عنوان الموضوع : دعواتكم لي الله يخليكم -لصحتك
مقدم من طرف منتديات نساء الجزائر

دعواتكم لي الله يخليكم



السلام عليكم

يابنات مادري من وين ابدا كلامي

انا بنت عمري 24 سنه

من يوم كان عمري 9 سنوات امي وابوي انفصلو عن بعض

وانا وخواني وخواتي مع امي

كبرنا واكبرت همومنا معانا

انا لما كنت طفله امارس العاده السريه

بس مادخلت شي ولامره

انا كبرت الحين وعمري 24 سنه

وللحين محد تقدم لي ولا لاخواتي اخواني اكبرو تزوجو

واحس زوجاتهم ينظرون لنا نظره مدري كيف افسرها لكم

كانهم يقولون احنا اصغر منكم وتزوجنا

ودايما يرمون كلام على انه من باب المزح بس والله انهم مايمزحون

كلامهم مثل السكين بقلبي وبقلب خواتي

كبرت وتخرجت وجلست بالبيت ماكلمت دراسة الكليه عشان اساعد امي بشغل البيت لان امي شوي مريضه

لما تخرجت حسيت اني كبيره ويعتمد علي

بس لازلت احبببببببب

مثل حبي بايام المراهقه

امي عمرها ماحضنت واحد فينا او باسته او تطل علينا بالليل او تلحفنا

غلطاتي اللي انا فيها السبب امي

لان امي ماعلمتنا ولا وجهتنا

تخيلو لما بلغت والله ماكنت اعرف شي اسمه الدوره الشهريه

جلست من نومي ودخلت الحمام وانتو بكرامه انصدمت لما شفت دم

قمت ابكي بالحمام اقول انا ماسويت شي ليش هالدم ومن شنو

المهم غيرت ملابسي وخليتهم بدورة المياه امي شافتهم وعطتني الفوط الصحيه وعلمتني كيف البسهم

حدها قالت لاتقولين لاحد عن هذا الشي

عيب كل الحريم يصير فيهم هذا الشي ولاتقولين لخوانك انك ماتصلين

والله اني كبرت ولما اروح مكان وعندي الدوره يقولون لي فلانه قومي صلي

اقوم اوقف على السجاده على اني اصلي

والله مادري عن شششي امي قالت لي عيب لاتقولين لاحد وسمعت كلامها

حتى الستيانه والله مالبستها الا لما صار صدري كبير

ولو على امي كان مالبسناها لا انا ولاخواتي

بس بنت عمتي الله يجزاها الف خير اشترت لنا وخلتنا نلبسها

المهم اني للحين حاسه بفقد وحنان عمرها امي مافكرت تتقرب منا

لو احد طلب منها شي تعصب او ماترد علينا باسلوب زين

انا احس بفراااغ عاطفي حتى البنات كانو بايام الدراسه لما يشوفوني كيف اتعلق باحد اذا حبيته

يقولون لي انتي فاقده الحنان اسكت وماعرف وش اقووول

الحين كبرت وماعترف بحبي اقول لهم خلاص انا كبرت لما كنت بسن المراهقه احب

بس الحين ماحب الا زوجي بالمستقبل

وانا اصلا مدمنه احلام اليقظه اسوي عمري ساكنه مع اهل يحبوني واحبهم ومدللة عندهم

انا من الابتدائي كنت مدمنه احلام اليقظه وكل يووم ازيد بهذا الشي

بهذي الفتره حسيت بوحده مقربه لنا بحسبة امي مع انها متزوجه وعندها اولاد

لكنها قريبه منا بالحيل

اسئتذنت منها يوم ورحت لها وقلت لامي اني بروح لبناتها لانهم بنفس عمرنا

وماقالت شي

رحت لها والله بدون شعور حسيت اني افضفض لها عن مشاكلي وهمومي ودموعي تنزل

تعووودت عليها

صرت دايم اكلمها واروح لها مع انها كبيره بس انها فاهمه وتناقش

مو مثل امي الله يهديها

زادت العلاقه فيها صرت احلم فيها ماتتخيلون كيف ارتاح لاكلمتها او لاجات بيتنا او رحت بيتهم

والله ماودي احب حب المراهقه وانا بهذا العمر

بس وش اسوووي محد عاطيني لا حنان ولا اي اهتمام

وفوق كل هذا محد جاي يتقدم لنا مع ان ماشاء الله مو قاصرنا شي الحمدلله

بس يمكن لان احنا بنات مطلقه محد يفكر فينا

والله اني تعبانه كرهت حياتي كرهت كل شي

احيانا تكون نفسيتي عدم طول وقتي نايمه بعذر اني تعبانه

الله يخليكم اللي تدخل الموضوع ترد علي

انا كتبت لكم اعبر عن اللي بداخلي

ودعواتكم لي ولاخواتي بالزوج الصالح

>>>>> ردود الأعضـــــــــــــــــــاء على الموضوع <<<<<
==================================


فديتك وربي مو عارفه ايش ارد عليك غير ان الله يرزقك بالزوج الصالح انتي وخواتك عاجلآ غير اجل

ويسعدكم ويعووضكم


__________________________________________________ __________

"اللهم اني اسألك بأني اشهد انك انت الذي لا اله الا انت الاحد الصمد الذي لم يلد ولم يولد ولم يكن له كفواً احد.
اقضي حاجتي..آنس وحدتي..فرج كربتي..اجعل لي رفيقاً صالحاً كي نسبحك كثيرا ونذكرك كثيرا فأنت بي بصيرا.يامجيب المضطر اذا دعاك..احلل عقدتي..آمن روعتي..يا الهي من لي الجأ أليه اذا لم الجأ الى الركن الشديد
الذي اذا دعى أجاب. هب لي من لدنك زوجاً صالحاً.. اجعل بيننا المودة والرحمة والسكن..فأنت على كل شيْ قدير..يامن قلت للشيْ كن فيكون.. ربنا آتنا في الدنيا حسنه وفي الأخرة حسنه ..وقنا عذاب النار.. وصلى اللهم على سيدنا محمد وعلى آله وصحبه وسلم"


__________________________________________________ __________

يا قلبي مشكلتك انشاء الله بسيطه اول شي واهم شي اعذري امك لانه اكيد عندها معاناه انت ماتعرفينها يكفي انها حملت لقب مطلقه وهذا صعب وايضا مريضه وجاهله ياقلبي انت كبيره ومشاء الله باين من اسلوبك الثقافه والوعي انت من اليوم علمي نفسك بنفسك من النت ومن الكتب واجمعي معلومات وخليك عارفه كل شي يسير في البلد وعلمي امك واخوتك بدل النوم والتشكي لانه صدقين محد يتحمل احد في هذا الوقت بسبب انشغالت الناس ومشكلهم واسرارك خليه في قلبك وخليك قويه لاتسمحي لاحد ان يتكلم عليك انت واخواتك وتاكيدي انه اذا لك نصيب سوف يجيك انا عندي صديقات ماتزوجو الا وهم كبار يعني العمر مايرد شي اتمنى انك تنتبهي لنفسكواكثري الدعا اخر الليل واقري القران والاذكار يوميا وفيه كتيب انصحك به هو(المعادلات الذهبيه)الله يفرج همك وهمي


__________________________________________________ __________

امك لما تعاملكم كذا مو ماتحبكم بالعكس اكييد هي اكثر وحده تحبكم وتخاف علييكم

بس الامهات يتعاملوا مع اولادهم زي ماعاملوهم اهلهم

يمكن نفس اسلوب اهلهم كذا وهي ماتعرف كيف تتعامل معاكم

ولاتنسي الطلاق يمكن اثر على نفسيتها

انتي واخواتك حاولوا تتقربوا من امك يعني مثلأ سوي قهوه وجيبوها والتموا عندها

وتقهوو سوا واجلسوا سولفوا عن مواقف تضحك وتبسط

وكذا كل مره حتى تاخذ على الجلسه معاكم واي شي يضايقك روحي فضفضي لها

والله يخلي لك امك ويشفيهااا

والله يرزقكم بازواج صااالحين


__________________________________________________ __________

الله يرزقكم بالزوج الصالح