عنوان الموضوع : ماالحل مع شقيقتي مجابة
مقدم من طرف منتديات نساء الجزائر

ماالحل مع شقيقتي



السلام عليكم ورحمة الله وبركاته
مالي بالمقدمات وغيرهاا ..
انا من فتره متابعه لمواضيع قسم مشكلتي
والحمد لله جاتني القدره اني انزل مشكله صار لنا سنوات نعاني منهاا
اللي هي اختي الكبيره ..
كل مايتقدم لها واحد ترفضه سوا فيه عيب او رجال كامل
هي مو ناقصها اي شي وعشان كذا كل يوم تردد هالعباره
وش ابغى بالزواج انا مرتاحه كذا . اللحين عمرها 29 ومابقى شي ع الثلاثين
وكلام النااس كثير .. لدرجة اقاربنا بدو يقولون تحب واحد وتركهاا
وربي تعبنا معهااا .
بس تسمع بطاري خطوبه تبدا تمرض وتستفرغ ( الله يكرمكم ) وماتنام وتدوخ
قلنا اكيد عين وديناها مشايخ قرينا عليهااا مافيها شي
قلنا يمكن تمثل بس من جد تتعب
طبعاً اخر شي وصلت له انها ماتبي تتزوج ابداً
حرام عليها وقفت نصيب خواتي الباقيااات . كل ماجاء عريس خذنا رايها قبل الكل ..
اللحين جاي واحد خطب من عندنا قامو اخواني قالو مافيه الا فلانه يقصدونها
لان خواتنا الصغار مخطوبين .. وبكذا كذبووو وقطعو نصيب الصغار
وهم عارفين ومتاكدين ان هي ماراح توافق
كل يوم امي تكلمها تقول لها العمر يجري والناس كل واحد بيشوف حاله وبتجلسين لحالك
تقول احسن ارتاح منهم
انا مدري وش فيهااا بس من جد تعبنا معهاااا . ومانبغى نضغط عليها
تقول جبروني على شي . مع ان اخواني استخدمو معها العين الحمراء اكثر من مره بس مافاد
وربي كرهت جماعتنا فينا الكل بدا يقول بناتهم مغرورات وشايفات انفسهم
كل ماخطب واحد ردوه ولا طردوه
وهم مايعرفون ان عندنا مصيبه
عطوني حل الله يجزاكم خير .. ولا ادعو ربي يفرج لنا من اللي احنا فيه

>>>>> ردود الأعضـــــــــــــــــــاء على الموضوع <<<<<
==================================


الله يلهمها صوابها امكن يااختي عندها مشكله لازم احد منكم يكون قريب منها ويفهمها اكثر امكن تتكلم معكم وتقدرون تشوفون وش المانع عندها وتحلوه


__________________________________________________ __________

حبيبتي حاااولي تفهمين منها سبب الرفض ممكن مااتحب الرجال وعشان كذا تكره الزواج ..
وحرام تووقفوا نصيب خواتك الصغااار بسببها لانو هي اللي رافضه ..
وعادي انا تزوجت قبل اختي الكبيره وبعد عرسي بااسبوع جاها نصيب ووتزوجت وكانت بالبدايه كذا نفس اختك مو راضيه تتزوج بس ابوووي حاااول وكل مره ترفض تقووول مو مرتاحه ويكون الشخص والنعم بس مع اصرار ابوووي وافقت والحمدلله الحين مبسووطه..


__________________________________________________ __________

كلمي امك اذا هي ماتبي تتزوج تزوجكم انتو

يمكن بعدين اذا شافتكم متزوجين تتزوج

حرام يوقفون حالكم عشانها


__________________________________________________ __________

ضروري تتزوج
لانها بعدين بتندم
الله يهديها


__________________________________________________ __________

مو شرط تبقون انتو ماتزوجتو انتي واخواتك الاصغر لانها ماتزوجت حرام هاذا الشيء مايجوز خلاص هي بكيفها ماتبي بس انتو لا ترتبطون فيها كقير ناس مثل حالتها وتزوجو الصغار وخلفو وعاشو حياتهم وهي ان شاء الله متى ماجا نصيبها تزوجت المفروض هي من نفسها تقول لامك وابوك انا مابي اتزوج اذا اخواتي عادي يتزوجن لايترتبطون فيني .... والله يهديها ويوفقكم انصحوها يجي يوم وتندم الي رفضت تتزوجو اذا كان شخص دين واخلاق الوقت هاذا مايتعوضون الصراحه والمراه مالها الى بيتها وزوجها الله يعينكم...