عنوان الموضوع : مليت -تم الاجابة
مقدم من طرف منتديات نساء الجزائر

مليت



بسم الله الرحمن الرحيم
عندي مشكله إلا وهي الوحده القاتله أنا بنت عمري 16 إللي بسني عندهم صديقات ؤانا ما عندي صديقه قبل كان عندي بس فجأة يتغيرون علي ليش مادري لكن أنا مايهموني أحمدالله اني اكتشفتهم بس الحين ماعندي أحد إشكيله حتى أكي أقرب انسانه لي ما أقدر إتكلم لأنها يمكن ملت وساعات والله اكسر خاطري نفسي يعني توني بتكلم بس هي تمشي ؤما أحس إنه لحيأتي معنى مليت من هالعيشه أبوي ظالمنه ويقهرنه والله حرام عليه حسبي الله ونعم الوكيل فيه والله مليت حتى في المدرسه ماعندي صديقات مع إنه أنا دمي خفيف ومزوحه بس ما أعرف شلون يعني عادي أكلمهم بس مو صديقات تعبت نفسيا أحس نفسي مره وحده بنفجر من الآشياء اللي كاتمتنها في قلبي

>>>>> ردود الأعضـــــــــــــــــــاء على الموضوع <<<<<
==================================


معقوله ولا رد واحد


__________________________________________________ __________

حبيبتي قلبي انتي فظفظي طلعي الي بقلبك الي قلتي مي هي المشكله احس بقلبك شي لانك تتحسبي على ابوك وهاذا مهما كان ابوك انتظر ردك اما الصديقات راجعي اسلوبك يمكن فيه شي يمكن اقول ويمكن خيره لك انه ما معك صديقات احيانا يظلون عموما بنسبه لي مشكلتك مش مفهومه فيها جزء مخفي تماااااااااااما ولك تحياتي


__________________________________________________ __________

لن تجدي صديقات احسن من لي في المنتدى فنحن هنا لسماعك فضفضي وريحي قلبك


__________________________________________________ __________

ياقلبي انانفسك مالي صديقات انكانك تبغيني اصادقك ماعندي مشكله راح اكون لك الصديقه والاخت اذابغيتي راسليني على الخاص وفضفضي على كيفك


__________________________________________________ __________

سالفة أبوي هاذي بروحها هم أبوي خلنا يوم كنه صغار حسبي الله عليه وتزوج على أمي ولا فتكر فينا ولايسال عنا إذا نأكل أو نشرب حتى مصروف مايعطينا أصلا هو مايحبنه من الأساس لأنه عنده ولأد من زوجته الثاني فليش يتعب نفسه عشانه في كلشي يفرق بينه وبينهم أولا ساكن وياهم ويحب بنته بس ولده مايحبه كثر بنته هو يحب أخوي أنا ما أحسده بس يفرق بيني وبين أخوي يعني كلشي يشتري له عادي بس أنا إذا أقولها حتى لو شي بسيط والله أنا ما اطلب شي يسوى يقول لي أنتي كلشي تبين والله يقط كلام مثل السم وأكثر حتى مصروفي ماتتخيلون كم نص ريال يعني بختصار انسان حقير لأبعد الحدود لاعنده ذمه ولا ضمير يعني إحنا فقدنه حنان الأب ولا حسينه فيه أصلا ولا مره حسيته أبوي ولامره قالي كلمه حلوه حسسني اني بنته وبنته الثانيه إذا تتصل له يتكلم وياها بصوت واطي وتقول لها يجيب لها إشياء ولا يقول لها شيء
لا واحنا يذبحنه إذا نبغي شي وانا ياست من الدنيا مليت ما أحس إنه لي داعي بالحياه يعني مت ولا عشت محد درئ فيني خلوها على الله بس