنسوني من دعاءكم
واشكركم على اهتمامكم