عنوان الموضوع : سبحان ماكنت متخيلة بيوم يصير فيني كذا -لصحتك
مقدم من طرف منتديات نساء الجزائر

سبحان ماكنت متخيلة بيوم يصير فيني كذا



السلام عليكم خواتي
اليوم بقلكم قصتي بس ابغى شي واحد كل بنت تسمعني زين وابي منكم تنتبهون لي كويس انا وربي اكتب الحين وكلي دموع حاسة خلاص مابقى لي شي اسويه بهالكون ودي اموت وافتك بس...
انا من بلد عربي محافظ وديرتي الحمدالله مافيها الا كل الخير وانا الحمدالله كانت حياتي رزينة طبعا دخلت الصف الثانوي بديت اتعرف ع بنات وهم للأسف بنات سوء يعني بكل ماتحمله الكلمة من معنى بس والله انا ماكنت اتصور اني اصير زيهم بيوم يعني بس حسبت صداقة ومن بعيد لبعيد المهم انا كل الي عجبني فيهم قعدتهم ووناستنا مع بعض جا اليوم الي ياليتني مت فيه قبل مايصير فيني الي صار صديقتي الي هي روح بالروح معي من ثلاث سنين يعني معي من طيلة ايام الثانوية دقت ع جوالي انا رديت طبعا فجأة طلعلي صوت رجال انا استغربت بعدين توقعت انو اخوها قلت وعليكم السلام اخوي انت اخو فلانة طبعا هو قام يضحك انا استغربت قفلت الخط قلت في نفسي يمكن تستهبل معايا وحاطة الجهاز الي يغير الصوت بعدها جاني اكثر من اتصال من نفس رقم صديقتي مارديت انا حسبالي انها تستهبل معي وانا سافهتها بالأخير جاني مسج منها يقول ترى صديقتك معي انا امجد وهي تحت رحمتي!!! انا هناااا استخفيت لأنو امجد هاذا زماان كاانت تعرفه وهددها بس الحمدالله الهيئة اعانوها وفكوها من شرة بس الحين اشلوون هي معه وهو ذاك اليوم هددها دق الجوال قمت رديت حكى معي قال انتي صديقة فلانة انا قلت اييه انت مين وكيف رقمها معك قلي انو هي مو تعرفت ع واحد من فترة قلي انا الي دازه عشان يجيبها الين عندي وهاذا هي قدامي, انا قلت اسمع صوتها وطلع صدق هي صديقتي هنا انا انتهيت انتهيت لأني عارفة وش بيصير فيني صوري وفديو مصورينة انا وصديقتي مع بعض وصور خواتي تخيلوو ظلمتهم كلنا في جوال (صديقتي) انا بديت اتحسب عليه واقول يانذل وش بتسوي فيها اتركها حرام عليك انا كل هاذا قاعدة اقوله له وانا اصيح وارجف من الخوف هو بدا يرد علي بكل برود قام يقلي مشالله عليك حلوة هاذي انتي انا مارديت كل الي كنت اقوله اتركها اتركها اتركها وبدا يتغزل هو ابرد ماعنده وانا بنتهي خلاص قام يهدد اذا ماجيتي ترى كل الصور والفديو بالجوال راح تنشر كلللها ياناس ياعالم مو بس صوري فيها وصور خواتي خوااااتي ووحدة منهم كان ملكتها قريبة هنا ع طول قفلت الخط في وجهه قمت افكر وش الحل ياربي وش المصيبة الي طاحت فوق راسي المشكلة مو انا الي كنت اكلم الشباب مو انا الي كنت اطلع معهم هم مين هم صديقاتي للأسف وانا حسبالي اني في امان دام اني برة العلاقات هاذي,,جاني كذا اتصال من نفس رقم صحبتي يااالله قد ايش هي ثقيلة عليك يوم تعرف انو صحبك ابمشكلة وانت ساكت وماترد ساكت وماترد بالأخير رديت كان مررة معصب ياناس اول مرة انسان يهدني وياليتها ع صوري بس المشكلة صور اعز ناس عندي وماابي يصير فيهم شي والمشكلة الأعظم كان جنب صديقتي واسمع صراخها اسمع صراخها تخيلو الموقف بس ااخ بس وش اقول وش اخلي مدري وش كان يسون فيها انا بس فضلت ساكتة مدري من الصدمة او من صراخها الي عمري ماسمعته وهو يضحك يضحك سبحان الله ناس ماتخاف ربها انا قلت ماراح اجي لو تموت وببلغ عليكم قلي خلاص انا بنشر الصور وصديقتك بتظل عندنا لاتخافين بنحطها بعيونا وقام يضحك انا وقتها قلت خلاص تكفى اتركها وامسح الصور وكل شي واذا ماسويت كل هاذا انا ماراح اجي قال ع طوول طيب وقلي وقفي عند المكان الفلاني ورحت هناك لاتقولولي بلغي مابلغي وليه مابلغتي مستحييييل اخلي صور خواتي تنتشر مستحيل المهم جيت مكانهم الموبوء كان هو وصاحب صديقتي ماشفت انسان احقر وانذل منه بس انا ماقدرت اوقف ع رجولي من الخوف هنا جت الصدمة الي ماراح انساها بعمري شفت صيقتي وهي مغمى عليها مدري وش عطوها انا ع طول نزلت راسي ماكانت محتشمة انا حسيت بدوخة فجاة وطحت من بعدها مايدري بحالي الا الله قمت ووش تتوقعون مايحتاج اقول قمت اصيح واتحسب واقول وينها وينها خلونا نطلع فكوني وقمت ادعي من كل قلبي من الي شفته بنفسي طلعو صديقتي من الغرفة الثانية وهي تتنهد حتى ماتعرف تمشي وانا نفس الحالة هي قامت تقلي ليه جيتي انتي مجنونة وقامت تصارخ ليه جيتي ليه ااخ بس ماقدرت اقعد مرات اقول ياليتني قعدت بس بالأخير عطاني كل الصور رماها بوجهي وخذيت منه كل شي ولبست عباتي وطلعت انا وهي والدموع مافارقتنا الا يومك هاذا محد يدري ولا احد بيدري الا ربي استغفر الله واتوب اليه حسبيا الله ونعم الوكيل حسبي الله ونعم الوكيل....
بنات خواتي احبابي تكفون تكفون ابعدو عن الصور الي بالجوالات ماتدرين يمكن يوم من الأيام بتضيع
بنات تكفوون ابعدو عن الفئة الضالة هاذي وخرو عن كل شي حتى لو كانت من احسن صديقاتك اذا هي تكلم شباب وتطلع معهم ابعدي عنها صدقيني بيجيك مشاكل بالأخير لاتقولون بالبداية فلة ووناسة تراها بالأخير تبكي دم مثل مابكتني دم انا هي...
دعوااااتكم محتاجتهااا وبس والسلام خير الختام...

>>>>> ردود الأعضـــــــــــــــــــاء على الموضوع <<<<<
==================================


حسبي الله عليهم
الله ينتقم منهم ومن امثالهم شر انتقام وين بيروحوا من عذاب رب العالمين
غاليتي
كل كلمة هنا نزفتها دموعك وربي سكنت اعماق اعماقي واثرت فيني كثير
لكن ما اقول غير عسى الله ان يصبرك على بلواك ويزيل همك ويعوضك بخير الدنيا والاخرة

وهذي هي فعلا نهايه رفيقات السوء


__________________________________________________ __________

بصراااااااااحه موقادره اكتب لك شي غير انك غلطتي غلطه كبيييييييره الله يهديك
معقوله مافكرتي بنفسك وباهلك طيب يمكن هم اخذو نسخه من الصور وش دراك
هذولا مافي بقلوبهم رحمه
لييييييييه سلمتي نفسك بسرعه للتهديداتهم ليه مابلغتي احد من اهلك او الهيئه او احد تثقي فيه من قبل
لكن وش بفيد الندم بعد ماطاح الفاس بالراس
لكن عليك بالدعاء ان الله يهد حيلهم ويرد كيدهم بنحورهم
وادعي ان الله يستر عليك انتي وصديقتك


__________________________________________________ __________

حسبــــــــــــــتي الله عليهم ونعم الوكيل عليه
الله يصلحك كيف تامنين على صورك مع إنسانه مثل هذي تخـــــــــــــــــــاوي شباب ورايحة فيـــــــــها
انصحك تدعين إنها تنمسح في صلاة الوتر والله يقبل منك إنشاء الله
إنتبهي تخضعين لمثل هالاشكال ..... كوني قويه وجازمه


__________________________________________________ __________

من شاف مصيبة غيره هانت مصيبته
ممكن اعرف جاكي تهديد مره ثانيه ولا خلاص كل شي انتهى
يعني وش صار فيكم
اغتصاب؟
ياربي احنا كيف عايشين وش هالمشاكل الي نعيشها ونسمعها


__________________________________________________ __________

وشلون رما الصور في وجهك وهي في الجوال
اعتقد القصة مأخوذة من فلم هندي
لاكن بالرغم من هذا نأخذ منها العبرة