عنوان الموضوع : ياكريم أفرح قلبها بشوفة أطفالها,,
مقدم من طرف منتديات نساء الجزائر

ياكريم أفرح قلبها بشوفة أطفالها,,



السلام عليكم
سيدات هذا المنتدى الطيب انا بحكيلكم عند ابتلاءات لاحصر لها أصابت صديقتي من كنا بالابتدائي وحنا صديقات ونفس الوقت جيران... آه يأخواتي اتمنى اسويلها شي بس ماني قادرة اسمعواقصتها
تزوجت لما كنابثاني ثانوي يعني كان عمرها17 سنة اول ماتزوجت اكتشفت ان زوجها مريض بسرطان الدم الله يكفينا شره يعني اهل الزوج ماخبروها عن مرض ولدهم بكت كثيرا وفكرة جديا باالطلاق وراحت بيت اهلها واستخارت وجلست يمكن اسبوعين وارجعت له وعزمت انها تتفرغ له ويكون هو كل همها وفعلا تركت المدرسةوتفرغت له والله يابنات انها صارت زوجة وممرضة وام صبرت وماكانت تشكي لحد أنا اقرب صديقة لها كانت تحكي لي عن اوضاعها وحالها بس وربي انه من غير شكوى كانت صابرة ومحتسبة مع انها ماكانت ملتزمة بس سبحانه اللي الهمها الصبر المهم عدت السنين وهي مازالت ع هالوضع قايمه ببيتها وزوجها وجابت ثلاث أطفال وبدء يتشافئ زوجهاوكانت تحكي عن شفاء زوجها وهي مبسوووطه وتقول وعدني يعوضني عن صبري وعدني اذا تشافى يسفرني ويمشيني ويطلعناووعدني ووعدني اقسم بالله اذكرها الى الان كانت تتكلم وهي تبكي فرح بشفائه ووعوده وكملها ربي معها وتشافى زوجها بعد11 سنة من المعاناة وفي نفس هذي الفتره وهم كانو ع وشك سفر كانت تحضر العشاء وقدر الله وانفجرت الاسطوانه ومن قو الانفجار سكر باب المطبخ وماقدرت تفتحة الا بعد ماجاء الدفاع المدني كانت تبكي وتصرخ وتسأل غن عيالها وهي كلها محروقه اخذوها المستشفى وطلعت اغلب حروقها من الدرجة الثالثةوخصوصا بالوجه والراس بالكامل وشلل والله يابنات زرتها بالمستشفى وشفتها من بعيد اقسم بالله كانها بكفن كلها بيضا ماشوف شي من جسمها غير الاسلاك اللي طالعه من كل مكان انفطر قلبي عليهابكيت لين تعبت مابيدي حيله الا الدعاء ادعولها يابنات ظلت بالمستشفى سته شهور وبدت تتحسن ولما كملت السنه طلعت من المستشفى وليتها لقت اللي يسرها ويفرحهاوينسيها شوي من ألامهاتدرون وش سوى زوجها بدل مايعوضها عن تعبها معه جحدها جحده حتى الكافر مايسويها انا الحين مو عارفة كيف اوصفه الوصف اللي يستحقه بعد دخولها المستسفى بشهر طلقها وتزوج وأخذعياله وراح مكان الى الان ماحد يدري وين أما أهلهاماتقبلوا شكلها وحروقها وشللهااستاجرو لها شقة واستقدمو لها خدامة وسكنوها لحالها وتحججوا بأنها بهالمنظر تخوف عيالهم اقسم بالله قطعت قلبي ومابيدي حيلة صارت انطوائية زهدت بهالدنيا دايم ع سجادتها وتبكي تتمنى لو خبر واحد عن اطفالهاتبي تشوفهم لو من بعيد بس تبي تداوي قلبها بشوفتهم وتخفف من حرقته عليهم ع قولتها انا صرت ازوها يوميا ابي انسيها بس ماقدرت كله تبكي ومنهارة وانا ماتحمل دموعي تخونني وابكي معها بدل ما اهديه بس والله غصب حتى اخوانها قطعوها وماحد يزورها نهائي بس يكلمونها وبين فترات متباعدة تخيلو حصل لها هذا كله وهي الآن بعز شبابها عمرها مايتجاو30زسنه والله ماكتبت قصتها الا ابيكم توحدوون العاء لهذي الصابره ان ربي يفرحها بشوفة عيالها وشفائه ويعوض صبرها خير ياكريم والشي الثاني ابي منكم افكار اغير فيه الروتين اللي هي عايشته مع العلم انها رافضة فكرة الخروج من البيت ورافضة اناقشها بهالموضوع ابي منكم لاهنتوا شي غير الخروج من البيب ووالله الواحد الآحد مالكم الا الاجر وآسفه ع الآطاله ماعرفت اختصر اكثر من كذا.

>>>>> ردود الأعضـــــــــــــــــــاء على الموضوع <<<<<
==================================


يـآحيـآتي يـآقلبي يـآروحي حزنت حزنت عليييييها

اكثر قصه حزنتني الرجال بعضهم كلاب سفله منحطين ماينفع معاهم التضحيه غباء غباء اللي تضحي لهم وتهين نفسها لهم

ياما وياما قصص كذا

طيب ليه يتركها وهي صبرت عليه 11 سنه

على الاقل مايطلقها يخليها بذمتو

المشكله هذي عاجزه عن الحل الا بالدعاء مايعجز على الله شيء

اذا اراد شيء يقول له كن فيكون

اسئل الله العظيم رب العرش العظيم ان يشفيها شفاء تام ويعافيها مما فيها وتطلع ملكة جمال ويتزوجها اغنى الاغنياء

ويصبرها ربي ويقر عينها برؤية اولادها

اسئل الله الكريم ان يشفيهاااا ويعافيها


__________________________________________________ __________

ااه يادنيا والله تقطع القلب الله يجزاها الجنه قل لن يصيبنا الا ما كتب الله لنا

ما من عبد اصابه من الله ابتلاء وصبر عليه كتبت له الجنه


الانبياء


ابتلو وصبروا


مثل

ايوب عليه السلام

قد ابتلاه الله فى جسده فصبر عليه

وابتلاه في ولده وصبر

وابتلاه في ماله وصبر

وابتلاه في اهل بيته كان صبور

اولم يعجز الله ان يرد الابتلاء عن نبيه الصابر لحكم الله ولكن ايوب عليه السلام

تعب وتوجه بكلام ودعاء لله وتوسل اليه وقال مناديا ربه

اللهم اكشف عني الضر وانت ارحم الراحمين فكشفنا عنه الضر وكان من الصابرين هذا ابتلاء الله لعباده المؤمنين الذين صبرو وكانو لحكم الله موقنين ولم يجزعو لحكمه واتاهم الله بما صبرو وجزاهم خير الجزاء


__________________________________________________ __________

حسبي الله ونعم الوكيل فيه ناكر الجميل مايبيها لايحرمها من عيالها الله لايوفقه طيب ليه ما تسوي عمليات تجميل
يارب فرحها بشوفتهم ولمتهم بحضنه يارب ياكريم


__________________________________________________ __________

الله يشفيها ويسسعد قلبها

ويبدل حززنها الى فــــرح


حسبي الله على زوجها ،،، هذا جزاها ....!!!


لا حول ولا قوووه الا بالله ~~


__________________________________________________ __________

حسبي الله عليه وعلى كل ظالم الله يشفيها ويريح قلبها والله مدري ايش اقول لامن زوج ولا من اهل

بالله هذون اهل يرمو بنتهم امها وين وين قلب الام حسبي الله ونعم الوكيل

والله يجزاكي الف خير ويعوضها خييير ياااارب

ويريح قلبها بشوفت عيالها يااااااااااارب