عنوان الموضوع : مشكلتي من نوع اخر -تم الاجابة
مقدم من طرف منتديات نساء الجزائر

مشكلتي من نوع اخر



السلام عليكم ورحمة الله وبركاته

خواتي بعرض لكن مشكلتي فساعدني

المشكله ياخواتي انا بنت عمري 22سنه مشكلتي اني خجوله خجل والله مو طبيعي لدرجة ان احيانا الي حولي يقولو انتي مريضه

ياخوات والله اني اخجل من ابوي واخواني حتى اذا تكلمت معهم اتخربط بالكلام ووجهي يصير كنه طماطه والله اذا حسيت ان احد جاء منهم رحت لغرفتي مابي احد يشوفني مادري وش هذا

وحتى اذا جونا ضيوف استحي واحيانا ماطلع لهم لو كانن حريم واتخربط قدامهم بكل شي مثلا اذا رفعت شي يطيح وينكب ومشكلتي يدي اذا زارنا احد ماتثبت بس ترتجف والله عقدتني

اذكر مره بالعيد جونا حريم وقالتلي امي صبي القهوه والله يابنات ان الفنجال يلف يمين ويسار عجزت اثبته حتى اصب والله تفشلت قدامهم وقلت ماعاد اقهوي احد مرة ثانيه ياربي قولن وش اسوي خاصه مع هالنقطه ودي اذا سير احد على امي اتكلم واقهويه بطلاقه ودي اكووون جريئه بس كيييييييف؟تكفون ساعدوني وعطوني من خبراتكم ودي اصير بنتن برعه وشرحه على قولتهم

حتى صديقاتي بالجامعه استحي اتكلم معهن اجلس بينهن ساكته مانطق ولا كلمه كاني طرما بينهن ودي اتكلم بس مادري وش اقول اشوفهن يسولفن ويضحكن واقول بنفسي ياربي ليش انا ماني مثلهن ليه ماتكلم وحتى هن يقولن تكلمي ليش ساكته

الا اذا كانت وحده بس ماهن مجموعه اتكلم معاها عادي بس فيه خجل مانسلم منه

تكفن ساعدني والله احس الحاله تطورت وصلت اني ماكلم حتى خواتي الصغار صرت ماطلع للناس بس بغرفتي
صرت احب الووووووووووحده واطيرمن الفرح لاصرت وحدي بالبيت

ساااااااااعدوني انا انسانه خجوله كيف اسيطر على خجلي

الله يوفقها دنيا واخره الي تساعدني وربي يخليلها عيالها وتشوفهم باعلى المناصب يااارب ويرحم والديها ويحققكل امانيها

>>>>> ردود الأعضـــــــــــــــــــاء على الموضوع <<<<<
==================================


يَ قلبي عليك..!
شوفي يَ حلوة أنآ أول كنت مثلك خجولة مرررررة..!
معلمة الإنجلش تقولي ستروبري كثر مآني خجولة..!
بس بعدين الصراحه صرت زيك أتضايق أختي جريئة
والكل يحبها وينجذب لها لأنو تسولف وتضحك..!
وأنآ لا مع إني طيوبة حيل..!
بس بعدين من جد قلت لـآزم أنهي هالشي وأقضي عليه<<متحمسة..!
المهم ماعليك إلا أنك تكوني وااااااثقة من نفسك..!
ادخلي وانتي كلك ثقة وقنآعهـ بأن مافيك شي سيء..!
قولي انا وش ناقصني..؟! يعنني اذا انتي مرتبة
وخلوقة وكل شي ليهـ الخجل..؟! بيآكلونك مثلا..؟!
تغلبي وسيطري على المشكلة هذي انتي خلي عندك إراااااااده..!
قولي أنآ أقدر حححآولي تختلطي بإخوانك وتمازحينهم
وكذا..أحسنْ مـَ ينقلب لمرض..!
أنا الحمد لله قدرت شوي أني أسيطر عالخجل..!
لأنو الصراحه اذا زاد مو حلو الناس تحسبك انطوائية
او جآده ونآشفة وماتحبين الضحك والسوالف وكذا..!
الناس تحب البنت اللي تتكلم وتسولف ويكون عندها شوية جرأة..!
واذكري ربك واستغفري وعليك بالدعاء..!
موفقه..!


__________________________________________________ __________

حبيبتي انتي ما عندك ثقه بنفسك
لازم تحبي نفسك بالأول وتثقي ف نفسك وقدراتك عشان تتغيري ...

لا تقولي ما أقدر قولي دائماً أنا أقدر إن شاء الله وشوي شوي بتتغيري ...

واندمجي مع الناس أكثر يعني لو زاروكم حريم .. حتى لو انتي مستحيه اطلعي واجلسي معاهم لأنك لو ما كسرتي هالحاجز من الحين ولو ما حاولتي تصيري جريئه صدقيني ترى ما راح يتغير فيكي شي ...

أهم شي تكوني مقتنعه من داخلك انك حابه تتغيري والله يوفقك حبيبتي


__________________________________________________ __________

كثير بنات مثلك وانا كنت كذا استحي اسلم على الحريم يوم يجونا ,,بس تدرين الحل عندك لازم من دااخلك يكوون في اراادة انك تبي تغيرين
وموفقة حياااتو


__________________________________________________ __________

ماقصرو البنت بارك الله فيهم


__________________________________________________ __________

حبيبتي خليكي واثقه من نفسك وخالطي البنات الي بسنك وطلعي مع امك لارحت لاحد واهم شي خليكي واثقه من نفسك