سقطت مرتين اعمل ايه دلوقتي؟ -تم الاجابة
عنوان الموضوع : سقطت مرتين اعمل ايه دلوقتي؟ -تم الاجابة
مقدم من طرف منتديات نساء الجزائر
سقطت مرتين اعمل ايه دلوقتي؟
السلام عليكم ورحمة الله وبركاته
كنت في كلية علوم ونزلت السنة لان فعلا الكلية دي عايزة مذاكرة جامدة وانا ما كنتش بذاكر كويس فنزلت السنة فجيت احول كلية تانية انا بحب الانجليزي جدا فقلت اروح تربية انجليزي المهم حصل سوء فهم وبعد ماحولت كل ورقي لكلية تربية مانفعش ادخل قسم انجليزي مع اني شفت الاول الدرجات وبعدين اكتشفت ان ده تنسيق ناس تانيين المهم ماكانش في حل الا اني ادخل قسم بيولوجي كأنه علوم بالظبط
دخلت وافاجأ يوم النتيجة معايا 4 مواد يعني هعيد السنة
اعمل ايه؟
فكرت احول كلية تانية وساعات اقول بلاش بقى كفاية بهدلة خليني قاعدة وخلاص
ايه رأيكم اعمل ايه لاني تعبانة ومضايقة اوووي
جزاكم الله خيرا
>>>>> ردود الأعضـــــــــــــــــــاء على الموضوع <<<<<
==================================
لاتحولي خليك بنفس قسمك وشدي حيلك بالدراسه بالتوفيق
__________________________________________________ __________
انتى من الاول مش حباه
وبالتالى لو فضلتى برضو هتنزلى فيه
اقولك توكلى على الله وحولى لكلية انتى تحبيها
ايه رايك
حولى اداب انجليزى او تجارة انجليزى
حلو اوى لما الواحد يتحط فى مجال هو حابه
صدقينى بيبدع فيه وبيطلع كل طاقته فيه
انا مثلا تنسيقى ودانى كلية تمريض
وحولت لكلية زراعه
واساسا الكليتين انا مش حباهم
بس فى نفس الوقت كنت مقدمة على صيدلة خاص
وبعد ما فقدت الامل انى اتقبل فيها
بديت احاول اتقبل كلية زراعه
لغاية ما الحمدلله اتصلوا بيا وقالولى انى اتقبلت فى صيدلة خاص
والحمدلله يغير الله من حال الى حال
بعد ما كنت زراعه بقيت صيدلة
فانتى يا قمر طالما بتحبى الانجليزى حولى لاى كلية فيها انجليزى
ومش مهم السنتين اللى ضاعوا
هترتاحى بعد كدا
وربن يوفقك يارب
__________________________________________________ __________
إتوكلى على الله وعيدى السنة عشان ماتروح السنين وانتى بتحولى من كليه لاخرى ، يعنى انا قصدى طالما كم مرة فشل التحويل خلاص واصلى فى الكلية دى وخير ليكى
موفقة وشدى حيلك فى الدراسه
__________________________________________________ __________
__________________________________________________ __________
رد مع اقتباس
