عنوان الموضوع : أسألكم بالله يا مشرفات تنزلون شكوتي جعلها تكون ذمة في رقبتكم -لصحتك
مقدم من طرف منتديات نساء الجزائر

أسألكم بالله يا مشرفات تنزلون شكوتي جعلها تكون ذمة في رقبتكم



السلام عليكم

يابنات اانا جاني ولد خالتي يخطبني هو اكبر مني ب 8 سنوات

تقولي امي انه شالني وانا صغيرة على يده وهو الحين يبي يتزوجني

انا عمري 16 سنة وهو عمرة 24 سنة بنات مهي هذي المشكلة

رفيجاتي شافوه وقالو عنه انه متين هو صج متين بس والله انه طيييييييييييييييييييييييييييييييييييييب وانا اعرفة بعد هو كله يحب اليهال ويحب يلعب معاهم وكلة يقول حق خالتي اللي هي امه انه لين يتزوج بشتري بيتين بيت حق عيالي "من كثرهم-يعني يبي اييب وايد يهال" وبيت لي ولزوجتي هو يمزح طبعا بس يعني يبي يقول انه يبي يهال وايد
المهم انه طيب وحنون وامي وامه وابوة واخوانة وكل العالم يحبونة
بس رفيجاتي يقولون لي انتي وايد حلوة وجسمج حلو والله ما امدح نفسي بس والله هم اللي يقولون لي جيه والكل يشهد لي وهو مب حلو وجسمة متين خالتي تقولي ان وزنة 120 وطولة 180 "ماشا الله هم عندهم خيير ما شا الله الله يزيد ويبارك عشان جيه هو متين " يا بنات هل في السمن تأثير على الرجال ؟؟؟ وهل صج انه يستحق اني افكر من ناحية الجسم ؟؟ هو اخلااااااااااااااق وذووووووووووق وطيييب ويطيع الله ثم ابوة وامة وعلى نياتة وانا اشهد له كذا موقف وقت الفزعة والرجولة رجال ووقت الاهل والغشمرة طيب وحنون ويفرفش لدرجة والله اني ما اقدر اقارن بين لين يكون في موقف رجال او لين يكون معانا يعني يعطي كل شي حقة



امانة بنات اذكرو الله ان دش فخاطركم

بس بذمتكم كل من تقرا ترد علي وتقولي رايها

وتحط نفسها في مكاني بتقبل فيه ان تقدم لها؟؟

>>>>> ردود الأعضـــــــــــــــــــاء على الموضوع <<<<<
==================================


اممممممممممممممممم *.*
بالله عليج يبيلها سؤال هذي ؟؟؟؟
دام شاريج ويبيج وماخليتي كلمة حلوة ماقلتيها عنه ليش السؤال !!!
استخيري والله بيكتب لج الخير
وبالنسبة للوزن والله انتي بيدج وبمساعدتج تقدرين تخلينه ينزل وزنه يعني ما اشوف فالوزن مشكلة...

موفقة وبشرينا


__________________________________________________ __________

انا لو مكانك بقبل ومن دون تفكير والله يقدم اللي فيه الخير اقبلي فيه وتوكلي على الله وكان يحملك وانتي صغيرة شي حلو وزكرى احلى ما فيها شي
وبالنسبه لصحتو في يغير من طريقة اكلو ونوعو في يروح نوادي رياضه في يخفف اكل قبل النوم
بس طول ما انتي بتمدحي فيه وبتقولي رجال وشهم وما في منو توكلي على الله


__________________________________________________ __________

استخيري ربك وتوكلي على الله وبعدين الجمال جمال الرووح مو جمال الشكل واكيد دامه عنده اخلاق ويبغاكي انتي وبس بيسعدك باذن الله ولا اقولك احتاري بين اثنين واحد عنده جمال خارجي يعني يجنن من ناحية جسم وشعر ووسامه لاكنه يسكر وماعنده اخلاق ويضربك كل يووم ومايصلي جميع الفرووض ودايم انتي وهو في مشاكل ...او اوحد جماله الخارجي عادي لاكن عنده جمال داخلي اخلاق وذوووق واحترااام ويحبك؟؟؟ اختاري بين الاثنين؟ وبعدين دامك انتي حلوه وجسمك حلووو خلاص عشان انتي تجين احسن منه وتكووني انتي الحلوه مو زوجك الي احسن منك.. والله يوفقك ويسعدك ويسهل امورك


__________________________________________________ __________

الوزن مايأثر على شي
ومثل ماقالو الخوات بامكانك تساعدينه بس ماشوف انها مشكله
ياما حلوات تزوجو متان وياما حلوين تزوجو دبيات
اهم شي التوفيق اسأل الله لك التوفيق ..


__________________________________________________ __________

اسمعي ابعطيك نصيحـه وبس وانتي وكيفك عاد:الافضل ان الوحدهـ تتزوج واهي تكون احلا منه كشكل مظهر خارجي وداخلي عشان مايتكبر عليها وعلى باله يكون
ثاني شي صديقاتك غايرين منك صدقيني حاسدينك لانه ولد ناس الحمدالله وعنده خير وش دخلك بكلام الناس اهم شي انتي تحسيه زين خلاص وافقي واستخيري وان شاالله ربي يهديك لطريق الصح ااامين ان شاالله