عنوان الموضوع : فيني بركان وخاايفه من الزمان اتمني دخول اللي عندها خبره في مجال الزوجيه ؟؟؟ الطبيب يجيب
مقدم من طرف منتديات نساء الجزائر

فيني بركان وخاايفه من الزمان اتمني دخول اللي عندها خبره في مجال الزوجيه ؟؟؟



السلام عليكم

انا امراه متحطمه تحطيم زوجي توفي في رمضان وعندي اربع اطفال

اصغر واحد عمره ثمانيه اشهر

وبنتي الكبيره في صف الثالث
والثانيه بعد بنت في الثاني

حالتي حاله


قبل ما يتوفي زوجي كانت حالتنا احلي حاله كل اسبوعين نسافر

وحياتنا وااايد حلوه


جبنت البنتين وبعدها جبت ولد انقلبت حياتي تدهورت

صار زوجي ما يدري عن البيت ولا يفكر في عياله

صرت اشوف اشياء تخص حريم في عرفتي

وسكت وصبرت بعدها رحت بيت اهلي ماعندي الا امي وبيت اهلي

في دوله ثانيه غير عن مسكني مع زوجي

امي مرضت وتوفت الله يرحمها والله تعبانه وانا اكتب اصيح

الله يخليكم

تصبرواا وشوفوااا سالفتي


انزين فقدت امي والحين الله يرحمها صار لها ثلاث سنوات

وجلست كذااا من غير ام وخواتي همهم نفسهم ومش فاضيتن لي

انزين الحمالله علي كل حال

وضل زوجي مثل ما هو كنت اشوف اشياء في غرفتي واذا

وصلت جمها وفتحتها اكتشف انه سحر

وهو يقول لي هذا مسوينه لي اكيد

انزين قبل ما يتوفي زوجي من خمس اشهر صار يضربني ضرب

ويطلب انه ينام معي بس يبيني اصيح وكان يضرب فيني

وجسمي فيه كدمات ينبسط ويفرح ويرووح يبوس الكدمات ويجلس يصيح

المهم جاتنه حاله مش حاله طبيعيه دخل الجنون الرجال ودخل في ديون

ما لها طريق تتصورون انه اديونه الحين فوق مليون وشوي

وهو ما صرف علينا منها كله حق بنت الحرام وبنت الحرام تصرفها

حق السحر

انزين توفي زوجي بعد حاله جنونيه الله يرحمه

تصدقون اني متبهدله ما تتصورون بنتي صارت تغيب عن المدرسه

وصار اشياء يطلبون لها في المدرسه ما اقدر اجيب لها

الانه ليش انا عايشه في السعوديه وماقدر اطلع كثير حدي ارووح مع

جارتي المستشفي ولدي الصغير ضل يوم ما عنده حليب ادق علي جارتي

ما ترد

وجارتي الثانيه تقولي رووحي حق اهلج وين اهلي اهلي في الكويت من بيوديني

دقيت علي اختي وترجيتها وما في فايده اقولها انا جالسه في ايجار

خليني اعيش عندك لو خدامه
بعد خمس اشهر بيجي وقت الايجار

انزين هذي مش سالفتي

سالفتي تبدا الحين

الله يخليكم

بعد وفات زوجي اكتشفت اني حااامل حاامل حاامل

ياناااس شاسوي

اخذت تحليل وقال حامل

انصدمت انصدمت قالت لي جارتي رووحي الحكومه المستشفي وقولي لهم

ينزل عليك دم خفيف ورحت وقلت لهم نفس الكلام

سولي تصوير قالوا لي ما في كيس ولا في بيبي

فرحت كثير فقالت لي الدكتوره يمكن خارج الرحم

وتنومت يوم بعدها طلعت ما قدرت اترك العيال

شربت بندووول وبيبسي اخذت 5 حبات

ومانزل عليه شئ

بعدها قالت لي جارتي عندي حبةب تنزيل دوره واكلت 11 حبات

بعدها اكتشفت انها حبوب تثبيت

ورحت ادور في اغراض اذكر زوجي كان رايح الفلبين وجايب

حبوب اسمه ساستوك واذكر قال لي زوجي لا تاكلين منه هذي للرجال بس

فقلت ليش قال هذي تسوي انقباض في الرحم

ودورت عنه في النت وفعلا ينزل البيبي

المهم اكلت الباكيت كامل 8 حبات ونزل عليه دم بني والم خفيف

المهم رحت المستشفي سوالي الدكتور تصوير قال فيه كيس بس ما فيه بيبي

اا خايفه وايد
من الي بيصير شنو اسوي الحين يمكن يطلع البيبي بعدين انا شاسوي

كيف بيصير وضعه صاحي ولاء ياربي لا تحاسبني

اه احس اني ما انام بليل واشوف عيالي قدامي قولوالي شايسوي الحين اروح المستشفي واعترف

الله يخليكم نصحوني

انا سويت كذاا عشان الدكتور قال لي خارج الرحم

تحياتي

مشكلتي وتعبانه من مشكلتي

>>>>> ردود الأعضـــــــــــــــــــاء على الموضوع <<<<<
==================================


حبيبتي الله يكون في عونك ...

طيب ليش تسوين كذا في نفسك تاكلين كل هذي الأدويه !!!!!!!!!
وصحتك .. ما خفتي على نفسك ؟؟؟؟؟؟؟؟؟؟؟؟؟؟؟؟؟؟؟

تبين اولادك لا سمح الله يفقدونك مثل ما فقدوا ابوهم ؟؟؟؟؟؟!!!!!!!!!!!!!!!!!!!!

يا حبيبتي اهم شي صحتك واولادك وبعدين حتى لو خارج الرحم مو عذر لك اتركي امرك لله ...
مو تهلكين نفسك ؟؟؟؟؟؟؟؟؟
وافرضي صار حمل الحمدلله يمكن يكون هذا البيبي اللي بيجي رحمه لك ويكون ابر عيالك بك
ربي ما يكتب للإنسان الا الخيره .....

ع العموم انتي روحي للطبيبه واحكي كل شي عشان هي تتصرف , ولا تفكرين باللي صار لأنه خلاص صار وانتهى الأمر , واللي ربي كاتبه بيصير وربي هو الحافظ سبحانه ,
يا ما ناس ما اكلو حبوب ولا شي وطلعوا اولادهم مشوهين او فيهم اعاقات لا تفكرين في الموضوع
فكري في نفسك وعيالك .......

وبعدين غريبه ليش ما ترجعين لبلدك ؟؟؟؟؟؟؟؟؟
ع الأقل هناك بيكون فيه احد من اقاربك ومعارفك وماراح يتركونك في هذي الحاله ......
اتصلي على احد من اهلك يرسل لك حق السفر وحاولي تشتغلين شغله وترجعين لهم فلوسهم وتصرفين على نفسك واولادك .............

الله يعينك ويصبرك ويفرج همك يااااااااااااااااااااااااارب .........
ماراح انساك من دعواتي ................


__________________________________________________ __________

الله يكون في عونك
وانا مع الاخت شكيمه


__________________________________________________ __________

انا لله وانا اليه راجعون
الله يصبرك اختي امين يااااااااررب


__________________________________________________ __________

صراحه قصتك توجع القلب وماادري وش اقول بس انا مع اختي شكيمه

وبعدين روحي للجمعيات الخيريه أعرضي لهم حالتك شي اكيد بيساعدونك

الله يكون في عونك ويفرج همك


__________________________________________________ __________

اللي انتي فيه عدة مشاكل مومشكلة وحدة الله يصبرك وين اهل زوجك عنك ؟لازم يصرفون على عيالك

واللي اعرفه ان الحكومة تعطيكي مساعدات لازم تشوفين لك طريقة الشؤون يتكفل بمصاريفك انتي و

عيالك والمفروض اهل زوجك اما ياخذونك تعيشين معهم او يعطونك ايجار للسكن ومصروف لعيالك

وبالنسبة للحمل تقولين عملتي تصوير ومافيه بيي كيف تبين تنزلينه ؟؟اهتمي بصحتك وحاولي توصلين

لاهل زوجك ويساعدونك بكل شي واذا عندك حد يكلم الجمعيات الخيرية يساعدونك الظاهر زوجك معمول

له سحر واذا اللي مخلي تصرفاته مثل المجنون الله يرحمه اهتمي بنفسك وبعيالك ولو تقدرين تدورين لك

على وظيفة لو حضانة او روضة اطفال او ممكن تسوين حضانة عندك بالبيت تكلمين جارتك تكلم معارفها

واله يعينك