عنوان الموضوع : أفكر بالهرب الطبيب يجيب
مقدم من طرف منتديات نساء الجزائر

أفكر بالهرب



السلام عليكم ورحمة الله وبركاته

أخواتي .. أنا بنت صغيرة

بس أحس على قلبي هم كبييييير ..

وهو فعلاً هم وابتلاء من الله

وماله حل أبداً إلا الصبر عليه

وأنا خلاص نفذ صبري

وتعبت أمي معاي .. دايماً تسألني شفيج ؟

وأنا ما أبغي أجاوبها

ولا جيت أتشكى هنا

أنا جيت أقول لكم ان لي فكرة ملازمتني من شهوووووور

أبغي أهرب ..

لو شهر ..

ودي أهرب من كلللللللللللللل شي

من البيت .. من أهلي .. من ناسي .. من صديقاتي .. من دراستي .. من نفسي .. من أي مسؤولية محطوطة على راسي

ودي أعيش شهر واحد .. أقوم وقت أبغي وأنام وقت أبغي

بعيييييد عن ضغوط الحياة ..

وبعيييييييد عن القيود والسلاسل

المشكلة لو طلعت من بيتنا وين بروح ؟؟

ما عندي أي مكان ..

جربت الهرب مرة واحدة .. وحبيت الوضع

لكن هروبي كان 8 ساعات فقط

الحين أبغي أهرب شهر ولا شهرين ..

تهقون الله بيحاسبني لو طلعت من البيت بدون اذن احد ؟؟؟؟؟!!!

والله في خاطري ألم ثيابي واطلع من البيت في الليل بدون ما أخبرهم وين بروح ولا ليش طلعت !!!


تعبت والله ><"

ومصيبتي أنا الي أتعب نفسي ><"

رحمـــآآآآآآآآآك رب السمااااء ..

>>>>> ردود الأعضـــــــــــــــــــاء على الموضوع <<<<<
==================================


الهرب مو حل يمكن ماتسلمين من الشباب بس حاولي تحلين امورك ورتبي لك ايام وانتي بالبيت بدون ماتسوين شي


__________________________________________________ __________

يا حبيبتي عمرو الهرب ما بحل مشاكل والدنيا مليئه بالمشاكل استعيزي بالله من الشيطان وتاكدي ما ح تلقي امان اكثر من بيتكم وايش مشكلتك عشان نقدر نساعدك


__________________________________________________ __________

تصرفي بحكمة اكثر انتي متوترة نفسيا واظن انك في سن المراهقة هي السبب لا تخافي حبيبتي فقط حاولي ان تتغلبي على نفسك بالصلاة والاستغفار واياك من وساويس الشيطان هي الي تجعلك تفكري بالهروب
ودي لك


__________________________________________________ __________

الله يهديك اجل وش يقولون اللي امهم وابوهم يضربون كل يوم وصابرين

انتي بس علشان بس تبعدين عن اهلك شوي تصحين متى مابغيتي وتنامين متى مابغيتي

دليل على ان امك مهتمه فيك ولاناقصك شي امك تسألك وش فيك يابنتي

كل اللي فيك قل ايمااان تعوذي من الشيطان واستغفري ربك وبترتاح نفسيتك

واذا كنتي حابه تهربين مرررره معزمه الحين لمي ملابسك واطلعي نامي بالشوارع والا بجنب الزبايل يمكن ترتاحين لا ام ولا اب ولا اخوان ولامسؤليه بس لحالك بالشارع

اتمنى انك فاهمه وش قصدي


__________________________________________________ __________

وعليكم السلام ورحمة الله وبركاته

مشكلتك عايشه داخلك ..يعني وين ماتهربين ماراح ترتاحين

عمر الهروب ماحل مشاكل والا كان شفتي كل البشر بكل العالم عايشين خارج منازلهم
الحياة لانستشعر الراحه بها الا حين نتعب ، اليوم تتعبين وبكره ترتاحين ان شاءالله
انتِ لازلتِ صغيره ونظرتك للحياة حسب عمرك يعني صغيره تنظرين لها من عدسه ضيقه
ومساحتها اصغر ، مع الأيام راح تكبر العدسه وبتشوفين الدنيا بشكل اعمق ، انتِ الآن لاترين
ماحولك الا من خلال مشكلتك فقط

تقدرين تتغلبين على مشكلتك حاليا بالتمرد ليوم واحد فقط وهو كفيل بمداواة تعبك
اصرخي وقولي لهم انا اليوم ما راح اعمل اي شي اريد اجازه من كل شي ، وهذا اليوم
يكون لك.. لذاتك اعملي فيه كل شي نفسك فيه ، تنامي تأكلي تشربي تقرأي ....الخ

وانظري بعد هذا اليوم هل شعرتي بالراحه المطلوبه او لا؟؟؟

وبعد هذا اليوم ..ارجعي لموضوعك هنا في هذه الصفحه واخبرينا عن نفسيتك الجديده