عنوان الموضوع : نفسي يحس بيا
مقدم من طرف منتديات نساء الجزائر

نفسي يحس بيا



السلام عليكم ورحمة الله وبركاتة


بجد نفسي افضفض وملقتش غيركم احكيلوا

انا متزوجة من 3 سنين وبحب زوجي
هو كويس مش وحش اوي
علي الاقل مش بيضربني
بس مشكلتي معاه

اني مش بحس بحنية منه خالص

اقربها من يومين كنت تعبانة وللاسف حضرتوا دخل نام وسابني وانا حرارتي مرتفعة وتعبانه حتي ما هنش عليه
انه ياخدني اي مستشفي
بدل ما يجرالي حاجه من السخونية لدرجة اني كنت بحس بصداع شديد والام بعظمي كلة
وهوة ولا علي باله كل الا طالع علية نامي وانت هترتاحي وتصحي فايقة
اكتر وقت الانسان بيبقي محتاج لحد يقف جنبة هو لما يبقي تعبان

بس انا عرفت بعد الجواز ان هما اتربوا علي كده ما فيش حاجه اسمها حنية عندهم

مع انه في الخطوبة كان بيتمنالي الرضا ارضي
وكل طلباتي مجابة حتي لو طلبت لبن العصفور

بجد سبته وقعدت ابكي لوحدي من الالم والحسرة وكمان مش قادرة اتصل بأمي علشان هي الا تاخدني وتوديني لدكتور

لانه بيتدايق لما بعمل كدة
ومش قادرة اعرف اية السبب الا بيدايقه هو كتوم قوي ولما بيزعل من حاجة مش بيقول

المهم ان الاستاذ صحي الصبح ماهنش علية يصحيني ويطمن عليا ويشوفني خفيت ولا لسة تعبانة

قام لبس ونزل وبصراحة انا كنت صحية بس عملت نفسي نايمه عندي امل يجي يصحيني و يطمن عليا

المهم اني الظاهر كنت بفكر في الوهم
بعد حوالي ساعة اتصل بيا بالتلفون وقالي انوا جايبلي فطار وكمان غدا وكمان هو الا هيعمل الغدا بنفسة

علشان يعني انا تعبانة قولت كويس ابتدي يحس بيا

بس اتاخر قوي فاتصلت بية لقيتوا بيقولي انه في المستشفي مع واحد صاحبة بيحجزلوا علشان هيعمل عملية لانه مش بيخلف
وعايلة مراته بيسمعوه كلام مش حلو وصعبان علية قوي صحبة دا
قولتلوا طيب وانا مصعبتش عليك وانت سايبني تعبانة ونزلت لا وكمان روحت بصاحبك المستشفي وسايبني
انا تعبانه وسخنه من انبارح ومهانش عليك حتي تجبلي مسكن
راح قالي صعبان عليا اسيبة لوحدة
رديت وقولتلو بصراحه وصعبان عليا انا كمان
خليك معاه

وبعد ما رجع كانت الساعه بقت 5 يعني قربنا علي المغرب كل دا وانا ما فطرتش ولا حتي اخدت دوا للسخونية
الا عندي وعملالي صداع فظيع في كل جسمي رجع حضرتوا ولا حتي قالي عامله اية دلوقتي
دخل قوام علي المطبخ حضر الاكل

وجه سندني لاني مش قادرة امشي من الوجع والتعب
لحد الصفرة واكلنا واداني المسكن الا جيبه معاه ودخل نام

شوفتوا الضمير

وبعد ما صحي اقعد يدور علي رقم تلفون دكتور ذكورة لصاحبة العيان
واتصل بيه وقالوا يقابله وينزلوا مع بعض يروحوا للدكتور


واخدني وصلني عند ماما لانه شغال بالليل وانا بخاف ابيت لوحدي في الشقه
هي ماما ساكنه جنبنا
المهم وصلني لحد باب العمارة ومشي ولا سال فيا سابني اطلع لوحدي وانا شايلة البنت

وتعبانه

وطول ما انا قاعدة نفسي التلفون يرن علشان يقولي عاملة ايه دلوقت بس للاسف

مرنش الا الساعة 12 الظهر بعد ما رجع من شغلة الساعة 7 ودخل نام وريح شوية افتكرني بس للاسف

البيه اول ما رديت بيزعقلي ويقولي انت مش جاية ولا خليكي قاعدة هناك هو انا دايما لما ببيت بروح الظهر بس انا كنت تعبانة
وصحيت قبل ما يتصل بحوالي 15 ساعة وماما فطرتني وادتني الدوا وكنت قايمة علشان البس وامشي
بس هوه معندهوش صبر
اول ما روحت فتحلي الباب ودخل نام تاني قولتلوا احضرلك الاكل قالي لا
وفضل نايم وصحي لبس ونزل قولتلوا رايح فين قالي مشوار وهطلع علي الشغل
وهتغدي برا

طيب انا عملتلوا اية بس دا انا تعبانة كمان لاني كنت طول النهار وقفه مع اخته في فرحها وكنت معاها في الكوافير

لما بسالوا انا وحشة معاك في حاجة او بعمل حاجة غلط تزعلك مني بيقولي لا

امال اية الا بيخلية جامد كده زي مايكون
قلبة دا مش فلب دا حجر عمري ما حسيت انوا بيخاف عليا او حتي حنين عليا

قولولي بس اعمل اية رسايل حب ببعتلوا كل يوم علشان قلبة يحبني ويحن عليا شوية


وكل حاجة حلوة بعملهالوا

وعمري ما سببتلوا مشاكل

وعمروا ما اشتكي مني

قولولي بس انا نفسي اعيش الرومانسية والحب مع جوزي اعمل اية

اخلية يحبني ويخاف عليا ازاي

>>>>> ردود الأعضـــــــــــــــــــاء على الموضوع <<<<<
==================================


للرفع ............


__________________________________________________ __________

ياحبيبتي ماتعمليش حاقه فوضي امرك لله ان الله بصير بالعباااد
يعني لو فكرتي فيه واشغلتي نفسك بيه مش حتنولي غير الهم والنكد لنفسك دامه طيب وحنين ومايعملش حاقه تزعلك بس عاوزه شويه حنيه داه احمدي ربك عليه كافي خيره شره
وانتي استغلي الأوقات الي بيكون طالع فيها لشغل اعملي اكله بيحبها واتزوأي واتزبطي واعمليله ليله من الف ليله يعني سعادتك جيبيها لنفسك لااا تستني حد يجيبها لك
واجلسي معه وصارحيه انك بتحبي فيه اخلااقه ومبادرته لعلااج صديقه بس هم هالشي مايخليه ينسى انك زوجته وام بنته وحبيبته والأقربون اولى بالمعروف يعني لو هالبادره الطيبه صارت منك لي بتاخذ علييها الأجر بإذن الله
ومن هالكلاااام الحلووو
وانصحك ياأختي هالأمور تقدري تتلااشيها بتعاملك معه وتذكيره بهالشي وتحاوري انتي ويااه يعني لاااتشيلي بقلبك وتكتمي على صدرك
الزمي الإستغفاااار ففيه الفرج من عند الله
وادعي ان الله يحنن قلبه عليك
ودعواتي لك بالراحه والإستقراااار والله يحنن قلبه عليك ويهتم فيك


__________________________________________________ __________

الرجال كذذا ما يحسو بقيمة ابني ادم الا لما يفقدووه


اكيد بعد موقف صععب يصير بينكم
رح يحس بقيمتك

ربي يسخره لك ويحنن قلبه


__________________________________________________ __________

شكرا حبايبي لردكم

بس انا نفسيتي تعبانة جدا من هذا الموضوع كتير بحس انوا هاملني

قولولي طريقة اخلية يهتم شوية بيه
واكون شاكرة ليكم
الله يخليكم


__________________________________________________ __________

الله يهينك حبيبتي وانتي تقربي لله وان شاء الله ربي يساعدك ويوفقك دنيا ودين