عنوان الموضوع : شورو علي يا اخواتي -لصحتك
مقدم من طرف منتديات نساء الجزائر

شورو علي يا اخواتي



انا مطلقه من خمس شهور وعندي بنتين
خطبني واحد متزوج عندو 3 زوجات ويبغني انا الرابعه
هومقتدر وغني ويوعدني ببيت لحالي انا وبناتي وانه بيعطيني الي ابي
اهلي يبوني اوافق عليه
لكن انا يا بنات ابي واحد ثاني بس مافكر يتقدملي ولا درا عني
احس اليوم بالعبره خانقتني اهلي ظاغطين علي عشان اوافق يقلون احمدي الله جاك واحد غني يظفك انتي وبناتك مراح يجيك واحد لسا ما اتزوج او ماعنده حرمه
ايش اسوي يابنات انا احس اذا خذيته اني بدفن نفسي وان حيه احس اني كثير عليه
احس مايستاهلني الا شخص ما عنده زوجه شخص اكون الوحيده بحياته ايش اسوي شورو علي يرحم والديكم

>>>>> ردود الأعضـــــــــــــــــــاء على الموضوع <<<<<
==================================


اول شي استخيري
ماتدرين يمكن يكون احسن من غيره
وانتي معك بنات وهو موافق يعيشون معك
يمكن غيره يرفضهم وتندمين ان ماخذتيهم
واهلك واضح انهم ماعندهم استعداد يتحملون بناتك
احمدى ربك ووافقي


__________________________________________________ __________

شوفي ماشاء الله انتي عندك بنتين مو بدون بنات وطبعا ماشاء الله عليك جاك نصيب كيف تبين تاخذين واحد مو متزوج ومعاك بنات !
شي طبيعي انو بيجيك واحد زي كذا , شوفي صلي صلاة الاستخاره وادعي ربك ويمكن يكون هذا خير لك ! توكلي على الله ووافقي خذيها مني وهو قايل بيعيشك انتي وبناتك في بيت ! وأكله ونايمه وشاربه انتي وبناتك وكل اللي تبينه بتاخذينه وش تبين اكثر من كذا ؟


__________________________________________________ __________

كلام البنات صحيح حبيبتي إلا لو البنات مايبيعيشو معاكِ
يعني انك تاخذي واحد مو متزوج وبناتك معاكِ احسها صعبه عليه وعلى بناتك رغم انه فيه شباب تزوجو مطلقات ومعهم أطفال
وبالنسبه للخاطب اللي متقدم لك الحين وشوفي اذا كنتِ قادرة تتحكمي بغيرتك كونه متزوج وثلاث ماشاء الله وبتساعديه على العدل بينكم هذا غير انه مابيكون معاكِ طول الوقت ... استخيري ربك وفكري ولا تعيدي تجربه ممكن تفشل لا قدر الله اذا وافقتِ بدون اقتنااااع
موفقه ياقلبي


__________________________________________________ __________

احمدي ربك انه مقتدر ويبيك مع بناتك وماقال انتي لوحدك وبناتك صرفيهم,,
وبيحطك في بيت لحالك معززه مكرمة أنتي وبناتك,, وين المشكلة؟؟
ماأشوف اي سبب للرفض,,
لاترفسين النعمة,, استخيري والله يكتب لك اللي فيه الخير


,,,,,,,,,,,,,,


__________________________________________________ __________

اختي انتي بإمكانك تحددين ايش الأنسب لك ولبناتك
لكن احب اقولك الزواج من رجال ماعنده إلا أنتي فيه خطر على بناتك
لأن البنات بيصيروا صبايا وهالوقت المحارم ينخاف منهم فما بالك بزوج الأم
لا تروحين بعيد بالخيال انك بتعيشي قصة حب وغيره في النهايه المطلوب في الزواج هو الإحترام المتبادل
والثقه والتقدير
لو كان هذا الشخص محترم ومقتدر
ماهو مطلوب اكثر من كذا
والحلو انك الرابعه يعني ماهو متفرغ يجلس عندك طول الوقت
لأن مثل ماقلت لك عندك بنات تخافي عليهم
اوزني عقلك واتخذي قرارك
والله يكتب لك اللي فيه الخير ..