عنوان الموضوع : مابيه والله مابيه تكفون ساعدوني
مقدم من طرف منتديات نساء الجزائر

مابيه والله مابيه تكفون ساعدوني



السلام عليكم

مشكلتي معقدة جدا جدا .. بدايتها صعبة ونهايتها أصعب بكثير ..
أنا بنت عمري 22 سنـة .. كنت بنت قبل عدة سنوات .. بس اليوم أنا بعرف المجتمع لاء مو بنت ..

ببساطة حالة اغتصاب .. ! ما أبغى أفصل لأن نفسيتي تتعب من جد لما أقعد أتذكـر ..

بس الحمدلله .. ( ايماني ما خلاني ) .. كنت دائما أشعر بالرضا والسعادة حتى وأنا في وضعي الحساس هذا .. وشوي شوي بديت أتأقلم مع وضعي واتخذت قرار ما أتزوج طول عمـري .. لسببين .. علشان ما أكون مصدر فضيحة لأهلي .. وكمان لأني كرهت جنس آدم وماعدت اقدر اتقبله ..

مافكرت مثل ( أخواتي في الاغتصاب ) إني اسوي عمليات ترقيع او تضييق او ما شابه .. مو لأني عديمة احساس وما ابغى اتزوج واصير أم مثلي مثل باقي البنات .. بس لأن ما زال فيني شعور غريب يلازمني من اكثر من سنة .. شعور يحسسني اني خلاص ما أبغى شي من الحياة .. اطلاقا !

ولكن ( تجري الرياح بما لا تشتهي السفن )
ابوي .. شنو من بشر ابوي ؟
ابوي انسان يبي يختار عنا كل شي بهالحياة .. اولهم الشريك ..
هذا اسلوبه معاي ومع اخواني حتى في أدق أدق تفاصيل حياتنا ..

الوالدة غادرت الدنيا .. كان ودي ألحقها ومن زمان .. بس طبيعي انه الحياة ما تمشي على كيفي .. ولا على كيف اي انسان بهالدنيا ..

الخلاصـة .. ( تقدم لي الانسان الي غصبني شي من أثمن الاشياء الي كنت أمتلكها )
ابوي طبعا مايدري عن الحادثة نهائيا .. محد يدري ..
ترجيت ابوي يزوجه اختي الي اصغر مني .. يرفضه .. يعتذر منه .. يسوي اي شي .. بس ما أتزوجه .. رفض .. ( ورفضت انا طبعا اعطيه السبب الحقيقي لرفضي ) ..
ابوي .. اغرته مادية المتقدم .. مع اننا ميسوري الحال ولله الحمد ..
وبحكم قرابته .. قال احسن تاخذين رجال منك وفيك ..

طبعا ابوي أعطى ( الحقير ) كلمة الموافقة واعطاه رقمي وكلمني .. بس من قهري ماقدرت ارد بولا كلمة .. كان يبكي .. يقول تائب ! .. يطلب السماح وجاي يصحح غلطته .. انا بس اسمع ومصدومة من نفسي شلون راح اقدر اتعايش معاه .. ! مو في بالي صوره له الا صورة انسان مجرم .. اما بالنسبة للتوبة فهذا شي بينه وبين ربه بس انا والله ما اسامحه

بـ يوم من الايام امتلكت الشجاعة الكافية وقلت له اني ما ابيه .. ما احبه .. اكرهه .. احتقره .. كلمته عن كل احاسيسي تجاهه .. بس رفض ينسحب .. !! وانا لليوم مو عارفة شسوي .. لليوم محسوب علي رجال .. لليوم محسوب علي خطيبي ..

ارجوكم لا تقولون لي خبري ابوك .. إن درى بيذبحني قبل لا يذبحه ..

صارت نفسيتي تعبانه ومنهارة من يوم ما خطبني ..صرت اخاف على اخواتي منه بحكم اني الأكبــر .. هو يجي يزور بين فترة وفترة ..!

قبل يومين جا البيت وابوي كان مو موجود ...انا كنت نايمة ... بس فجأة صحتني اختي تقولي اختي الصغيرة مو موجودة .. حزة عشا .. وين راحت .. دورت دورت دورت بس ماحصلتها .. لحد ماشفت سيارته وجايب اختي الصغيرة معاه .. بغى يطيح قلبي .. خفت عليها .. ( نازلة فرحانة تقول فلان وداني السوق وشرالي كاكاو ) .. دخلتها البيت .. وبدون احساس رحت له ومديت ايدي عليه ( الحمدلله محد كان برا ) .. ادري غلطانه .. مو علشانه .. علشان عمري ماتعودت أأذي احد وادري انه مثل هذي التصرفات ما تناسبني كأنثى .. بس فقدت اعصابي وما قدرت اسيطر على نفسي .. المهم .. حذرته مرة ثانية يحتك بأي وحدة من اخواتي أيا كانت ..!

من هذا كله أبغاكم تنصحوني .. شسوي ؟
مابيييييه .. وابوي حجر عثرة .. مقتنع فيه لأبعد درجة ..

أنتحر ؟ ودي أبكي وأملى الكون هذا كله بدموعي ..

>>>>> ردود الأعضـــــــــــــــــــاء على الموضوع <<<<<
==================================


الله يحميكي انتي واخواتك
اكيد انك كارهاه ومحتقراه ولكي حق وكمان لكي كل الحق تخافي على اخواتك منه
شوفي واضح من كلامك انه حاسس بالذنب ويريد ان يكفر عن جريمته البشعة
انتي ادعي واستخيري ممكن يكون تاب توبه صادقة ويريد ان يسعدك بعد مااتعسك ادي نفسك فرصه
والله يجزيكي خير على صبرك


__________________________________________________ __________

اول شي الله يستر عليك ويكتب لك اللي فيه الخير
واكيد انه ندم على اللي سواه علشان كيذا جاء يصلح غلطته
واقبلي فيه احسن من الفضايح واذا بعد الزواج ماقدرتي تكملي معاه وقتها انسحبي من حياته
وربي يكتب لك السعاده


__________________________________________________ __________

السلام عليكم يااختي
بصراحة لكل شيء مساوءة وحسناتة
فانت صاحبة القرار
لانكي ادرى منا بضروف هذا الشخص
وان كان صادقا حقا
ولكني لو كنت مكانك
لحاولت ان اتقبل الامر واحاول ان انسى
الموضوع وابدا مع هذا الشخص من البداية
وفبرضوخك للامر الواقع ستحققين العديد من الامور
منها اسعاد والدك
ثانيا تخلصك من فضيحة قد تصيبك ان رفضتي
ثالثا المحافضة على سمعة اخواتك من اي شخص قد يتقدم لهن
رابعا وهو شيء متعلق بكي
وهو الزواج
فالزواج هو غاية ومقصد كل بنت
واعتقد ان هذا ايظا مرادك على الرغم من ماتعانينة الان من احباط وكرة للرجال
وحاولي ان تجلسي مع هذا الشاب
وتعلمي ان كانت نواياه حقيقية ام كاذبة

ولكي من الله التوفيق
ودمتي سالمة ونود ان نسمع اخر اخبارك


__________________________________________________ __________

اولا انصحك بقبول زواج منه لكي تستر فضيحة قبل مايعرف ابوك وتحافضي على اخواتك منه وتسعدي ابوك ولما تتجوزيه ادا عجبك كميلي معاه وادا لا انسحبي اتمنى لكي الستر منالله انتي واخواتك


__________________________________________________ __________

السلام عليكم ورحمة الله وبركاته


حبيبتي

اولا ... كان الله في عونك ويلهمك الصبر والاجر على صبرك وقوة ايمانك

ثانيا... انا اشوف ان الفرصه جت لين عندك ..

فلا تضيعيها حبيبتي منك


ياكثر البنات اللي مروا في مثل موقفك ويبكوا دم


وخايفين من الفضيحه


وغالبا يتقدم لهم شخص غير المغتصب


لكن انتي مصيبتك اهون من غيرك



وادا شفنا مصيبة غيرنا هانت علينا مصايبنا((صح ولا لا؟؟))


حاولي تضغطي على نفسك .. بكثرة الصلاه واللجؤ الى الله


واقبلي فيه .. وعيشي معاه حتى بدون زواج حقيقي


يعني قدام الناس بس


وادا مع العشره تقبلتيه وقدرتي تتعايشي معاه كان بها


والله يسعدك


وادا ماقدرتي اطلبي الطلاق واصري عليه


وقدام ابوك والناس اسمك مطلقه..وسمعة هلك واخواتك مرفوعه ومحفوظه



صدقيني يالغاليه ..حتى لو اقتنع ابوك ورفضه


ماتدرن يمكن ما يرفض العريس الثاني


وهنا بتكون البلشه


احمدي الله على ما كتب ... وربي يستر عليك دنيا واخره

ويسعدك يااارب


قلبي معك يا اختي


وطمنينا عليك


لاتقطعي ونجلس نحاتيك