عنوان الموضوع : اقول لخطيبي عن الماضي ولالا؟؟؟؟ مجابة
مقدم من طرف منتديات نساء الجزائر

اقول لخطيبي عن الماضي ولالا؟؟؟؟



السلام عليكم بنات
كل عام وانتم بخير
انالي سته شهور مخطوبه واخذت خطيبي عن حب بس هالحب ماكمل شهرين لانه مايبي يطول قصه هالحب الابخطبه عشان نقدرنكلم بعض بعلم اهلنا...المهم اقترح علياانه كل واحد يحكي للثاني عن ماضيه بس بدون زعل وان اللي صارفي الماضي اصبح ماضي وماحدمنا له علاقه فيه الابالحاضروالمستقبل هو حكي لي عن مغامراته في الجامعه وعن قصص حبه الكثيره بس كلها عابره سبيل..
واناكمان حكيت له عن قصه حبي الاولىقبل مادخل الجامعه..
المهم..بعد سفري ودخولي للجامعه دخل واحد في الخط ويرسل رسايل لابويه يشوه سمعتي له باني اخرج مع شباب وليش تخلي بنتك تسافرلوحدها ابويه ماصدق والى الان مومصدق وهالرجل عارف عني كل شي من وين مدري ويبي يسبب فتنه بيني وبين اهلي وبين اهلي وخوالي
والى الان مانعرف من هالشخص اللي مسبب لنا فتنه؟؟؟؟
المشكله الحين اصارح خطيبي بهالشي ولالا؟؟؟؟؟
لانه بصراحه خايفه بعد الزواج تجيه رسايل مثل ماكان يرسل لابويه
مع انه خطيبي قال لي قول لي عن كل شي عشان اكون عارف واعرف كيف اتصرف احسن ماعرف بعدين من غيرك
ساعدوني بليييز

>>>>> ردود الأعضـــــــــــــــــــاء على الموضوع <<<<<
==================================


شووووفي يالغلاااااا لازم تقووووولينه وما تخبين عليه شي خوفك بعدين يرسله ويصيرررر مثل الاطرش بالزفه بس قووووولي لخطيبك انك ماتعرفينه وكذا عشااااااااان مايروووح باله بعيد وبالتوفيق حبيبتي الله يستر عليك دنيا واخررررره


__________________________________________________ __________

بصراحه فكرت انكم تصارحو بعض بماضيكم انتو الانتين من الاول غلطططط وهدا موبرأئ لحالي هدا اخدته من كل الخبراء اللي قريت ردودهم في مثل هالحالات
لكن دام صار اللي صار واتفقتو انكم تصارحو بعض بكل شي نصيحتي انك تحكيلو خصوصا انه عيلتك كلها تدري بهالشئ وهدا راح يسهل عليك كثيرررر يعني تقدرين تقولينلة بابا وماما يعرفون وبس هده راح اطمنه وتريح باله


__________________________________________________ __________

حبيبتي قوليله اكيد بس لاتتعمقي بالماضي كثير
يعني في اشياء ماتنقال انتبهي تغلطي
بس قولي انو في واحد يرسل لابوكي ويقول اشياء غريبة وبس


__________________________________________________ __________

انا اقول لاتقولين لان الماضي ماضي وانتهى ماله داعي تنبشين فيه بعدين هذا اللي قاعد يفتن عليك انتي تقولين ماتعرفينه اجل ليش الخوف خليك واثقه والله يسعدك ويسرلك حياتي


__________________________________________________ __________

انا اكره واحتقر الرجل الي يسال عن المرأة عن ماضيها وبعدين يقول ننسى الماضي
يا اخي اذا انت تبي تنساه ليش تقلب المواجع والدفاتر القديمة