عنوان الموضوع : كسر فرحتي مجابة
مقدم من طرف منتديات نساء الجزائر

كسر فرحتي



بسم الله الرحمن الرحيم
مابي اطول عليكم بالمقدمات ابدخل بموضوعي ع طول
اقسم بالذي لاآله الا هو اني أكتب لكم ودموعي مو راضيه توقف من الضيقه اللي في قلبي ياجعل كل قارئه ماتمر باللي أمر به انا متزوجة من كم سنه واحمد الله واشكره بس اللي صار لي انه من قبل فترة زؤجي اشترى لي هدية وهي عباره عن لاب توب فرحت بها الهدية كثيرا حسيت ما احد بها الدنيا فرحان كثري والله يابنات اني دايم احط اللاب توب قدامي واتفرج عليه وابتسم وهو مطفى وربي ياللي خلقني اني مابالغت كنت محرومه من شي اتمناه ويوم جاني بغيت اموت من الفرحه بس ماكمل معي يمكن ثلاث ايام الاجاي زوجي ويقولي خلاص حطي الجهاز بكرتونه وضبطيه مثل ماكان لاني ابهديه لأخوي انا بدايةالموضوع ابتسمت له لاني توقعته يمزح معي والحين قبل ينام اكد لي انه جاد ومايمزح وبيهدي جهازي لخوه وانا من وقتها مصدومه وبس ابكي يشهد الله انه مو حسداني مابي اعطيه اخوه بالعكس انا اقدر اخوه واحترمه هذا شي لي من حقي اساسا هو مشتريه هديه لي حاولت افهم ليش يسوي كذا قالي والله اخوي وماعندي اغلى منه ولااعز منه وقالي اذا بغيتي شي روحي اطلبيه من اخوانك هم عزوتك انا مسئول بس عن اكلك وشربك ولبسك بس مدري هو بكلامه هذا جرحني ولاطعني احس انه بكلامه هذا سبب فجوة بحياتنا مع انه كريم لدرجة التبذير بس ماني لاقيه سبب لتصرفه هذا مع اني اعيش بمشاكل مع اهله الله العالم فيها ومتحمله علشانه كل وحدة تنصحني بس تكفوووون لاتزيدون الطين بلة تراني رايحه فيها من الضيقه والله يجزاكم عني كل خير حبايب قلبي

>>>>> ردود الأعضـــــــــــــــــــاء على الموضوع <<<<<
==================================


هدي نفسك يالغلا ولاتخسري زوجك عشان جهاز قوليله اخوك يستاهل وبيني لزوجك انك راضيه لان اخوه غالي عنده لو شافك تكرهي اخوه راح يقول بتفرق بيننا
وبعدها بكم شهر تعالي لزوجك باسلوب حلو وحاولي فيه


__________________________________________________ __________

اتوقع احد من اهله درى عن الأب توب وسوو له سالفه ويبغونه

المهم ..... لا تتكلمي مع زوجك اللحين خليه بكره لما يهدا

واسأليه واذا اخذ الأب توب لا تتكلمين عشان ماتصير السالفه عنااد

بعدين عاتبيه على كلامه قولي له انا ماقهرني يوم اخذت الاب توب

انقهرت من كلامك القاسي .....

واذا تقدري ترجعي علاقتك مع امه لاتقصرين

ترا لو كل العالم ضدك وامه راضيه عليك هو بيوقف معاك

ترا الرجال يتأثرون كثير بكلام امهم

والله يعينك

ويهدي زوجك ويسخره لك


__________________________________________________ __________

ياسلام يعني الحياه بس اكل شرب بهايم احنا قولي له عارفه انك تحب اخوك بس مو على حسابي ومو من الرجوله انك تجيب لي شي وبعد كم يوم زي الاطفال تاخذه مني حبك لأخوك مو يعني انك تجرحني على حسابه والله العظيم انو زوجي اذا قال خلي اخوانك يوديك اقوله خلاص من يوم دخلت بيتك واهلي مالهم دخل فيه انت مسؤل مني الحين وبعدين اخوه كان بيسويها؟؟الله يهديه لك يارب ويسعدكم


__________________________________________________ __________

والله قهر بس لا تخليها مشكله مو اخر الدنيا حبيبتي وانتي كمان ممكن توفري من مصروفك وتشتري الجهاز بدون ما يمن عليكي فيه والله يعوضك خير يارب ويرزقك من حيث لا تحتسبين ويسخر زوجك ويهديه


__________________________________________________ __________

حبيبتي لا تضايقين نفسك على هالاب توب اعطية خلية يشبع فية هو واخوه << تراني مقهورررررة حيال بس ماراح ازيدك قهر
المهم بعدين وانت قاعدة معه وجالسين تسولفون ومروقين حطي مية خط على مروقين
قولي له تراني عتبانه عليك من تصرفك ذاك اليوم ومن كلامك الي قلته وتفاهمي معه صدقيني راح يخجل ويعتذر منك .. ولا تنسين تتغزلين فية
موفقة عزيزتي