عنوان الموضوع : ماني جميله الطبيب يجيب
مقدم من طرف منتديات نساء الجزائر

ماني جميله



السلام عليكم ورحمة الله وبركاته

كيفكم يابنات ان شالله مبسوطين مو مثلي

صدقوني من زمان ابكتب موضوعي ومتردده
لانه حساس بالنسبه لي اول شي انا بنت عمري 18 سنه متزوجه وعندي بنت مثل القمر مشكلتي ماني جميله بالشي اللي يبغاه زوجي وابغاه انا قبله انا المشكله فيني اني سمرا و راضيه فيها بس زوجي دايم يقولي ابحثي عن خلطات او كريمات تبيضيك وانا اايده بهالشي لكن ماخليت شي ماجربته المشكله ابيض فترة وبعدين ارجع زي ماكنت وغير كذا الشي المهم واللي مضيق صدري ومتعبني ومأيسني هو صدررررررررري فهو كبير ومترهل يعني كنه صدر عجوز والاحظ اذا رحت عند احد يجلسون يطالعون بصدري واحس بأحراج وفشيله واحيانا ودي ابكي مدري وش اسوي انا ما ابي صدر صغير بس معقول متناسق مع جسمي ومشدود والصراحه سويت تمارين شد الصدر فترة بس كبر زيادة وضاق صدري قلت خلاص اكيد مافي حل
وحتى زوجي يقولي ليه صدرك كذا مع انك صغيرة مع العلم انه قبل الزواج كان كذا وانا ابي اسعده واسعد نفسي بعد

واسفه اذا طولت بس ابي تفهمون اكثر واتمنى الرد بأقرب فرصه لانو زوجي بسافر وودي استغل الفرصه بالأهتمام بجسمي

وشششكرا...

>>>>> ردود الأعضـــــــــــــــــــاء على الموضوع <<<<<
==================================


شوفي ياقلبي السمار مو مو مشكلة ممكن تستمري على الخلطات والتقشير اهم شي مايكون هناك لون غامق ولون فاتح بالبشره وكمان البس والميك اب وتسريحت الشعر ممكن تخليكي جميله لو كنتي سمرا يعني مو اشكال اما بالنسبه لصدرك زوري عيادة تجميل وراح تحل مشكلتك لانه اصبح هناك طرق كثير لتصغير الصدر والله ييسر دربك


__________________________________________________ __________

بالنسية للسمار استخدمي هذي الطريقة والله انها فتحتني بس مااستمريت عليها

وهي فعالة جداً في توحيد لون البشرة وتفتيحها وتنقيتها من الشوائب
ومعاً نتعرف على مكونات الخلطة

3 ملاعق كبيرة سدر مجفف ومطحون أو تلاقونه يباع جاهزاً عند العطار
ملعقتين كبيرتين من الحليب المجفف

كوب كبير من الماء الدافىء حتى تفتح المسامات فيمتص الجلد الخليط

تخلط المكونات حتى يصبح المزيج شبه سائل ثم يوضع على بشرة نظيفة ويترك لمدة نصف ساعة
ثم تفرك مثل الحنة بحرص وبعدها يشطف الجسم جيداً وبماء فاتر
ومن الأفضل عمل هذه الخلطة مرتين أو مرة في الأسبوع حسب طبيعة بشرتك
وبالأستمرارية تجدي نتيجة فائقة


اما مشكلة صدرك استخدمي السوتيان المناسب لك والله بعض السوتيان تخلي الصدر الكبير صغير وحاولي ماتلبسين ملابس تبين حجم صدرك يعني مايكون فيها زركشة او كسرات لالالالالا البسي غامق وحتى لو يقول زوجك شي عن صدرك قوليله مايكتمل جمال المرأة الا اذا كان فيها صدر وانتي تقوليها خليك واثقة وياجبل ماهزّك ريح
انتبهي يحس زوجك انك مانتي راضية عن نفسك والله راح تتعبين أكثر اي نقطة سلبية فيك خليها ايجابية وبكل ثقة
باختصار ^^^ خليها شين وقوي عيييييين ^^^ ههههههه

امزح معاكي لاتزعلي حبيبتي
الله يهدي سرك وتكوني أحلى قمرررررررررر


__________________________________________________ __________

لا اله الا انت سبحانك اني كنت من الظالمين بالنسبه لسمار ادخلي قسم العنايه بالبشره وبتحصلي الي تبغيه.. اما بالنسبه لصدرك روحي عيد اكلينك سوي تصغير بس انتبهي بعض الاحيان لها مضعافات وفيه ناس اعرفهم سو تصغير لصدورهم وصغرت ..وفي النهايه كل واحده تخلي عندها ثقه في نفسها لان مهما جالك انتقادات لا تخلي شيء يهزك خليك واثقه لأبعد الحدود .


__________________________________________________ __________

حبيبتي السمار مو مشكله كثير بنات سمر بس انتي استعملي خلطه واتركيها فتره وبعدين استمري على كريم تفتيح مثل افالون واستخدمي كريم اساس دايم قدام زوجك كثير بنات سمر يعملو كذا والخلطه اذا استخدمتيها لازم تستخدمين كريم وقايه من الشمس لان فيه كثير خلطات تسبب كلف
ومشكلة الصدر الكبير المترهل عادي البسي ملابس تناسب جسمك مثلا فتحة الصدر تكون كبيره شوي فهمتي وفيه ملابس ماتطلع حلوه الا على اللي صدرها كبير شوفي الفنانات كل يوم نفخ اما الترهل الستيان مايقصر
بس اهم شي قدام زوجك خليك واثقه من نفسك لان اذا هو تكلم كذا وانتي شجعتيه والله راح يتمادى وكل يوم يطلع شيء جديد فيك وينتقدك الي ان تنعدم ثقتك بنفسك بالمره
يعني قولي عادي واذا سمرا السمار حلو كلي ملح واذا قال صدرك كبير قولي الناس تتمنى الصدر الكبير شوف الفنانات بس لاتخلينه يتمادى والبسي ستيان يناسب جسمك فيه انواع حلوه تشد الجسم والله انا ماشوف عندك مشكله قولي الحمدلله بس انتي البسي اشياء تناسبك
ادعييييييييييييييييييييلي


__________________________________________________ __________

مشكورين ع التفاعل السريع
بس فكرة اني اروح اسوي تجميل هذي صعبه لكن بالنسبه للبس الستيان اني ما اعرف مقاسي بالضبط دايم اروح واشتري بمقياس نظري وانا بطبعي استحي اني ارجعها اذا صارت مو مقاسي ..

والخلطه ان شالله بسويها ويارب تجيب نتيجه..