عنوان الموضوع : مادري انا المعقده ولا الي تسويه صديقتي شي عادي -لصحتك
مقدم من طرف منتديات نساء الجزائر

مادري انا المعقده ولا الي تسويه صديقتي شي عادي



سلام..عزيزاتي حبيت اكتب لكم مشكله ومادري بالاصح مشكله او انا اللي مكبره الموضوع
اول شي انا لي صديقه ماشاء الله انا وياها متفقين بكل شي أخلاق وشطاره وكل شي ومتفاهمين..امم صديقتي ماعندهم نت وعندها جوال فقط..اما انا عادي املك جوال ولالابتوب وتلفزيون وكل شي قولو ماشاء الله .هي معروفه بأدبهآ واخلااقها زيي
اول مانقلت لفصلها قبل نتصادق لاحظت كل فصلها يكرهونها ولما صادقتها يسولفون معي عن السبب يقولو اسلوبها معنا وممادري كيف المهم صرت انا وياها صديقات وسمن على عسل وطلعت غيير عن كلام البنات ونحب بعض بقوووه ومآنخش عن بعض شي الزبده..
بيوم من الأيام قالت لي ان رقم غريب دق ع جوالها وانها ردت وسكتت وطلع واحد يتكلم وكذآ وهو حس وعرف انها بنت وصار يسولف عليها وهي تسمع وساكته..وصار يوميا يدق وسجلت رقمه عندها بأسم بنت وهي ترد وماتسمعه صوتها وصار يغني عليها ويسولف وماخذ راحته وهي مبسوطه.وصار وارسلها يعرف بنفسه وبعمره وقالها عرفيني عليك ومادري وكتبت له تعرف عن نفسها بس معلوماتها مو صحيحه تقولي انو هي مره طلبت منه بطاقه شحن وقالها من اولها ! وتعودو ع بعض فتره وعادي يرسل لها رسايل غزل وكذآ وتقولي ارسلها صورته تقول يخقق ويجنن وتعلقت فيه هي حتى لدرجه يدق عليها وهو مع ربعه..وبعد فتره لما هو طفش منها تركها..صديقتي عقب هالسآلفه تغيييرت صآر أي رقم غريب يدق عليها ترد ويطلع ولد ترد وتتكلم معه يعني تجادله ليش متصل ويلاسكر وكذآ!!انا اشوف هالشي ماله داعي من الأسآس تجادلين الشبآب!وتتكلم معهم تسب هذآ وتصرف هذآ وتقولي حركاتهم معهآ وكنت استغرب الجرأه هذي اقولها فلانه كيف ترضين تسوينها!اصلا انا لو اشوف رقم غريب اسفهه واذا ولد وربي من اسمع صوته اسكر بوجهه اخآف وانتي جرييئه شلون!...المهم جات فتره تغيرت فيها صديقتي طبعا الحين معرفتي فيها 4 سنين والسالفه ذي صار هالسنه..لما تغيرت صديقتي ع نهايه هالسنه الكل كرهها بقووه يقولون فلانه انتي صايره جريئه!يعني حتى بنات فصلي لاحظو..كنت استغرب صارت تعرف سوالف المتزوجين وصار كل شوي تقولي كلمه......ياربي ماقدر اقولها الكلمه ذي تعبر عن رغبه جنسيه بس ماتقصدني فيها.صرت اصارخ عليها بالفصل عشان تسكت عورني راسي من حركاتها تغيييرت حركاتها زي حركات الصبيان..وكل شوي تقولي دق علي واحد ودق علي واحد..لمن جات الاجازه مره غلطت هي برقمي وارسلت لرقم غريب تقولي خفت وارسلت للرقم اعتذر!.تخيلو ماكفاها الاعتذار راحت تدق ع الرقم الغريب طلع لها هندي..يعني انا اشوف كمان ماله داعي تدقين عليه!طلع رجال يعني وفرضا طلع شآب من بلدكك وش بيفكها من الشبآب...بختصار(احس صديقتي عندها كذآ طاقه زايده تبي تكلم أي احد بأي طريقه وتحتك بالشبآب وتلعب معهم طبعا تقول نيتها مو تعارف وتكلم وكذآ لا يعني من بآب التسليه تسلي نفسهآ طبعآ احس هالشي بالنهآيه بيجرهآ انا خايفه عليهآ بس ولو نيتها زينه)مع انها والله العظيم اخلاق واهلها محافظين وملتزمين ويهاوشونها وشكون فيهآ حتى لاكلمتني..لكنها تغييرت..والحين قبل شهر اشتركت بخدمه شابك ع جوالها زي الشآت والنت لوق فيها بروفايل ونآس وهيكك..هالشي خربهآ اكثر..كل يوم تقولي تكلمت مع فلان وفلان وتقولي سوالفها معهم.انا بحكم اني مجربه الدردشه قبلهآ والله مامنها الا البلاوي تقولي اسمع كلام سكسي ووسخ واحيان يسبوني احس هالاشياء بتفتح عيونها ع شي اككبر والله هالاشياء دماروهي تغيرت صارت كل سوالفها عن الشبآب وعع وربي اكره هالشي..تخيلو تقولي انا استغرب منكك مايعجبك أي شآب محد يدخل مزاجك..لانها كل مره تطلع لي بواحد يازين فلان وياحلو فلان.وانا انقرف من هالسواليف.والله العظيم ان اهلي مو متشددين ومعطيني حريه ولايدرون عني وبمكاني اكلم شباب واستخدم النت استخدام سيئ بس وربي اخاف من ربي ومابي اخون ثقه اهلي وانا من الله كذآ ماتجذبني هالسوالف احب فلان وكذآ يعني انا مابي أحب ولاابي اسوي مثلهآ مادري تشوفون اني معقده !لان هالسوالف ماتعجبني!..اخر مره تقولي انو اتصل عليها واحد يقول انه شرطي من نفس منطقتنا المهم هي كل مره تقولي وش رايك بصوتي وتدلع صوتها بقووه وتميعه تقولي كذآ ارد ع الشبآب..المهم تقول رديت ع الشرطي بصوتي المآيع بصرآحه انقرفت.وتعرفو ع بعض وقآل بخطبك من مكالمه وحده واخرتهآ سحبت عليه وقآلت لاعاد تتصل وتركهآإ.يعني الي كنت استغربه!ليش تحب تاخذ وتعطي بالكلام مع الشبآب وتدلع صوتهآ وكذآ!بنآت يمكن تقولون انتي حشريه وش دخلك بالبنت بس والله ان خايفه عليها وثاني شي تقرفني هالسوالف كل مره استغرب من جرأتها.مرات اقول شكل هذا نقص فيها لان هي تقول محد يحبني وفعلا البنات مايطيقونها يعني احس راحت تدور البديل عند الشبآب..ومرات اقول معقول نفس كلامها ان نيتها زينه وبس تبي تتسلى.احيان اقول التسليه ممكن تخليها تنحرف بدون ماتحس..الصراحه انا بديت اتضايق وربي اتضاايق لما اسمعها تقولي انهم خقو على صوتي وانهم وانهم ع فكره ترا هي مو حلوه اببببدآ بعكسي قسم بالله..فتفرح لما يمدحون فيهإ ويركضون ورآهآ..
مادري بنآت انت تحسون مثلي انه شي متعلق بشخصيتهآ؟او امشي ع كلامها انه تسليه هي للحين تقول انا شريفه وتسذآ بس تتسلى بالشبآب!..وهل انا معقده ومكبره الموضوع عشآن اقرف من هالسوالف..ولااتركها تسوي الي تبي ومادخل بس انا قلت لكم بديت اتضايق لانها بدأت تتغير وسيطرو ع تفكيرهآ كل يوم طالعتلي بواحد..امانه شوفو لي ححل تكفون

>>>>> ردود الأعضـــــــــــــــــــاء على الموضوع <<<<<
==================================


انتى مامعقدة ولامكبرة الموضوع لان الموضوع من الاساس كبير ، وصديقتك فيها نقص بتحاول تغطيه لكن ده خطاء وبسحب لطريق وعر وصعب وندم ، حاولى اكسبى فيها ثواب وانصحيها باللين وخوفيها وذكريها بعقاب الله وأهديها واعلميها ان اللى بتسويه حرام عليها وبيأثر فى سمعتها ويجب لها الكلام ، وحاولى زيدى ثقتها فى نفسها باسلوب جميل


__________________________________________________ __________

انصحكك تتركينه او انتبهي انت تاثر عليك
الله يوفقكك


__________________________________________________ __________

انتي مومعقده بالعكس ماشاءالله عليك قد الثقه الله يخليك لعين ترجيك

وانتبهي ثم انتبهي تأثر عليك لانها بتحاول تسحبك لطريقها

ودامها صديقتك ومحد يحبها ولايمدحها وش شغلتك اجل !! انتي صديقتها انصحيها

وامدحيها واذا تكلمت عن الشباب لاتخلينها تكمل ع طول انصحيها

الحاجات هاذي مافيها تسليه

واذا حاولتي وشفتي مامنها فايده ومستمره بحركاتها اتركيها وشوفي غيرها

لان الناس لو عرفو ان اخلاقها مو زينه وتعرف شباب بيقولون اكيد صديقتها مثلها

ولاماكانت صادقتها


__________________________________________________ __________

انا صااحبه المشششككله
تسلمووون اللي رديتووو الله يجزاكم خخير
بس والله حرام كل هالمشاهدات وبس 3 ردوود بصراحه ماتوقعتها منكم..ع العموم اللي ردوو كفو ووفو وشكرا لهم


__________________________________________________ __________

حبيبتي انتي مو معقده الا ماشاءالله عقل
لكن ماحاولتي تعطينها كتيب عن المحادثات اللي تصير او تذكرينها بناس انجروا سووا شي اعظم
حاولي تذكرينها بالله والاخره
وبعدين انا خايفه انها تسحبك خاصه انك اخلاق ومؤدبه اذا مانجح معاها النصح |بعدي عنها اتركييها|
واذا مانفع معها
خذي رقم احد من اهلها وعلميهم يمكن او اكيد بتكرهك بس اذا كبرت بتحبك لانك كنتي حريصه عليها
علمي اقرب الناس لها وافضل شي يكون ابوها او امها بس اتوقع الام احن
حاولي تجيبين رقمهم باي طريقه
لكن اذا مانفع او حاولتي ومانفع اتركيها لأنك ممكن تنجرين بدون ماتشعرين