عنوان الموضوع : عرفت واحد من النت ويالتيني ماعرفتة ساعدوني اللّه يخليكم الطبيب يجيب
مقدم من طرف منتديات نساء الجزائر

عرفت واحد من النت ويالتيني ماعرفتة ساعدوني اللّه يخليكم



السلام عليكم والرحمة

انا بنت يمنية وعايشة في البحرين عمري 18 وهذي اخر سنة لي بالثنوي عندي ثلاث خوات ثنتين متزوجات وحدة اصغر مني واثنين اخوان اللّه يخليهم
مشكلتي بدخل فيها على طول
انا الحمداللة ماكون علاقات مع احد ولا اكلم شباب لا من النت ولا من الواقع
اهلنا محافظين
واقعد ع النت عادي ساعات حق الدراسة وساعات في المنتديات ومن فترة سجلت في موقع العاب لانة اخواني الصغار مسجلين فية عجبني وسجلت حق اللعب
واذا ادخل بس ادخل اللعب ماكلم احد خير شر وساعات اقطع خاصية المحادثة مالي نية اسولف لو بسولف كان سجلت بالشات بس الحمد اللّة انا مو من النوع اللي يحب يسوي تعارف
ومرة من المرات دخلت اللعب مع شخص وكان يتكلم بس بكل احترام انا طبعا طنشتة زي العادة ماهتميت وياليتني مادخلت ولا عرفتة
وقعدنا يمكن ساعتين ولا كلمتة وهو كان كلامة عادي سلام وتعليق ع اللعب وبس لانة اكثر اللي يسجلون هناك يبون يلعبون ويتعرفون ويقولون الكلام اللي مالة داعي
بس هالشخص العكس تمام مالقيت منة هالتصرف وتمينا ساعتين تقريبا نلعب وحسيت بشي من ناحيتة مادري لية يمكن لانة اول مرة اجوف واحد محترم وقمت رديت علية السلام وكلمت عن اللعب بس وثاني يوم دخلت ونفس الشي قال لي اسمة ووين ساكن وقال انة ساكن بالسعودية واصلة يمني انا تفاجئت انة يمني مثلي سبحان اللّه
وخذينا نتكلم بكل ادب واحترام و وقال لي انة يبي يتزوج ومو محصل وحدة اللي تحسسة بهالحب واخذنا الحديث مع بعض
وما اخفيكم اني حسيت بشي ناحيتة وماقلت لة طبعا كنت جدا كتومة خفت يفهمني غلط حتى انا قلت يمكن بعد انة مايقول الحقيقة بس عرفت انة من كلامة كان واضح وصادق ماهو من الشباب الي يحبو يكذبو ع البنات الناس يعني مو كلهم زي بعض
انا ادري اني غلطت لما كلمتة وهالشي مايرضي اللّه بس شسوي مادري كيف صارت الامور واليوم دخلت وقعدنا نتكلم واخذنا الوقت من غير مانحس
وافصحت لة عن مشاعري وهوقال انا حسيت منك هالشي على الرغم انك ماتكلمتي
واللي خلاني اتأكد انة جاد قال لي انة يبي يتعرف على هلي من بعد ماعرف مشاعري صوبة مايبي يروح شمال يسار يبي الزواج وانة جاد ومن وقتها عرفت انة نيتة صادقة وقاللي انة مستعد يجي البحرين ويسكن فيها لاني قلت لة انا متعودة ع البحرين
ومن ذاك الوقت خلاص قامق قلبي يرجف وجسمي يرتجف ولما اقعد اسولف معة احس بشي غريب حتى ماصرت اكل هاليومين ولا انام عدل مع انة عندي امتحانات بس احاول اكون طبيعية بس ماقدر
وقاللي انة عندة اهل بالبحرين اللي هم انسابة ويبيني اتعرف عليهم قلت لة صعبة
ماصار لنا ثلاثة ايام وتبيني اقول لك اذا اية او لا وقلت لة صعب تقول لهم انك تعرفت علي من النت اكيد بيسئلو من وين عرفتها وهو قال ماعلية بدبر الموضوع ويكون سر ماقول لاحد اني عرفتك من النت وبخلي انسابي اللي في البحرين يتصرفو ويتعرفو على ابوك بشكل غير مباشر
كل شي سار بسرعة انا مو مخططة للزواج الحين وحتى لو كانت بس فترة تعارف انصدمت بهالسرعة وصار هالشي يتعبني ويتعب تفكيري ماصرت اركز زين ولا انام زين لاني تعلقت فية وحسيت انة جاد

لكن مادري الحين انا مافكر بالزواج توني ماخلصت ثنوي وبعدين اهلة بالسعودية واهلي بالبحرين
ومادري ااذ اهلي بيوافقون او لا لانة خواتي الكبار متزوجات من العايلة وعايلتنا عيالهم ماتزوجو من برع العايلة فما دري الصراحة
والأهم من هذا ان الزواج مو بين شخصين وبس الزواج بين عايلتين يكون
اخاف اذا وافقت وصار زواج اهلة مايتقبلوني او يقولون انها خطفت ولدنا وخلتة يسكن بالبحرين لاني انا رافضة فكرة السكن بالسعودية مالي الا البحرين ولدت وعشت فيها
وخايفة بعد انة اذا تزوجنا وصارت مشكلة يعايرني ويشك فيني وما يثق فيني مرة ثانية مع اني واللّه مالي في هالكلام
واذا عاش معي هنا في البحرين اخاف مايعجبةالوضع لانة الكلام غير والفعل غير اخاف يتغير علي ومايرتاح لأنة حياتنا بالبحرين غير عن السعودية هنا في البحرين عادي الوحدة تروح بروحها الشغل او الجامعة او السوق اهم شي الوحدة تلتزم باحترامها ولباسها الشرعي
اخاف انة مايتقبل هالموضوع بعدين لأنة كل واحد وعلى حسب تعودة وانا كلمت اختي الكبيرة قلت بجس نبضها بس ماقلت لها انة انا قلت لها صديقتي تقدم لها واحد من النت عايش بالسعودية كنت بعرف وش تقول
قالت لي ماعليك من حب النت كلة خرابيط حتى لو صار زواج الوحدة لازم تتزوج من عايلتها اذا صار شي في المستقبل ع الاقل العايلة تتفاهم مع بعض بس ااذ كانو غرب شي صعب انهم يتفهموا وهذا اللي مخوفني كثير
واللة خوفتني وحسيت الدمعة بتنزل من عيني وياما اسمع عن مشاكل الزواج بين بلد وبلد
مادري صحيح او انة خوف بس فما ععرفت وش اسوي
وانا قلت لة اصلن انا الحين مافكر بالزواج الا بعد سنتين اقل شي اكون بالجامعة
اخاف كل هالآمال تروح ع الفاضي ونتعذب واهلي مايوافقو مابي ا ظلمة ولا اظلم نفسي زيادة
قولو لي شرايكم انتو هل ممكن ينجح زواج النت ومع اننا من نفس الجنسية لكن كل واحد في بلد ؟؟؟؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================


انا كمان حبيت من النت ومعرف ايش اقولك بس صراحة شوفي قد ايش باتعذب بسبب دا الحب وانتي مرررررررة صغيرة ياقلبي احس قدامك مرة كتير مدري انا اخر وحدة انصح في مواضيع الحب بس مرة اتاثرت بقصتك لاني حسيت نفسي فيكي وحايسة حوسة مايعلم فيها الا الله نفسي ارتبط باللي احبو بس تفكير الاهل مدري ايش اقولك اهلو شايفيني وحدة ماانفع لولدهم لاني اتعرف عليه وزي ماتعرفت عليه حتعرف على الف واحد غيرو وهادا الي جنيتو من حب النت ناس يعايروكي وكانك وحدة من الشارع ولا كانكك بنت ناس يالطيييييييف لاكن لو جا الشي على بناتهم لا سبحان الله مفي زيهم
ماقولك غير الله يهديكي حبيبي صلي استخارة مرة كتير وارجعي لربنا واساليه يقربك للخير
وادعيلي معاكي بالخير


__________________________________________________ __________

النصيحه قدمتها لك اختك

النت يا حبيبتى عالم كبير بيه الصالح والطالح (والطالح اكثر )لم تسمعى عن مصائب البنات وحب النت
وكيف تكون الخاتمه

يا حبيبتى هؤلاء ذئاب بشريه يوقعون فرائسهم بكلام الحلو العب والرغبه فى الزواج والتضحيه وووووووووو

ابتعدى عنه حبيبتى

ونصيبك بيجيك لباب البيت حتى وإن كان بالمريخ


__________________________________________________ __________

المشاركة الأصلية كتبت بواسطة بقايا امراءة
النصيحه قدمتها لك اختك

النت يا حبيبتى عالم كبير بيه الصالح والطالح (والطالح اكثر )لم تسمعى عن مصائب البنات وحب النت
وكيف تكون الخاتمه

يا حبيبتى هؤلاء ذئاب بشريه يوقعون فرائسهم بكلام الحلو العب والرغبه فى الزواج والتضحيه وووووووووو

ابتعدى عنه حبيبتى

ونصيبك بيجيك لباب البيت حتى وإن كان بالمريخ

طيب بس هو قصدة الزواج وبس مايبي شي ثاني حتى الايميل او رقم التلفون ماطلب مني وتكلمنا في هالموضوع قال انا مو هدفي اللعب هدفي الزواج واذا تبين من بكرة بجي البحرين وقال لي عن وحدة من اهلة عايشة بالبحرين وقال اني اتعرف عليها يعني حسيتة صحيح جاد
بس المشكلة اني الحين مابي اكلم اهلي مو مستعدة نفسيا كل شي صار مرة وحدة وانا فكرت كثير حتى لو صار نصيب هو قال بيجي بيسكن بالبحرين بس انا فكرت بنفسي وقلت هو شغلة بالسعودية صعب انة يبتدي من اول وجديد بالبحرين هو مفكر انة كل شي سهل بس انا قلت لة وقت الجد بيكون صعب عليك


__________________________________________________ __________

اختي صدقيني ان مافيه واحد صادق هالايام
ولنفترض انه خطبك وتزوجك صدقيني بتندمين طول عمرك لان الشك راح يهدم حياتكم
بيقول انك تعرفتي علي من النت اكيد راح تكلمين غيري

ثانيا ممكن بيوم يفضحك انك تعرفتي عليه من النت ويهددك عند اهلك
وش بتكون صورتك قدام امك وابوك وهم اعطوك ثقتهم كامله اكيد راح ينصدمون فيك



اتركيه وربي بيعوضك خير
لان الشي اذا كان مبني على غلط فهو غلط
ومن ترك شي لله عوضه الله خير منه


__________________________________________________ __________

حبيبي نصيبك رح توخديه غصب عن كل الناس بس انتبهي منه قد ما تقدري لانه شوي شوي بيطلب الاميل والجوال
وانتي لا تعطيه مجال من البدايه واحيانا حب النت يكون صادق بنت عمي تعرفت واحد ع النت وتزوجو
ومره يموت عليها استخيري وفكري تمام وربي يوقفك