عنوان الموضوع : زوجي قال لأمي تعالي حجي بعدين سحب عليها
مقدم من طرف منتديات نساء الجزائر

زوجي قال لأمي تعالي حجي بعدين سحب عليها



السـلآم عليكم ورحمه الله
كيف الحال ؟

انا بأقولكم مشكلتي بإختصار
زوجي سوى لي موقف واحسه غلط × غلط
رغم انو مو راضي يعترف حتى ان اللي سواهـ غلط


شوفو واحكمو /
احنا مقررين السنه هذي نحج بإذن الله ,
راح زوجي وقال لأمي ( تعالي حجي معنا محفوله مكفوله لا تدفعين ولا شي)
قالت امي له : فاجأتني والله بس بأشوف

رحت لأمي بالبيت وقالت لي هاهـ وش رآيك قلت والله بكيفك وتعالي ومثل كذا
قالت في حالة اني جيت راح اجي بحسابي مو بحساب زوجك
قلت اوكي ..

واليوم فجأه جاء زوجي قال لي ترى حجزت بالحمله لي ولك ولأمي !!!
انا ضاق صدري موب عشان شي الا عشان ان من باب الذوق يسأل اذا امك بتجي او لآ .. خصوصا هو اول من فتح الموضوع معاها
صح او لا ...

علماً بأن لما كنا نبحث عن حمله كان فيه اسعار مبالغ فيها وامي تقول عادي روحو وانا بأدفع النص وانتم النص
يعني هي مو مقصره معاي بشي ابد ابد ابد والله ..

ولما قلت له / اساسا امي ما راح تروح بس من باب الذوق انك تسأل تحجز لها او لا خصوصا انك انت اللي فتحت الموضوع معها : )
عصب علي وقام يتكلم !


**
بذمتكم بنات موب الحق معاي ..


امي اساسا عندها راتب وما تحتاج تجي بحسابه
واخواني فيه ما يقصرون معاها ابد والله
بس من باب ذوق وحرص واهتمام انك تسأل

خصوصا اني ما عمري قصرت مع اهله بشي
وخصوصا امه والله واخواته بعد رغم انهم اصغر مني الا اني احترمهم واتحمل اشياء كثيره تصدر


وفوق هذا والله من تزوجت امي ما قصرت ابد ابد معاي
وانا عمري ما ميزتها بشي
كل ما اجيب لها شي اكون جايبه مثله او افضل منه لأمه بحكم اني شاريه بفلوسه

بعكس اخواتي والله يميزون امي ويقولون انتي تتحملين عيالنا بالأيام يجون يلعبون في بيتك ويكسرون ويحوسون ولا عمرك قلتي شي

وانا ما عمري قسم بالله ميزتها بشي ابد الا لما كنت بالنفاااس جبت لها من فلوسي انا
غير كذا اقسم بالله ما عمري جبت شي لأمي الا امه مثله وافضل بعد


الله يعزني براتبي بس عشان اعطيها كل اللي بخاطري بدون شي

ادري انها فضفضه موب مشكله بس اولها مشكله علموني موب زوجي غلطان المفروض سألني او سأل امي اذا هي تبي تجي او لا
مو يروح يحجز لأمه وله ولي وبس
اذا هو ما راح يسوي اللي قال عليه اجل ليه يتكلم !!!!!!!!

>>>>> ردود الأعضـــــــــــــــــــاء على الموضوع <<<<<
==================================


عليكم السلام
هلا فيك ي قلبي

اللي عمله زوجك غلط واتوقع عرض ع امك
سالفة الحج ك مجامله لااكثرر يعني توقع بترفض امك..!!

ويمكن زعل لما قلتي له ليه م سئلت اذا امي بتروح
او لا وانت اللي عرضت عليهاا لانه انحرج من هالموقف
وحب يتحجج بزعل ...!!

ي قلبي ربي يخلي لك الوالده ويقويك ع براءها وطاعتهاا
لاتكبرين السالفه معاه والله يخلي لك راتبك اللي بيعزك ويعزها

ويخلي لها اخوانك وان شاء الله م بيقصرون معهااا
روقي ي قلبي وربي يسسعدك بطاعته


__________________________________________________ __________

الله يهديه
الله يسعدكم يارب دنيا واخرة ويخلليلج والدتج يااارب


__________________________________________________ __________

الله يهديه


__________________________________________________ __________

الله يهدي هووو اللي غلطااان من البدايه وكل كلامك صح والله يكثر من امثاااالك..
ويسعدك ويووفقك وينور طريقك بالخير..


__________________________________________________ __________

معليه حبيبتي اكيد امج متاكدة ان مابيدج شيء وبتعذرج وهذا اهم شي