عنوان الموضوع : بدخل مستشفى الأمل وبيضيع مستقبلي والسبب أختي مجابة
مقدم من طرف منتديات نساء الجزائر

بدخل مستشفى الأمل وبيضيع مستقبلي والسبب أختي



السلام عليكم
كيف الحال أخوات
راح ادخل في مشكلتي على طول
مشكلتي أختي اللي من لحمي ودمي
راح اقولكم البدايه

قبل عشر سنين ولما كنت في المدرسة
ماشفت نفسي فجأة الا كرهت الروحة للمدرسه
وكرهت المذاكرة وكل شئ فيها
حاولت بكل ماقدر اني اكمل ماقدرت
فطلعت والسنة اللي بعدها قلت برجع
فرجعت بس ماقدرت اكمل
وماياست قلت السنة اللي بعدها
رجعت والحمدلله
حتى تخرجت ودخلت افضل الجامعات
من ديك الفترة والى يومكم صارت تعاملني على اني
انسانه مو سويه وانا فيي شئ ناقص غير البنات
واني موطبيعيه وهذا طبعا على كلامها
دايم تقول لي خصوصا لما نشابق
انا دايم اقول ان هالبنت مو طبيعيه ولا هي مثل باقي البنات
لدرجة صرت اشك في نفسي ساعات
واقول صحيح انا مو طبيعيه ولا مثل باقي البنات
والا ليش تعاملني كذا دون الباقي
طبعا كانت تتقصدني بحركات غريبه جدا
لهذا اليوم مو فاهمتها
اول شئ لما كنت اجلس اشاهد وتكون هي جالسة تقوم تمد رجايلها وتحطهم قبال وجهي واضل اتهزهم
ومرات تسوي نفس الحركة بس تقوم تحكهم مع بعض
وهي رجايلها فيهم جفاف فيطلع صوت وتقربهم من وجهي
طبعا ماسكت عنها وكلمتها وتركت هالحركة
مع ان اخواتي وقفو معاها ضدي وقالو لي
هذي مشكلتك مو مشكلتها انك ماتحبي هالحركة
قلتهم لهم كل واحد حر في تصرفاته
بس ماحب احد يتقصدني بالحركات هذي
بعدها شافت لها حركة ثانيه
صرت من ادخل المكان اللي هي فيه تقوم تهز برجولها
حتى لو قدام الناس مايهمها ويوم كلمتها طلعت انا الغلطانه
وقفو ضدي بس اتهاوشت معاها كذا مرة عليها
وقلت لها لهدرجة انا اسبب لك توتر
ليش انا من دون الباقي تسوي لي هالحركة
قالت اني معقدة واني ابي اتحكم في تصرفاتها ووو
تركت هالحركة بعد معاناة معها وبعد فترة ليست بقليله
انتقلت الى حركة تنتف الشعر اللي في وجها
بمجرد ادخل مكان هي فيه
او تقوم تغمض وتفتح عيونها وتشد على عيونها بقوة
اذا قمت اسولف معاها سوالف عاديه جداا والى يومكم هذا على هالوضع
بعدها قامت لما تشوفني
جالسه تحط اصبع رجولها الكبير بين اصبعها الكبير في الرجل الثانيه وتقوم تحركه وطالع فيي
او تمد رجايلها وتخليهم مشدودين وتقربهم لي حتى اشوفهم
والحين متعلمة حركة جديدة
اذا قامت او قعدت تقرطع رجايلها
كللللللللللللللللللللللللللللللللللللل هالأشيااااااااااااااااء
تسويها لي انا دون خواتي وبدون اي سبب
ماعمري غلطة عليها او تعرضت لها في اي شئ يسئ لها
اخدمها من عيوني واكثر وحدة اطاوعها في شغل البيت
حتى هي دايم تقول الى صاحباتها عن شيمتي واني مطيعه
حتى لو غلطة يوم اني طلعت من المدرسة بس هذا مو عذر
لها تعاملني كذا خصوصا انها تعرف ان الشئ كان غصب عني
لان صابتني عين قوووووويه
عجزت اعرف ليش هي كذا
خصوصا انها كانت موقفه معاي وتشجعني
بس في نفس الوقت كانت تأذيني بحركاتها
والى يومكم هي توقف معاي وتسمع لي
بس مادري ليش كل ماجاها تزيد معاي في حركاتها
وانا من النوع اللي يحب المواجها
فدوم اصارحها عشان ارتاح
واقول لها اذا في شئ اتكلمي بس هي ابد
تعصب وترد علي
انتي مدري كيف طلعتي معقدة دون خواتك
وانتي عقلك اصغر من عمرك
حتى اللي اصغر منك مايفكرو مثلك كذا
واللي قاهرني حتى الباقي ماقامو يحترموني
والسبب
تعاملها لي لانها هي الكبيرة
ويشوفو كيف تصرفاتها معاي
فطحت من عينهم
حتى اسمي ماعاد ينطقوه
اذا جابو طاريي يقولو (ديك قالت او ديك سوت )
اتخيلو يابنات
عشر سنوات وانا أعاااااااااااني
بعد ماكنت من اوائل دفعتي في الكلية
نزل مستواي
لان دخلت مرحله اكتئاب حااااااااد
بعدها جاني الوسواس القهري
(نتف الشعر ) صارت أماكن كثيرة في شعري فاضية
جاني شرود دهني
نسيان فضيييييييييييييع
ادخل المحاضرات واطلع مدري ايش قال الدكتور
صابتني حاله اضحك حتى لو في مواضع الحزن والعزاء
بعد ماكنت رشيقه وزني وصل
70 كيلو لاني اكل من غير احساس
صرت من اشوفها يدي ترتعش
تعالجت فترة عند دكتور نفسي بس للأسف
كان الأدويه سعرها غاليه
فاضطريت اخبر اهلي عن علاجي حتى يساعدوني
بس للأسف وقفو ضدي واعتبروني مجنونة
هي بالذات
قالت لي اتوقفي العلاج احسن لك
هذا اللي تسويه دلع انتي مافيك شئ
وقفته مضطرة عشان المادة
بس كنت ارجع اشتري حبوب بين فترة وفترة
وكشفتني وتهاوشت معاي
بعدها انا تركتهم من نفسي
لان الاعراض الجانبيه ماقدرة عليها
خصوصا ايام الدراسة
(نعس-وتشوش في التفكير -ورجفه في اليدين ...)
وبعد معاناه طووووووويله تخرجت
ولكن للاسف بمعدل جدا سئ والسبب
اختي
والان اكمل دراستي ولكني لااستطيع التركيز ابددددددددددد
خصوصا انا مجال الطب يحتاج عقل صافي ما يشغله اي تفكير

بنات تشوفوني انا مريضة والا فيي شئ مو طبيعي
والا اختي فيها شئ
انا خلاااااااااااااااااص تعبانه
مو قادرة استمر لا في دراسة لا في حياه
اللي تدخل ولا تحط رد تدعي ان الله يهدي اختي ويشفيني

>>>>> ردود الأعضـــــــــــــــــــاء على الموضوع <<<<<
==================================


الله هدي اختي ويصلحلها وانتي منتي مريضه اختك هي اللي تحتاج مريض نفسي الله يهديكم


__________________________________________________ __________

لاتدمرين نفسيتك اختك اللي مو صاحيه

ايش هالحركات اللي تسويها بعقلها شي

عيشي حياتك وخليها مو كانها موجوده


__________________________________________________ __________

زي الاخوات اختك مريضه انتي لا الله يعطيك الف عافيه


__________________________________________________ __________

الله يهديها ان شاءالله,, لازم تروحين لطبيب نفسي مو عشان انتي فيك مرض ولا شي لاا! عشان يحل مشكلة أختك واذا قدرتي روحي لمستشفى حكومي ترى مو لازم خاص,, بس اهم شي ترتاحين ومو عيب ان الواحد يروح لطبيب نفسي ومو شرط كل من راح لطبيب نفسي عنده مرض ولا حالة نفسية,يمكن عنده مشاكل يبغالها حل وما تكون وصلت لمرحلة المرض النفسي,,
وأختك من حركاتها موطبيعية,, ولازم لها علاج ولا بتأثر عليك أكثر وبتمرضين منها,,
والله يخليكم لبعض ان شاءالله وتنحل مشاكلكم كلها يارب,,


,,,,,,,


__________________________________________________ __________

كوني وثقة من نفسك انتي ما فيك شيء اختك الي مو طبيعية حاولي انك تكوني قوية ومتفائلة وركزي على مستقبلك لانك لما تكوني ناجحة راح يعرفون انهم كانوغلطنين وما تدققين في حركاتها ولا تحسبيها على كل شيء طنشيها اصلا معروف الي بيسوو هلحركات بيكونو مو طبعيين نصيحتي الك توكل على الله وحمد لله وصلاة على محمد عليه صلاة وسلام واستغفار وصلاة عشان ترتاحي من وسواس ونتف الشعر لا تاخدين ادوية ولا شيء الاستغفاااااااااااار واخر نصيحة قولي لنفسك راح انجح في طب ومراح يهمني حدا وراح اعمل على ان الله يحبني لان ادا حبك الله راح يحبب عبدو فيك وكمان صدق الرحمان انك لن تهدي من أحببت ولكن الله يهدي من يشاء مشان اختك اطلبلها الهداية وانا متاكدة راح يجي يوم وراح تبشرينا بانك زي عسل انتي واختك وعمليها كويس وبعدين اتفائلي وحبي نفسك وشغلي حالك في مستقبلك واهتمامك بنفسك مثل شعرك وخلطات ومن اشياء البنات فيدي نفسك بنفسك عشان يروح الاكتئاب والله يحببكم في بعض ادعيلي تكون ولادتي سهلة ههه تحياتي