عنوان الموضوع : هل هذا غباء والا ايش؟فهموني؟ الطبيب يجيب
مقدم من طرف منتديات نساء الجزائر

هل هذا غباء والا ايش؟فهموني؟



السلام عليكم ورحمة الله وبركاته
انا متزوجة كنت اعيش في قرية ولاعمري سافرت مدينة الا بعد ماتزوجت ولي الحين خمس سنوات في المدينة انا متعلمة عندي شهادة الثانوية ونسبتي 91
اجيد اللغة الانجليزية كنت اكثر وحدة متفوقه في هذي المادة

مشكلتي اني غبيه ولا افهم بسرعة واذا فهمت انسى بسرعه
اقول لكم عن الاشياء اللي ما افهمها
تكفون لاتضحكون علي

انا غبيه اذا رحت المستشفى ما اعرف اتصرف وكلام الدكتورة انساه بسرعه
اذا دخلت ما اعرف ايش اسوي لازم اسال عن كل شي حتى يسألوني انتي اميه؟؟؟؟
مع اني اعرف انجليزي وافهم اشوي من كلام الدكتورة مع السستر
لما يتكلمو انجليزي

اليوم حصل معي موقف بكيت من اجله كثير
انا حامل ماشاءالله والحمدلله
رحت اتابع حملي وسويت تحاليل حمل قبل يومين اليوم رحت ع النتيجه
دخلت ع الدكتورة قتلها ايش النتيجة قالت وين ملفك ملف الحمل اللي اعطيناك لازم تجيبيه معك كل مرة
ارتبكت ما عرفت اتكلم ما اذكر انها اعطتني شي قتلها نسيته فالبيت عشان تسكت
زوجي عصب وقال لازم يطلعوا نتيجة التحاليل اليوم عشان بنسافر بكرة
قصة طويلة عريضة طلعت في الاخير انا غلطانةو غبيه ودورت ع الملف مالقيته حتى فالبيت يمكن ضيعته ما ادري

الشي الثاني
انا اذا رحنا مكان ما اعرف الطريق مع ان في اماكن قد رحتها مية مرة ما اعرف طريقها ولا اعرف ترتيب المدينة اللي ساكنة فيها ما اعرف وين السوق الفلاني والمسجد الفلاني وغيرة مع ان لي خمس سنوات
مرة زوجي سوى عملية وجا اخوي عندي من مدينة ثانية ورحنا نزور زوجي وقال وصفي لي طريق المستشفى وارتبكت وسكت قال ما تعرفين قلت لها وضحك علي مع ان المستشفى هذا قد رحته اكثر من مرة ومو بعيد من بيتي مرة

والشي الثاني بالسوق والحدايق ما اعرف انا وين؟ لازم زوجي يوديني كاني عجوز
فالحديقة مثلا ما اعرف اروح المصلى لحالي مع اني اروح هذي الحديقة باستمرار ماادري ليه اضيع

حتى القبلة في البيت ما اعرف اتجاهها الا في غرفتي اللي اصلي فيها بس
اذا رحت غرفة ثانية وربي اضيع ما اعرف مكان القبلة
وزوجي عكسي عنده قوة ملاحظة ماشاءالله عليه ويحفظ الطرق والاماكن من اول مرة

هذا الشي مسبب لي ازمة نفسيه كبيرة خصوصا ان زوجي ذكي صرت ارتبك زيادة حتى لو اعرف ماعندي ثقة في نفسي
احيان يقول لي واحنا طالعين احنا وين الحين وش اسم الحي ؟ اسكت
مع اني اقرا اللوحات واحاول اركز بس ما في فايدة

تتوقعون ان السبب لاني كنت عايشه بقريه ما تعودت ع نظام المدينةمع ان خواتي عكسي ويضحكون علي
والا هذا غباء انا في هم مايعلمه الا ربي خففوا عني واللي يرحم والديكم

>>>>> ردود الأعضـــــــــــــــــــاء على الموضوع <<<<<
==================================


نفس حالتك الله يعيننا بس
اظن لان ماعندنا ثقة والسبب اللي يزيده ان الناس تتمسخر منا لين ثبتوا فينا عدم الثقة بانفسنا


__________________________________________________ __________

والله ياقلبي من اسلوبك وانتي تتكلمي مبين عليك انك مثقفه ومتعلمه بس ينقصك تثقين في نفسك وبالنسبه للخطوط اش رايك تاخذي دفتر صغييييييير وتعلمي فيه الاماكن يعني مثلا نلف يسار من السوبر يعني تكتبي الوصف وتحفظي وخذي كشكول ثاني واكتب مواعيدك والاشياء المهمه فيه ومااظن السبب انو كنت عايشه بقريه ماله دخل الثقه ثم الثقه


__________________________________________________ __________

انا مع الاخت عبييير الرووح وكمان يباالك تركيززز ركيزي وحطي في بالك انك تفهمي انك تتعلمي
ولا تحطي في بالك انك من قريه انا اعرف ناس عايشين يقريه ورربي ماشاء الله كل شي يفهموونه
لازم تبيني لنفسك ولزوجك انك مثقفه وخذي هالدفتر واكتبي فيه كل الملاحظات وراح يفيدك
ادعيلي بالذريه الصالحه


__________________________________________________ __________

ياقلبي انتي
مازيد على كلام البنات
الله يفرج همك قولي اميين..


__________________________________________________ __________

وعليكم السلآم ورحمة الله وبركآته
حبيبتي
أنتي واضح عليك ماشآء الله إنسآنه فاهمه ومثقفه
ومشكلتك إن شاء الله راح يكون حلهآ بسيط جداً
بس لآزم تشيلين من بآلك إنك ماتفهمين
حطي ببآلك أنك راح تقدرين تتغلبين على هالحآله وبإذن الله راح تتغلبين عليهآ و كوني واثقه من كلآمك
أهتمي بغذائك الصحي وهو له دور
أهتمي بأكلك للتمر هو فوائده عظيمه
أبدئي بتجربه
يعني أول ما يمر لك موقف أحد يعطيك شي خليه أول نقطه للتجربه و حطيها في بالك وتذكري انك تجرين لنفسك إختبار وهكذا إلى ان تشوفي أنك تركزين بالكلآم وتفتكرينه لآكن إذا حطيتي في بالك ما أقدر ما راح تقدرين
وهذا أنتي ماشاء الله عليك أحسن من غيرك
الله يفرج همك
بالتوفيق إن شاء الله