عنوان الموضوع : أعطوني رأيكم هل ترددي مبرر ام لا؟ مجابة
مقدم من طرف منتديات نساء الجزائر

أعطوني رأيكم هل ترددي مبرر ام لا؟



السلام عليكم و رحمة الله و بركاته
أخواتي ابغا رأيكم في هذا الموضوع:
أنا عمري22،و عندي إحساس ان قريبي بيخطبني قريبا و هذا الإحساس ما جاء من فراغ في أشياء كثيرة صارت في الفترة الماضية اكدت لي انه يبيني من تصرفات اهله المهم هو. اكبر مني بسنة فقط و يشتغل و أنا لازلت ادرس اللي شاغلني اني مررره مرتاحه له لكن متردده انه يقرب لي + انه يمكن ما يعيشني بدلال في المستقبل يعني ما ادري ليه عندي هذا الإحساس (القرابة+ المستقبل) يخوفوني يعني ما ابغا تصير العين علي و أصير اقل من غيري و في نفس الوقت احس هو مررره عاجبني بس ما ابغا أصير مثالية و اقول ان المسائل المادية ما تهمني لا صراحه أنا يهمني يكون عندي بيت و ان عيالي يدخلون مدارس أهليه و يتعلمون أحسن تعليم يعني ما ابغا أولادي يصيرون اقل مني.
ليش رأيكم ؟انصحوني لو سمحتوا؟ علشان اذا خطبني ما ابغا تطلع مني ردة فعل و اندم عليها بعدين!!

>>>>> ردود الأعضـــــــــــــــــــاء على الموضوع <<<<<
==================================


مدري ليش احسك ملخبطه شوفي يا عسل عادى اتفقى معاه من بدري علي دراستك وبعدين ادا انتى مرتاحه خلاص

وادا من الناحيه الماديه هادي تروح وتجي ياما ناس كانت الحاله الماديه حقتهم مرااااااااا كويسه وفجاءه تحت الصفر والعكس صحيح

انتى استخيرررررررررررررررررررررررررررررري وبس واللى ربي كاتبه هوا اللى راح يصير


__________________________________________________ __________

احسن شى صلاة الاستخارة اذا تقدم لكى والله يسعدك


__________________________________________________ __________

حبيبتي لا تفكري كثير بالموضوع لين يصير
وإذا صار استخيري أولا وأخيرا
وبالنسبه للقرابه فكونهم اقاربكم يعني تعرفي أهله وطباعهم وأخلاقهم والأهم من ذلك شخصية الشاب نفسه واخلاقه واذا ارتحتي من هالناحيه وكانو أهله مو من النوع اللي ما يدخل بكثرة بأمور ولدهم ولا من النوع اللي يكبر المشاكل ويسببو قطيعه بين الأهل فتوكلي على الله وهذي فرصتك اهالفترة تراجعي هالأمور فيهم
وبالنسبه للأمور الماديه فالسعاده ماتبنى على الماديات أبدا
ماأنكر ان الفلوس اصبحت شئء أساسي في حياتنا بس مو كل شي.. لو في حب وتفاهم وتفههم لوضع الآخر بتعيشي أحلى حياة ان شاء الله
اهم مافي الموضوع للقناعه والتفهم وان كانت فيك هالخصلتين وافقي
تمنياتي لكِ بالتوفيق وان يكتب الله لكِ الخير حيث كان


__________________________________________________ __________


__________________________________________________ __________