عنوان الموضوع : مشكلتي انا وامي واخواتي -تم الاجابة
مقدم من طرف منتديات نساء الجزائر

مشكلتي انا وامي واخواتي



السلام عليكم
ان جديده معكم واول موضوع لي ادري جايتكم بمشاكلي بس مالقيت احد اشتكي له بعد الله الا انتم
احنا عايله نتكون من 7 اولاد و5 بنات 3 من اخواني متزوجين و2 توهم متوظفين و2 يدرسون متوسط والبنات 3 متزوجات ووحده متخرجه وعاطله ووحده تدرس ابتدائي وهي اخر العنقود
وامي تشتغل بمدرسه
المهم مالكم بالطويله بس حبيت احطكم بالصور عشان تعرفون معاناتي
ابوي كان يحب الاولاد اكثر منا يالبنات ويقول ماينفعني الاهم وبعد ماكبر نسو كل شي
للاسف نسو كيف ابوي كان ماينام اليل عشان مايخليهم يحتاجون الناس وكان يتسلف من هذا وهذا
ابوي حاشته جلطه وهو طريح الفراش لايتحرك الابلسانه او عيونه التي يملؤه الدمع
اخواني المتزوجين مايجون اهلي الا مره بالاسبوع والله اكثر الايام مايجون الا بعد اسبوعين او3 وهم عايشين بنفس المنطقه والحي واحد عايش فوقهم والي توهم توظفو نقلوهم لمنطقه بعيده والله اذا جو مايقصرون
بس الي قاهرني وفاقع مرارتي اخواني المتزوجين لانهم يسوون نفوسهم عند الناس انا احنا البارين الي مافي زينا
والله يابنات ان امي دقت امس على 2 منهم قالت تعالو ودو ابوكم المستشفى واحد قال انا مشغول دقي على فلان ودقت على الثاني قال لعنكم الله وقفل في وجهها
المشكله ابوي محتاج تدليك ومحتاج اهتمام وعنايه ومن يقوم به وامي واختي مايقصرون بس تدرون الرجال كيف يكون ثقيل الله المستعان وابوي الحين فيه تقرحات الفراش والدم ماعاد يوصل
لرجلينه يحتاج ممرض بس اخواني رافضين يجيبونه ومحتاجين سواق ورفضو يجيبون عشان الناس ماتاكل وجيهم على فكره بنجيبهم على حساب ابوي وامي يعني اخواني مو دافعين ولا هلله
والله يانا واختي اذا فضين مانقصر نقوم بالي نقدر عليه
يابنات ابي مساعدتكم وحلول لمشكلتي تكفون ولو بدعوه
ادري كلامي ملخبط بس من القهر اتمنى تفهمون علي
حسبنا الله ونعم الوكيل

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته

شفا الله والدك وعافاه وكتب له الأجر ان شاءالله

حبيبتي ...بالنسبه لأخوانك نسأل الله لهم الهدايه والصلاح مجبورين في والدك وليس اختياريا يقومون
به او لا..هذا والدهم اذا لم يقوموا هم برعايته من سيفعل ذلك !!
لتكن والدتك حازمه معهم في هذا الأمر ولتدعي الله ان يهديهم ويصلح شأنهم ان شاءالله

السائق تقدر والدتك تستقدم سائق باسم والدك وذلك عن طريق بطاقة الاحوال الخاصه به وببطاقة العائله
ايضا وليست في حاجه الى رأي اخوتك او موافقتهم ، مع احترامي لهم فهم لايستحقون ان يؤخذ برأيهم
يعني سبحان الله لا يرحمون ولا يعطفون ومع ذلك يتجبرون بأرائهم ايضا!!

اما الممرض فلا اعلم ماهي اجراءات استقدامهم

هذا مالدي لكِ ، اسأل الله تعالى ان يشفي والدك وان يبارك لكم في والدتك وان يهدي اخوتك ويرشدهم
الى هدى الله وتقواه وبر والديهم وطاعتهم
اللهم آمين يارب العباد


__________________________________________________ __________

الله يكون بعونكم ان شاءالله ويشفي ابوج يارب ومرضى
المسلمين لازم ياعمري تكونين قويه والوالده بعد لازم
يكوون موقفها قوي ودام مقتدرين الحمدالله انااضم صوتي
حق اختنا المشرفه قدمواعلى سواق عن طريق بطاقة الوالد
واذا عارضوا اخوانج وقفوا بوجهم ولاتضعفون
قدامهم صدقيني اذااصريتوعلى موقفكم بيسكتون
والاهم من هذا كله حبيبتي كثري من الدعاء والاستغفار
والصدقه عن الوالدكما امرناعليه الصلاةوالسلام بقوله
(داوو مرضاكم بالصدقه)


__________________________________________________ __________

لا حول ولاقوة الا بالله ....الله يهديهن يارب...وعكل بهالوقت النسوان صروا قادرين يعملوا اي شي ...يعني شغلة الشوفير والممرض مو صعبين كتير...الله يكون معكن ويسهللكن اموركن قادر يا كريم


__________________________________________________ __________



الله يشفي ابوك

مالكم سند إلا هو

ولا الاخوان لا تنتظرين منهم خير

بس كلميهم بالعقل انه لا يرحمون ولا يخلون رحمة الله تنزل !

اذا ما ودهم يهتمون بالوالد بكيفهم

بس خلهم يجيبون من يقوم فيه !

وكمان اذا ما تقدرين تكلمينهم كلمي زوجاتهم

اذا عارفه ان زوجاتهم لهم تأثير عليهم

والزوجة رح تقتنع بسرعة لان البنت هي اللي تعرف غلاة الأب

وانتي كلمين زوجاتهم ذكريهم بـ آبائهم

والله ان البنت مالها الا ابوها , قوليلهم هذا ابوي

اتخيلوا نفسكم مكاني , البنت اهون عليها تموت ولا يمس ابوها مكروه

ادخلي عليهم من ناحية العاطفة وهم بنات وبيقدرون ان شاء الله


وطمنينا عنك وعن الوالد اذا صار شي جديد


__________________________________________________ __________

صح نسيت أقولك ..

اذا تقدرين تكلمين أخوانك اللي بعيدين عنكم

بحيث ان جوا عندكم جابوا لكم السواق والممرض

ومو لازم تنتظرون موافقة اخوانك المتزوجين دامهم كذا

الله يصلحهم بس