عنوان الموضوع : الحب وهم نعيشه أم حقيقه غائبه ؟ تجربتى شاهد عيان على موت الحب الطبيب يجيب
مقدم من طرف منتديات نساء الجزائر

الحب وهم نعيشه أم حقيقه غائبه ؟ تجربتى شاهد عيان على موت الحب



السلام عليكم و رحمه الله

اولا احب اشكر الاداره الكريمه الفكره المتميزه اللى بيها نقدر نتكلم مع اخواتنا اللى بنثق فى ارائهم بدون احراج او خجل

انا بس قبل اى شئ بستسمحكم اذا بطول بس بجد ضاقت نفسى

قصتى بدئت من سبع سنين تقريبا ,,, اتعرفت على شاب متدين و ملتزم و كنا فى بدايه التزمنا و بدأنا نساعد بعض على الدعوه و الدين ... اتعلمت منه كل حاجه حلوه فى الحياه ... كان وقتها هو كل حياتى و تفكيرى .. اتعاهدنا على القوه فى الدين و اننا نبنى بيت مسلم قوى ... و نحفظ القرآن الكريم و نربى أولادنا على الطاعه و حب الخير و العطاء
كان مع التزامه ده انسان رومانسى لدرجه كبيره جدا ... و كان حنين و طيب و ميستحملش دمعه منى ... عمرى ما كنت اتخيل انه يوم هيجى علينا و يزعلنى فيه ... حتى لما كان يعصب عليه اقنع نفسى انى انا الغلطانه حتى لو معملتش حاجه وقتها
حبه كان كل حياتى و علشان الحب ده وقفت امام اهلى و امام اهله و امام كل من يعرفنا ... كان فيه ظروف كتير تمنع جوازنا بس سبحان الله كان حبنا و الايمان بالله فوق كل شئ

قعدنا سنه و نصف الاولى فى حب صافى جدا و هادى و جميل
مرات اختلافنا تتعد على اصابع اليد الواحده

و بعد السنه و نصف تمت خطبتنا بمعجزه من ربنا
و كان يوم هادى و جميل ... كانت قلوبنا طايرة فى السما
و مرت سنه و نصف كمان فى خطوبتنا .. ماظنش اننا كنا بنختلف فيهم كتير ... الجو هادى و الحياه رومانسيه و كان عطائه فائق الحدود
و بعد مشاحنات مع الاهل وافقوا اننا نكتب كتابنا و فعلا ربنا وفقنا و كان يوم حلو .. بعد كتب الكتاب بدئنا نتعرف اكتر .. عرفت انه عصبى اوى لما بدانا نقرب من بعض
و كان بيحبنى اوى و يغير عليه و يخاف عليه من الكلمه تزعلنى
كنت حاسه انى كل حياته زى ما هو كل حياتى
لغايه ما جانى فى يوم و كلمنى و قال لى ان فيه بنت زميلته كانت بتحبه و هو مش بيحبها .. بس كان بيصدها فى كل مره تحاول تقرب منه ... و قال ان بعد فتره شعر بتأنيب الضمير تجاه البنت دى و بدء يكلمها علشان يعتذر لها عن اسلوبه معاها
و البنت دى لما عرفت انه خطب جات له و اتخانقت معاه و انا طلبت منه انى اكلمها افهمها الامر علشان متزعلش و فعلا كلمتها
و عرفت ان الموضوع مكنش مجرد انها بتحبه .. عرفت انهم كانوا بيحبوا بعض و هو معشمها بالزواج فى نفس الوقت اللى كنا مع بعض فيه .. و انهم اختلفوا فى شئ و بعدها هو بدء يصدها عنه ... و انه كل مره يكلمها يعشمها بكلامه
المهم قفلت مع البنت و انا حاسه ان فيه نار فى قلبى ... مكنتش بنام و لا باكل و لا عايزه اكلم اى حد ...
بس حبى ليه كان اكبر من اى شئ ... كذبت البنت و صدقته ... مش عارفه ليه .. بس اكيد كنت عايزه افضل مصدقة ان هو اميرى اللى مالك قلبى .. و مش اى رياح تهد اللى بنيناه فى سنين
استمريت بس قلبى كان بينزف ... حاولت كتير اتعايش معاه كان شئ لم يكن
لكن الغريب فى الامر .. ان هو اللى تغير ..بدء يتعصب عليه باستمرار
على اقل شئ يختلق المشاكل
فى الوقت اللى كنت منتظره منه تعويض عن الكسر اللى اتكسرته حسيته بيكمل اللى باقى جوايه

وفضل الحب اللى بينا هو يخلينى اسامح و أنسى اى اسائه و أعشم نفسى باجتماعنا
و اقول اكيد اول ما نعيش مع بعض ففى بيت واحد هننسى كل حاجه وحشه
اكيد عصبيته دى بسبب بعدنا عن بعض

و ربنا يسر زواجنا من سنه و نصف تقريبا

و كان ما حدث قبل ليله الزفاف فى كفه و زواجنا كافه أخرى لا تقارن

فوجئت أنى أعيش مع شخص غريب عنى
الدين تراجع عنده كتيييييييير ... لدرجه انى كتير مش بشوفه بيصلى من الاساس بعض الفروض .. و اذا سألته يحلف أنه صلى .. و هو أمامى طول الوقت لم يصلى
طبعا كل ده بخناقات كتيره
عصبى بشكل غير طبيعى ... لدرجه انه ممكن يعصب عليه بالآيد

ضربنى بالقلم مرتين و زقنى كتير فى خناقه .. و يمسكنى من ذراعى بقوه تكاد تموتنى (مع العلم ان جسدى جدا حساس )

فوجئت و انا فى اول اسابيع زواجى اللى هى المفروض شهر العسل انه مش زى ما كان مفهمنى ... الحب و العشق و الغرام ... مفيش حاجه ... حتى العلاقه الخاصه بينا كانت تأديه واجب ... و أحيانا كتير كنت أبكى
خصوصا لما كنت ألبس و احط مكياج و اتعطر و هو يبص لى و يضحك بابتسامه صفراء و يقول من تحت الضرس (ايه الجمال ده ) و بعدها يلتفت للجريده او الكتاب و يكمل قراءه

كنت أبكى أكثر مما أبتسم

كنت أقرء فى أوراقه القديمه التى بها بعض ابيات الشعر التى كان يكتبها .. و قرات فيها ابيات و خواطر يودع فيها حبيبته السابقه .. و يشكوا الام الحب الذى فقده و أنه مع تظاهره بالسعاده امام الاخرين الا أن قلبه مازال ينزف دما على فراق الاحبه

كنت اقرء كلماته و اشعر أن روحى تنسحب من جسدى و لم اتمالك نفسى من البكاء .. حتى انه عندما دخل و وجدنى هكذا أحتضنته بشده ثم أغمى علي .. و هو مسكين لا يعرف انه سبب ما حدث لى

و فى تلك الفتره المريره فى اول اسابيع الزواج ... كنت أشعر به يقوم بعد ما أنام .. يجلس فى أقصى الشقه مع اللاب توب ... مره مع مره بدئت أشعر أن الامر فاق الحدود

و فى ذات يوم و هو نائم كنت أتصفح الانترنت .. و صادفت فى محركات البحث ما أماتنى للمره الثانيه ,,, زوجى قبل اقل من شهر من زفافنا يبحث عن صور للبنات و فيديوهات للرقص و اشياء لا اريد ان اتذكرها أو أذكرها

بدأت أتسائل فى جنون ... لهذا الحد !! لم يكمل شهر على زواجنا ؟
كل يوم أحاول أن اكون مختلفه
لبس جديد
مكياجات و عطور
اتزين لحبيب العمر
واجهته بما حدث و أنكر و قال انه لا يعرف شئ عن كل هذا
و على الرغم من أنى لم اصدقه و اعرف انه يكذب الا أنى أجبرت قلبى على سماحه
لم اتحمل وقتها دموعه و هى ترجونى أن أصدقه
كانت أكبر من ما اشعر به .. دموع حبيب قلبى و عمرى أغلى من أى شئ و أتحمل اى شئ و لا أتحمل ان اراها

و لكن الله كشف ستره لانه لم يتب وقتها

و للمره الثانيه رأيت فيها فيديوهات و صفحات البحث و صفحات قام بزيارتها بالنت اكثر بشاعه من الاولى

وقتها اعترف و عاهدنى ان لا يعود ... و تاب و ندم و صلى و استغفر لله

قلبى أصبح بعدها الكبيت الخرب ... لا يوجد به شئ سليم ... كل ما فيه تحطم و انهار ... خيانه و كذب و سؤ معامله ... جراح و صراخ ...

يتحكم فى ملبسى و مشربى ... لا تتكلمى لا تردى على تليفون .. لا تخرجى للبلكونه ... اذا قمت بالرد على التليفون و هو نائم و كان صديقه تكون ليله لا يعلمها الا الله ... و على الرغم من كل هذا أتحمل و أصبر من أجل الحب

و جائت الصدمه الثالثه ... عندما علمت انى مريضه بمرض صعب و يجب أن أجرى جراحه و أن حياتى قد تكون فى خطر ... كان حالما معى .. و عشنا يوما رومانسيا هادئا

ذهب بعد منتصف الليل ليحضر لى الطعام الذى أحبه ... تعشينا و نمت فى سلام .. استيقظت و لم أجده ... ذهبت و انا اشعر انى سأصدم .. و بالفعل هذا ما حدث .. وجدته يحادث امرأه اجنبيه و يغازلها و يمازحها و يتغزل فى جمال جسدها و وجهها

خيانه للمره الثالثه فى وقت مختلف ... لماذا فى هذا الوقت ؟.؟؟

انهدم كل شئ
بدات اصرخ كالمجنونه فى كل انحاء الشقه ..و هو كالعاده يحاول ان يهدئنى و يضمنى و يشعرنى انه ندم و كانت لحظة ضعف

و كعادتى سامحته

أحبه بشكل يفوق الخيال ... و لكن قلبى تبدل ...و اصبحت تائهه
لا اعرف انا أحبه ام اكرهه؟
اريد العيش معه ام الطلاق منه؟
لا اعرف هل هو يحبنى كما يدعى ام يكرهنى كما يفعل بتصرفاته؟

لا يوجد انسان كله أخطاء
هو له مميزات عظيمه مع كل هذا يجب ان اذكرها ... هو كريم جدا و طيب و حنين اوى اوى ... بيفضلنى عن نفسه ... عنده استعداد يعيش من ير هدوم و لا اكل علشان يوفر لى الحاجه اللى بحبها و ان كانت رفاهيه
فيه مميزات مش فى رجاله كتير

بس انا مش عارفه اتعايش مع العيوب دى

اسه ان نفسيتى بقت مضطربه
على طول متوتره ...

لو يوم كلمنى بصوت عالى احس ان دماغى هتنفجر من الالم

جسمى بقى مشدود باستمرار حتى و انا نايمه

بابكى بهستيريا و احيانا اشعر انى بخرج عن العياط الطبيعى ..ممكن وشى يحمر جاااامد و يزرق كمان و ابكى بحرقه و هيستريا جامده

حساسه اوى معاه و مع اى رد فعل
اقل كلمه حلوه تأثر فيه و أقل كلمه وحشه تأثر فيه

مش عارفه انا لطت انى سامحته مع كل اللى حصل

و الا انا غلطانه انى مش عارفه اتعايش معاه

ازاى انسى و ازاى ابدء ارجع تانى زى زمان

هو قلبى اللى انكسر فيه امل يرجع يحبه زى زمان و اعيش ايام الرومانسيه اللى اكاد اكون نسيتها

اتمنى ما تكونوا انزعجتوا من كثره الحديث ... بس سبحان الله ... انا اول مره
اتكلم فيا فى الامر ده
حتى اعز اصحابى و اهلى كلهم متخيلين انى اسعد زوجه فى العالم و بيحبوا زوجى بجنون و عندهم مثال للزوج الرائع

اشكركم لسعه صدركم و اسالكم الدعاء

>>>>> ردود الأعضـــــــــــــــــــاء على الموضوع <<<<<
==================================


السلام عليكم اختي في الله مشكلتك حقا صعبة فقد تاثرت كثيرا لقصتك لكن ما انصحك به هو ان تبحثي عن الحب بداخل زوجك فهو يحبك لكن كل الرجال خائنون بسبب بعدهم عن الله فالشيطان يصور لهم اشياء تجعلهم يفعلون ما يفعلون لذا كوني جديدة في اسلوب حديثك لا تبخلي عليه بحبك اجعليه كطفلك المدلل عوديه على حنانك وابتسامتك واكثري الدعاء لله واكثري الاستغفار لعل الله يهديه واجعلي الصبر زادك ووفقك الله


__________________________________________________ __________

انا من رأى
ذى ما استعنتى لربنا ان يجمعكو لبعض
استعينى بربنا ان يهديه ويرجعو ليكى زى الاول
ربنا يهدى زوجك يارب


__________________________________________________ __________

انتى عملتى الى عليكى وسامحتيه بس انتى فعلا مثال الحب الجميل واحيانا والله بيبقى ظاهر وكل عيوبه معروفة ومع ذلك الواحد بيستمر انه يسامح ويغفر عشان حبه لان المراة حساسه ولا يمتلك قلبها اكتر من واحد غير الرجل وربنا يسعدك حاولى تتعايشى دون غصب على نفسيتك اذا قدرتى الحمد لله لو لا انسحبى من حياته


__________________________________________________ __________

انتي انسانه رااااااااائعه
لو الرجل راى تلك الخيانه من المراءه
لضربها ضربا مبرحا ثم طلقها

معك خيارين من وجهت نظري
يا تتحمليه وتصبري وتبعدي عن مراقبته
وتعيشي مع نفسك مبسوطه
مع الاهتمام بجمالك وطبخ
ونفسيتك تكون مرحه وتكثري الدعااااء
بالسجود

او تطلبي الطلاق وتروحي للبيت
دون ان تعيريه اهتمام حتى يتادب ويحترم
مشاعرك
ولك الا ختيار

عسا الله ان يفرج كربك امين


__________________________________________________ __________

انا لا اعرف ماذا اقول لكي فهذا ابتلاء ولكن عليكي ان تصبري واستغفري الله 1000 مرة في اليوم واشكي لربنا حالك في قيام ليل وانت بين ايدين ربنا وقولي لله يامغير الاحوال غير حالي من حال لاحسن حال فهو قريب مجيب رحيم وخلي ظنك بالله انه حايصلحلك حالك لان الله يستحي من العبد ان ظن به ظن خير ولو سمحتي استخيري بالله كثيرا في يومك بنية ان يريكي الله ماهو اصلح وبنية تيسير الامور