عنوان الموضوع : انا في قرار مصيري ومحتاره اتخذه ربي يعافيكم ساعدوني مجابة
مقدم من طرف منتديات نساء الجزائر

انا في قرار مصيري ومحتاره اتخذه ربي يعافيكم ساعدوني



السللام عليكم ورحمة الله وبركاته





خواتي انا فتاه من دولة الامارات العربيه المتحده مواطنه تطلقت من بعد ملكه

وتقدم لخطبتي حاليا شاب يمني ولكنه مقتدر وخلوق ومتدين وهو منولد ومربي بهالدوله واهله منوجدين هني


عندما اسال اي وحده اني اذا وافقت على هالوافد شو راح يصير تقولي عيالج بيضيعون ومالهم مستقبل وراح تعيشين بتعاسه وعيالج بينتمون لابوهم مابيكونو مواطنين وغيه وغيره من الكلام اللي يخوف


ولكن الرجال صفاته كلها زينه ومافي غير انه ماعنده جواز هذا بس هو اللي ينقصه !!! هل ارفضه بسبب هالششي فقط وهو وايد زين



الرجال انا اتمناه من قلبي والله شاهد عليه بس كلام الناس خوفني حسسوني اني داخله لجهنم برجولي


الله قال من جائكم من ترضون دينه وخلقه فزوجوه لما اقولهم هالكلام يقولون لي طيب صح بس قوانين الدوله تختلف وراح تعانين







الله يخليكم انا في قمة اختياري ساعدوني ارجوكم

>>>>> ردود الأعضـــــــــــــــــــاء على الموضوع <<<<<
==================================


عليكم السسلام

هلا فيك حبوبه..!!

انتي ب البدايه اسستخيري وان شاء الله ربي يكتب لك اللي فيه الخير...!!

اذا الرجال مثل ما تقولين خلووق ومقتدر انصصحك تتزوجينه والله يكتب لك
اللي فيه الخييييييييير ويسسسسعدك ..!!

و بنسسبه لكلام الناااس
ي حياتي ياما بنات متزوجات من نفس دولتهم وضاعو عيالهم
وتبهدلن ..!!


لاتردين ع الكلام وسسلمي امرك لله والله يكتب لك اللي فيه الخير
ويسسسعد قلبك بعيالك^^


__________________________________________________ __________

والله حبيبتى اذا بتردين لكلام الناس ما راح تخلصين،اذا الرجال متربي في الدوله يعني ماخذ عوايدنا وطريقه معيشتنا ،اهله معاه اتكلي على الله.واذاالله كاتب لك الشقا بتشوفينه مع ولد ديرتج،انا بحارتنا وحده سعوديه توفى زوجها الكويتي.وتزوجت من يمني معيشها عيشهالاميرات هي وبناتها من الكويتي.اسالي عنه زين واستخيري،والله يوفقك يارب**


__________________________________________________ __________

اختي انا سعودية ومااعرف بقوانين دولتكم لكن اذاقوانينكم مثل قوانين السعودية بالنسبة للاجانب مثلا لواجنبي تزوج سعودية لايمكن يعطى هذا الزوج الجنسية ابدا ويبقى طول عمرة اجنبي ولالة علاج في المستشفيات الحكومية الكبيرهذا لواحتاج علاج يعني بضل طول عمرة يتعامل على انة غريب ولوخالف في شئ ممكن يترحل على طول حتى لومتزوج من بنت البلد بالعربي مالة اي حقوق كمواطن سعودي هذا بالنسبة للسعودية امااذاكان عندكم يعطى الجنسية ويتعامل كمواطن امراتي في اي مكان وتاكدتي ايضامن اخلاقة لانة ممكن يبغى يتزوج امارتية عشان الجنسية فقط فهذي مشكلة كبيرلانة ممكن اذا ماحصل الجنسية ايطلقك والمشكلة الاكبر لوطلقك وانتي عندك اولاد اكيدبينحرمون امامن الاب اومن الام نصيحتي لك يااختي تاكدي زين من قوانين بلدك والله يسترعليك ويوفقك


__________________________________________________ __________

والله ياحبيبتي لاتسمعي كلام احد واسمعي كلام الرسول ان جاءكم من ترضون دينه وخلقه فزوجوه والكلام هذا كفايه لأن ديننا صالح لكل زمان ومكان
وبعدين كلنا مخلوقين من طينه وحدة والمستقبل والسعادة بيد الله وحدة
انا سعودية واكثر صديقاتي متزوجين اجانب يمنيين وسوريين وفلسطينيين والاخيرة اخذت تونسي والله العظيم انهم عايشين بالرغم من ازواجهم على قد حالهم وفيه من صديقاتي متزوجيين سعوديين ووضعهم المادي ممتاز يمين الله حياتهم جحيم وبعدين مين قال لك ان زوجك ولا اولادك يترحلوا لا لا لا اولادك يتعاملوا زيك وحدة انا اعرفها سعوديه ومتزوجه يمني وعندها اولاد وبنات والله بناتها يتعاملوا معاملة السعوديين من ناحية دراسه وحتى في الوظايف رواتبهم زي السعوديات وبالنسبه لولدها الله يهديه يبيع مخدرات وكل فترة وهو بالسجن ودحين مسجون ووالله ماترحل ولا شي
اذا كان كويس توكلي على الله وفوضي امرك له ماتدرين يمكن هذا نصيبك ولو كنت مكانك والله لاتزوجه وماارفض وبطلب السعاده من الله وحده


__________________________________________________ __________

والله كلامكم عن جد ريحني


نحن قوانينا ان زوج المواطنه مايصير مواطن


بس امور الحياه تمشي وحال الوافدين عندنا ميسووور



ماريد ارفضه بس عشان جوازه وهو من كل النواحي زين><